قازىرگى جاھاندانۋ زامانىندا تەلەارنالاردىڭ ىقپالى زور. الەۋمەتتانۋشىلاردىڭ زەرتتەۋىنە قاراعاندا، ادامدار اقپاراتتىڭ 60 پايىزدان استامىن تەلەديداردان الادى ەكەن. دەمەك، ءار مەملەكەت تەلەديدار ارقىلى-اق ءوز ساياساتىن جۇرگىزە الادى دەگەن ءسوز. قازىرگى كەزدە ەڭ قاۋىپتىسى - اقپاراتتىق سوعىس. وسى سوعىستا كىم جەڭىسكە جەتسە، سونىڭ مەرەيى ۇستەم.

اتا زاڭىمىز بويىنشا، قازاقستان - دەموكراتيالىق زايىرلى مەملەكەت. ال دەموكراتيا دەگەنىمىز - ازشىلىقتىڭ كوپشىلىك پىكىرىنە قۇلاق اسۋى دەگەن ءسوز. ەگەر وسى تۇرعىدان الىپ قارايتىن بولساق، رەسپۋبليكا حالقىنىڭ 70 پايىزىن قۇرايتىن مۇسىلماندارعا ارنالعان باعدارلاما نەمەسە حابار ەمەس، تىم قۇرىعاندا ءبىر يسلامي تەلەارنا بولۋى كەرەك ەمەس پە؟ الايدا جاعداي كەرىسىنشە...

قازىرگى جاھاندانۋ زامانىندا تەلەارنالاردىڭ ىقپالى زور. الەۋمەتتانۋشىلاردىڭ زەرتتەۋىنە قاراعاندا، ادامدار اقپاراتتىڭ 60 پايىزدان استامىن تەلەديداردان الادى ەكەن. دەمەك، ءار مەملەكەت تەلەديدار ارقىلى-اق ءوز ساياساتىن جۇرگىزە الادى دەگەن ءسوز. قازىرگى كەزدە ەڭ قاۋىپتىسى - اقپاراتتىق سوعىس. وسى سوعىستا كىم جەڭىسكە جەتسە، سونىڭ مەرەيى ۇستەم.

اتا زاڭىمىز بويىنشا، قازاقستان - دەموكراتيالىق زايىرلى مەملەكەت. ال دەموكراتيا دەگەنىمىز - ازشىلىقتىڭ كوپشىلىك پىكىرىنە قۇلاق اسۋى دەگەن ءسوز. ەگەر وسى تۇرعىدان الىپ قارايتىن بولساق، رەسپۋبليكا حالقىنىڭ 70 پايىزىن قۇرايتىن مۇسىلماندارعا ارنالعان باعدارلاما نەمەسە حابار ەمەس، تىم قۇرىعاندا ءبىر يسلامي تەلەارنا بولۋى كەرەك ەمەس پە؟ الايدا جاعداي كەرىسىنشە...

ءتىپتى ءبىزدىڭ جاعدايىمىز رەسەيدىڭ قول استىنداعى تاتار باۋىرلارىمىزدان دا كەيىن. ولاردىڭ «تنۆ-تاتارستان» تەلەارناسىندا ايىنا ەكى رەت «ناسىيحەت» اتتى يسلامي باعدارلامانىڭ پايدا بولعانىنا بەس جىلدان استى. جاقىندا العاشقى مەرەيتويىن اتاپ وتكەن رەداكتسيا ۇجىمى بۇدان بىلاي كوگىلدىر ەكرانعا اپتاسىنا ءبىر رەت شىعۋدى جوسپارلاپ وتىرعاندارىن ايتتى. وسى ۋاقىتقا دەيىن ءتۇرلى يسلامي تاقىرىپتاعى 120 باعدارلامانى ءوز انا تىلدەرىندە دايىنداپ، كورەرمەننىڭ نازارىنا ۇسىنعان. سونداي-اق «رەسەي-تاتارستان» تەلەارناسىندا «رۋحاني مۇرا» اتتى اسىل ءدىنىمىزدى ۋاعىزدايتىن حابارلارى تاعى بار. ال رەسەي پرەزيدەنتى دميتري مەدۆەدەۆ قازانعا جاساعان رەسمي ساپارىندا يسلام ۋنيۆەرسيتەتىن ارالاپ، رەسپۋبليكا مۇسىلماندارىمەن كەزدەسۋىندە پراۆوسلاۆيەنى ۋاعىزدايتىن «سلوۆا پاستىريا» اتتى كۇن سايىن شىعاتىن باعدارلاماعا ۇقساس يسلامي حابار اشۋعا كومەكتەسەتىنى جايىندا ۋادە بەردى. «اللا قالاسا، بۇل ارمانىمىزعا دا قول جەتكىزەتىن شىعارمىز»، - دەيدى تاتار باۋىرلارىمىز.

