2019 جىلى قازاقستاندا ماشينا جاساۋ سالاسىنداعى اۆتوموبيل ونەركاسىبىنىڭ ۇلەسى 26 پايىزدى قۇرادى. مۇنداي ستاتيستيكانى قازاقستاندىق اۆتوبيزنەس اسسوتسياتسياسى (قابا) ۇسىنىپ وتىر. 

قازاقستاندا اتوموبيل ەكسپورتى ءبىر جىلدىڭ ىشىندە 10 ەسەگە وسكەن. بىلتىر 3 مىڭعا جۋىق اۆتوموبيل ەكسپورتتالعان. بۇل 2018 جىلمەن سالىستىرعاندا 10 ەسەگە كوپ. جالپى العاندا 2019 جىلى 13,2 ملرد تەڭگەگە 2 629 اۆتوموبيل (JAC, Hyundai جانە Ravon) سىرتقا شىعارىلعان.

ناقتىراق ايتساق، 1471 - JAC ، 716 - Hyundai ، 442 - Ravon ماركالى اۆتوموبيل ەكسپورتتالعان. JAC ماركالى اۆتوموبيل ەكپورتتالعانداردىڭ اراسىندا تانىمال. ال Hyundai ماركالى كولىگى - ەكىنشى ورىندا، Ravon - ءۇشىنشى ورىندا.

2019 جىلى قازاقستان اۋماعىندا جالپى قۇنى 359,5 ملرد تەڭگە بولاتىن 50 447 تەحنيكالىق قۇرال ءوندىرىلدى. بۇل 2018 جىلدىڭ قاڭتار-جەلتوقسان ايلارىمەن سالىستىرعاندا 76,6 پايىزعا ارتىق.

"سارىارقااۆتوپروم", "ازيا اۆتو" جانە  "سەماز" - قازاقستانداعى اۆتوموبيل ءوندىرۋشى توپ-3 كومپانيانىڭ قاتارىنا كىرىپ وتىر. "سارىارقااۆتوپروم" كومپانياسى جالپى قۇنى 186,6 ملرد تەڭگەنى قۇرايتىن 25 802 تەحنيكالىق قۇرال وندىرگەن. ەكىنشى ورىنداعى "ازيا اۆتو" كومپانياسى 108,2 ملرد تەڭگەگە 20 مىڭ تەحنيكالىق قۇرال-جابدىق جاساپ شىعارعان. سونىمەن قاتار "سەماز" كومپانياسى 18,4 ملرد تەڭگەگە 1 851 تەحنيكالىق قۇرال-جابدىق ءوندىردى. ول سونىمەن قاتار ايتا كەتۋ كەرەك، ەلدەگى تەحنيكالىق قۇرال جابدىق وندىرەتىن باسقا كومپانيالار 46,6 ملرد تەڭگەگە 2 794 قۇرال-جابدىق وندىرگەن.

سونىمەن بىرگە قازاقستانداعى اۆتوموبيل ساتىلىمىنا نازار اۋدارساق، 2019 جىلعى قاڭتار ايىمەن سالىستىرعاندا جەلتوقسان ايىندا اۆتوموبيل ساتىلىمى ەكى ەسەگە وسكەن. مىسالى، 2019 جىلدىڭ ءبىرىنشى ايىندا 4444 اۆتوبيل ساتىلعان بولسا، جەلتوقساندا 8428-گە جەتكەن.  جىلدىڭ ءبىرىنشى توقسانىندا تەك اقپان ايىندا عانا اۆتوموبيل ساۋداسى تومەندەگەن. ال تامىز، قىركۇيەك ايلارىندا دا اۆتوموبيل ساتىپ الۋ كورسەتكىشى ازايعان. قازان ايىنان باستاپ كورەتكىش وسە باستاعان.

ال وسى جىلدىڭ قاڭتار ايىنا توقتالساق، وتكەن جىلدىڭ قاڭتار ايىمەن سالىستىرعاندا اۆتوموبيل ساتىلىمى 20 پايىزعا ارتقان. قازاقستاندىق اۆتوبيزنەس اسسوتسياتسياسىنىڭ مالىمەتىنشە، وتكەن ايدا ديلەرلەر 5 مىڭعا جۋىق جەڭىل اۆتوكولىكتەر مەن جەڭىل كوممەرتسيالىق اۆتوموبيلدەردى ساتقان. سونىمەن قاتار، 393 جۇك كولىگى مەن اۆتوبۋس ساتىلعان.

Abai.kz