كانە، قايسى الدار؟
1. http://denisovka.info سايتىنا پىكىر جازعان ءبىر ادام الدار كوسەنى وسىنداي دەپ تانيدى.
2. قازاقستان ۇلتتىق بانكىنىڭ «قازاقستان حالقى ەرتەگىلەرى» سەرياسى بويىنشا شىعارعان كۇمىستەن جاسالعان «الدار كوسە» مونەتاسى.
3. ارۋنا LTDباسپاسى شىعارعان «الدار اتانۋى» دەگەن كىتاپتا الدار كوسە وسىلاي بەينەلەنگەن.
1. http://denisovka.info سايتىنا پىكىر جازعان ءبىر ادام الدار كوسەنى وسىنداي دەپ تانيدى.
2. قازاقستان ۇلتتىق بانكىنىڭ «قازاقستان حالقى ەرتەگىلەرى» سەرياسى بويىنشا شىعارعان كۇمىستەن جاسالعان «الدار كوسە» مونەتاسى.
3. ارۋنا LTDباسپاسى شىعارعان «الدار اتانۋى» دەگەن كىتاپتا الدار كوسە وسىلاي بەينەلەنگەن.
4.بەلگىسىز اۆتور http://mirbiznesa.kz/prodvinutiy/biznes-master/istorii-biznesa/biznesmen-aldar-kose/ سايتىندا بيزنەس جايىندا ماقالا جاريالاعان، ماقالا اۆتورىنىڭ ويىنشا الدار كوسەنىڭ بەينەسى وسىنداي بولعان.
5. الماتى قالاسى، قابانباي باتىر جانە ناۋرىزباي باتىر كوشەلەرىنىڭ قيىلىسىنداعى قاراعاي ساياباعىنداعى حالىق اڭىزدارىنىڭ قاھارمانى - الدار كوسەگە ارنالعان ەسكەرتكىش.
6. 1976 جىلى شىعارىلعان «كاك الدار كوسە پەرەحيتريل تيگرا» اتتى مۋلتفيلمدەگى الدار كوسەنىڭ بەينەسى. رەجيسسەرى: يۆان سون-ي-سون.
7. 1982 جىلى جالىن باسپاسىنان شىققان «ۋلىبكا حيترەتسوۆ» دەگەن كىتاپ مۇقاباسىنداعى الدار كوسە بەينەسى.
8. 1975 جىلى قازاقفيلمدە شىعارىلعان الدار كوسە ءمۋلتفيلمى. رەجيسسەرى: يۆان سون-ي-سون
9. "Azia Animation" ستۋدياسىنىڭ الدار كوسەسى اياق كيىم جارنامالايتىن پلوكاتتا. 2007 جىل
10. مەكتەپ جاسىنا دەيىنگى بالالارعا ارنالعان ەرتەگى كىتاپ مۇقاباسىنداعى الدار كوسەنىڭ بەينەسى.
11. 2004 جىلى «انيماستەر» ستۋدياسىندا رەجيسسەرى تاتيانا جاريمبەتوۆا تۇسىرگەن انيماتسيالىق فيلمدە بەينەلەنگەن الدار كوسە.
12. http://tengrinews.kz/opinion/143/ سايتىنىڭ ماماندارى الدار كوسەنىڭ بەينەسىن وسىلاي دەپ تانيدى.
13. ارۋنا LTDباسپاسى شىعارعان «الدار كوسە جانە جارتىباي باي» دەگەن كىتاپتا بەينەلەنگەن الدار كوسە.
14. ارۋنا LTDباسپاسى شىعارعان «الدار كوسە جانە قۋ بالا» دەگەن كىتاپتاعى الدار كوسە.
15. ارۋنا LTDباسپاسى شىعارعان «كاك الدار كوسە پودرۋجيلسيا س چەرتيامي» دەگەن كىتاپتاعى الدار كوسە.
16. ارۋنا LTDباسپاسى شىعارعان «وسەل الدارا كوسە» دەگەن كىتاپتا بەينەلەنگەن الدار كوسە.
17. مەكتەپ باسپاسىنان شىققان ەرتەگى كىتابىنىڭ مۇقاباسىنداعى الدار كوسە بەينەسى.