مەدۆەدەۆتىڭ مۇسىلماندارعا دەگەن وڭ كوزقاراسى شەشەندەردى دە رۋحتاندىرا تۇسكەندەي. پرەزيدەنتتىڭ قازان قالاسىنداعى ايتقان سوزدەرى دەم بەردى مە قايدام، ولار دا ەل اۋماعىنا حابارى تارايتىن يسلام تەلەارناسىن اشۋ كەرەك دەگەن شەشىمگە كەلىپتى. رەسپۋبليكانىڭ باس ءمۇفتيى سۇلتان مىرزاەۆ وسىدان سوڭ شۇعىل تۇردە ءدىنتانۋشى جانە تەولوگ عالىمداردىڭ باسىن قوسىپ، بۇل ماسەلەنى تالقىلاپ، ءوز ۇسىنىستارىن پرەزيدەنت رامزان قادىروۆقا جەتكىزگەن. ءوز كەزەگىندە ول دا ايانىپ قالماسىن بىلدىرگەن. سونىمەن، كىشكەنتاي عانا شەشەنستاندا جاقىن ارادا يسلام تەلەارناسى اشىلىپ جاتسا، تاڭعالا قويمايتىن شىعارمىز.

تەحنيكانىڭ قارىشتاپ دامۋىنا بايلانىستى سپۋتنيكتىك جانە كابەلدىك جەلىدەگى تەلەارنالار زامانى ءجۇرىپ تۇر. قازىر الەمدەگى بارلىق دىندەر مەن سەكتالار ءوز ۇستانىمىن ۋاعىزداۋ ءۇشىن ايانىپ قالماۋدا. ارينە، يسلامدى ۋاعىزدايتىن ارنالار دا بارشىلىق. بىراق ولاردىڭ دەنى اراب، اعىلشىن جانە ۋردۋ تىلدەرىندە حابار تاراتادى. دەمەك، حالقىمىزدىڭ باسىم بولىگى سپۋتنيكتىك جەلىگە قوسىلعانىمەن، ونى تۇسىنبەيدى دەگەن ءسوز. ەسەسىنە ورىس تىلىندە حريستيان ءدىنىن ۋاعىزدايتىن تەلەارنالار جەتىپ-ارتىلادى. سولاردىڭ ءبىرى - CNL حريستيان تەلەارناسى. الەمدەگى 300 ميلليون ورىستىلدىلەردىڭ باسىم بولىگى وسى تەلەارنانى كورەتىندىگىن الەۋمەتتانۋشىلار انىقتاپ وتىر. «ولاردىڭ ىشىندە ءدىننىڭ نە ەكەنىن تۇسىنبەيتىندەر دە بار. ءتىپتى بۇرىنعى كەڭەس وداعىنىڭ اۋماعى تۇرعىندارىنىڭ اراسىندا اتەيستەر دە از ەمەس. بىراق ءبىز ورىس ءتىلىن پايدالانىپ، يسانىڭ كىم ەكەنىن ولارعا ۇقتىرىپ، جۇرەگىن اشامىز»،- دەيدى تەلەارنا باسشىلارى. مىنە، ءتىلدىڭ قۇدىرەتتىلىگى وسىندا!

دەرەك

رەسەيدە تەك پراۆوسلاۆيەنى ۋاعىزدايتىن ورىس تىلىندە حابار جۇرگىزەتىن ورتالىق تەلەارنالاردان باسقا جەرگىلىكتى ارنالار دا قالىپتاسىپ ۇلگەرگەن. مىسالى، ەكاتەرينبۋرگ ەپارحياسىنا قاراستى «سويۋز»، ياروسلاۆل وبلىسىنىڭ اۋماعىنا تارايتىن «ياروسلاۆل»، سانكت-پەتەربۋرگتەگى «بەسىنشى ارنا» اتتى ءدىني تەلەارنالار سوزىمىزگە دالەل. قاراپ وتىرساق، رەسەي دە ءبىز سياقتى زايىرلى مەملەكەت. الايدا ورىس ۇلتىنىڭ مۇددەسى ءۇشىن حالىقارالىق قاعيدالاردى بەلدەن باسىپ، پراۆوسلاۆيەنى مەملەكەتتىك دەڭگەيگە كوتەرىپ وتىر. ال ءبىز بولساق، يسلامي باعدارلامانىڭ وزىنە ءزارۋمىز.

ءتۇيىن
وتكەن جىلى رامازان ايىندا «قازاقستان» ۇلتتىق ارناسىندا «ورازا قابىل بولسىن!» باعدارلاماسىن جۇرگىزگەن التى الاشقا تانىمال ايتىس اقىنى مۇحامەدجان تازابەكوۆ ءبىر سوزىندە: «حالقىمىزدىڭ 70 پايىزى مۇسىلماندار بولا تۇرا، بىردە-ءبىر يسلامي تەلەارنامىزدىڭ بولماۋى - ەلدىگىمىزگە سىن ەمەس پە؟» - دەپ ەلىمىزدiڭ بولاشاعىنا الاڭداۋشىلىق بىلدىرە كەلە، جاقىن ارادا انا تىلىمىزدە حابار تاراتاتىن «اسىل ارنا» اتتى يسلامي تەلەارنانىڭ اشىلاتىنىن ايتىپ قۋانتقان-دى. يسلامي تەلەارنالار مەن باعدارلامالاردىڭ اشىلۋى زاڭىمىزعا دا قايشى ەمەس. دەمەك، بار گاپ وزىمىزدە. تەك نيەت بولسا بولعانى...

كەۋلىمجاي قۇتتيەۆ

"الاش ايناسى" گازەتى 22 ماۋسىم 2009 جىل