سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ كەڭەسشىسى،  رەسپۋبليكالىق اقپاراتتىق-اعارتۋشىلىق شتابىنىڭ ءتورايىمى، ەتنوديزاينەر، پرەزيدەنتتىڭ "التىن ساپا" سىيلىعىنىڭ يەگەرى،  "قۇرمەت" وردەنىنىڭ كاۆالەرى، قوعام قايراتكەرى - ىرزا تۇرسىنزادا جانە قر سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى - ارمان بەردالين مەن قىزىلوردا وبلىسىنىڭ اكىمى قۋانىشبەك ىسقاقوۆ وبلىس اكتيۆىمەن كەزدەسۋ وتكىزدى.

ماجىلىسكە جەرگىلىكتى بيلىك، قۇقىق قورعاۋ جانە ورتالىق اتقارۋشى ورگان باسشىلارى، ۇكىمەتتىك ەمەس ۇيىمدار مەن بۇقارالىق اقپارات قۇرالدارى وكىلدەرى قاتىستى.

كەزدەسۋ بارىسىندا ىرزا تۇرسىنزادا - مەملەكەتىمىزدىڭ سىبايلاس جەمقورلىققا قارسى ساياساتى قۇقىقبۇزۋشىلىقتىڭ الدىن الۋعا، پاراساتتى قوعام قۇرۋعا باعىتتالعاندىعىن حابارلاپ، دەپارتامەنت قىزمەتكەرلەرىن ءوز قىزمەتتەرىنە ادال ءارى پاراساتتى بولۋعا جانە سىبايلاس جەمقورلىقتىڭ الدىن الۋ مەن تيىمدىلىگىن ارتتىرۋ ءۇشىن بارلىعىمىز  اتسالىسۋىمىز قاجەت ەكەندىگىن بايانداپ ءوتتى.

سونىمەن بىرگە،  قر سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان بەردالين - ازاماتتار مەن مەملەكەتتىك ينستيتۋتتاردى سىبايلاس جەمقورلىقتان قورعايتىن اشىق، كاسىبي جانە ءتيىمدى مەملەكەتتىك ورگانى بولۋ ءۇشىن ايانباي جۇمىس ىستەپ، بارلىق كۇش-جىگەرىن سالۋ قاجەتتىگىن حابارلادى.

Abai.kz