18. قىدىرالى بولمانوۆتىڭ بال-بالا فيرمالىق دۇكەنىنىڭ ساتىلىمعا شىعارعان قازاقشا سويلەپ، ولەڭ ايتاتىن الدار كوسە قۋىرشاعى.
19. الدار كوسەنىڭ بۇل بەينەسى ماركا جيناۋشى دميتري كاراسيۋكتىڭ سايتىنان الىندى.
20. «كراۋس» جك 2007 جىلى شىعارعان «قويشى باي» دەگەن كىتاپ مۇقاباسىنداعى الدار كوسە بەينەسى.
21. 2005 جىلى 11 تامىزدا قازپوشتا «قازاق حالىق ەرتەگىلەرى» سەرياسىمەن الدار كوسە ماركالارىن شىعاردى. الدار كوسە بەينەسىن سالعان سۋرەتشى د. مۋحامەدجانوۆ.
22. الماتى قالاسى تىلدەردى دامىتۋ باسقارماسىنىڭ تاپسىرىسىمەن 2010 جىلى شىعارىلعان مۋلتفيلمدەگى الدار كوسە بەينەسى.
23. يۋلداشەۆ اتابەك دەگەن شەبەردىڭ 2009 جىلى اعاشتان ويىپ جاساعان الدار كوسەسى.
24. الدار كوسە تۋرالى 1951 جىلى جاسالعان ديافيلم. سۋرەتشىسى ا. ورلوۆ
جاس بالا اپپاق پاراق سياقتى زەردەسىنە جازىلعاندى قابىلدايدى. بۇرىنعىداي اجەسى مەن اتاسىنىڭ قوينىندا جاتىپ ەرتەك تىڭدايتىن بالا جوق بۇگىن. بار بولسا دا سيرەك. قازىر بارلىق بالانى ەلەكتروندى اقپارات قۇرالدارى تاربيەلەپ جاتىر. ونداعى قازاق مادەنيەتى مەن ءتىلىنىڭ جاعدايىن مەن ايتپاي-اق بىلەسىزدەر. شەتەلدەردەن كەلگەن باستارى ءتورتبۇرىشتى، ءۇشبۇرىشتى، جاسىل ءتۇستى ادامي سيقى جوق نەشە ءتۇرلى قۇبىجىق كەيىپكەرلەردى كەز كەلگەن قازاق بالاسى قايدان كورسە دە تاپ باسىپ، ءتۇسىن تۇستەپ ايتىپ بەرەدى. مىناۋ شرەك، Naruto, سپانچبوب، كۋن فۋ پاندا، سكۋبي-دۋ، سمەشاريكي... دەپ شۇبارتىپ الا جونەلەدى. ويتكەنى تاۋەلسىز قازاقستان اۋماعىندا تۇرىپ ەلەكتروندى قۇرالداردان كوزىن اشىپ كورگەنى، اۋزىن اشىپ تاڭىرقاپ كوڭىلى ءسۇيىپ ۇناتقانى ءوزىمىزدىڭ حالىق اۋىز ادەبيەتىندەگى سان ءتۇرلى كەيىپكەرلەر - جەلاياق، كولتاۋسار، تاۋسوعارلار ەمەس، وسى ءمانى جوق قۇبىجىقتار. ويتكەنى ولار الدىمەن بالا ساناسىنا تاۋەلسىز ەكراننان تالعامسىز بەرىلىپ جاتقان مۋلتفيلمدەر ارقىلى سىڭەدى. سودان كەيىن تانىمال بولعان الگى قۇبىجىق كەيىپكەردىڭ بەينەسى سۋرەت، فيگۋرا تۇرىندە شىعارىلىپ ساۋدا جۇيەسىمەن تاراتىلادى. سولاردى مىسالعا الىپ ۇلگى ۇستاعان ءتۇرلى-ءتۇستى شاعىن كىتاپشالار شىعارىلادى. ءتىپتى قازاقستاندا شىعاتىن بالالاردىڭ تاعام ونىمدەرىن جارنامالايتىن شارالاردىڭ وزىندە الگى قۇبىجىق كەيىپكەرلەر جاپسىرما تۇرىندە تاراتىلادى. ولاردى قازاق بالاسى ساباق دايىندايتىن ۇستەلىنىڭ ماڭايىنا نەمەسە وزدەرىنىڭ جاتىن بولمەسىنىڭ كورنەكى جەرىنە اسپەتتەپ جاپسىرىپ قويادى. ءسويتىپ الگى كەيىپكەر بالانىڭ پىرىنە اينالادى.
ال، ءبىزدىڭ حالىق اۋىز ادەبيەتىندەگى ۇلتتىق تاربيەگە بەرەرى ۇشان تەڭىز كەرەمەت كەيىپكەرلەرى بالالار ساناسىنا جەتپەي توم-توم بولىپ شاڭ باسىپ وقىلماي، اشىلماي مۇراجايدىڭ قول تيگىزبەيتىن نارسەسىنە ۇقساپ سورەلەردە جينالىپ تۇرا بەرەدى.
نە ىستەۋ كەرەك؟ ولاردى جەتەكتەپ اكەلىپ بالا كۇندە قولداناتىن ەلەكتروندى قۇرالدارعا ەنگىزۋ كەرەك. بەرىسى، ەرتەگىنىڭ سيۋجەتتەرىن مونيتوردان كورەتىندەي ەتىپ اۋديو جيناقتار شىعارۋ ، ارعىسى، قازاق ەرتەگىلەرى جەلىسىمەن مۋلتفيلمدەر جاساۋ كەرەك. ەرتەگىنىڭ كەيىپكەرى مۋلتفيلمدە دە، ەرتەگى كىتاپتاردا دا، ويىنشىق-فيگۋرالاردا دا، وقۋلىقتاردا دا ءبىر كەيىپتە ءبىر وبرازدا بولۋى ءتيىس. ياعني ەڭ الدىمەن ءار كەيىپكەردىڭ پورترەتى جاسالۋى كەرەك. ول ءۇشىن مادەنيەت مينيسترلىگى ءتيىستى مامانداردى (ەتنوگرافتار، فيلولوگتار، سۋرەتشىلەر جانە ت.ب.) جيناپ كوميسسيا قۇرىپ، ەرتەگى كەيىپكەرلەرىنىڭ وبرازدارىن بەكىتۋى كەرەك. ولاردى وقۋلىق جيناق، مۋلتفيلم تۇرىندە شىعاراتىن شىعارماشىلىق توپتار وسى وبرازدان اۋىتقىماۋ كەرەك. سوندا قازاق بالاسى ءوز كەيىپكەرىن قايدا كورسە دە جازباي تانيتىن بولادى. ماسەلەن، قازىر جوعارىداعى سۋرەتتەردەن بايقايتىنىمىزداي، قازاق اۋىز ادەبيەتىندەگى حالىق اراسىندا كوپ تاراعان ۇنامدى كۇلدىرگى كەيىپكەر - الدار كوسەگە قاتىستى بىرنەشە تۋىندى (مۋلتفيلمدەر، كىتاپتار، قۋىرشاقتار) بار. وتكەن ءبىر تاريحىمىزدا ءومىر سۇرگەن اقىلدى دا ايلاكەر، تۋرا دا تاپقىر، جارلى - جاقىبايدىڭ قامىن جەگەن ءادىل ادامنىڭ جيىنتىق بەينەسىن قالاي بولسا سولاي بۇرمالاعانىمىز (ازىرشە 24 ءتۇرلى) بىرىنشىدەن، رۋحاني قۇندىلىقتارىمىزعا جانىمىزدىڭ اشىماعانى بولسا، ەكىنشىدەن، جاس ۇرپاققا ۇلتتىق تاربيە بەرۋ بارىسىندا يننوۆاتسيالىق ادىستەردەن ماقۇرىم قالعانىمىزدى كورسەتەدى.
بۇعان نە كەدەرگى؟ مادەنيەتتى رۋحانياتتى زاماناۋي ۇلگىدە دامىتۋعا قارجى جوق پا؟ بار! ونى جۇزەگە اسىراتىن وقىعان ءبىلىمدى ازاماتتار تاپشى ما؟ جەتەرلىك! سوندا بۇگىنگى كۇنگى تىرلىگىڭنىڭ اجىراماس بولىگىنە اينالعان ەلەكتروندى قۇرالداردا قازاقتىڭ ءيىسىن شىعارۋعا نە جەتپەي تۇر؟ بىلگەنىڭ بار بولسا، ورتاعا سالشى، اعايىن.
ب. قاپالبەكوۆ
فيلولوگيا عىلىمدارىنىڭ كانديداتى
