اقوردادا بولىپ جاتاتىن ءارتۇرلى اڭگىمەنى سىرعالى قۇلاقتارىمەن ەستىگەندەي سىپىلداپ جەتكىزەتىن حانىمداردىڭ ايتۋلارىنا قاراعاندا، «كوپ ۇزاماي يمانعالي تاسماعانبەتوۆ (سۋرەتتە) ماڭعىستاۋ وبلىسىنا اكىم بولىپ كەتەدى» ەكەن-ءمىس.

ءيا، «يمەكەڭ اندا كەتەدى ەكەن، مىندا بارادى ەكەن» دەگەن اڭگىمەنى بۇرىندارى دا تالاي ەستىگەنبىز. ءتىپتى، الماتىدا اكىم بولىپ تۇرعان شاعىندا قاسىنا 6 بىردەي ءمينيستردى ەرتىپ كەلگەن ۆيتسە-پرەمەر شۇكەەۆتىڭ دوڭايباتىنان كەيىن تۋىنداعان گۋ-گۋ اڭگىمەنىڭ كەزىندە اق ۇيگە ەمىن-ەركىن كىرىپ-شىعاتىن ءبىر رەداكتور جولداسىم  «پرەزيدەنت شاقىرىپ الىپ، اڭگىمەنى الىستان قوزعانىنان-اق جەلدىڭ قالاي سوعارىن بايقاعان يمانعالي «نۇرەكە، ءسىز بەرگەن تاپسىرمانى الدەكىمدەر سياقتى جارىم-جارتىلاي ورىنداپ، جەرگە قاراتقان كۇنىم جوق ەدى. ءسىز دە مەنى جەرگە قاراتپاڭىز. ەلشى قىلىپ ەلدەن قۋاتىنداي ايكاپىر مىنەزىم جوق. رۇقسات ەتسەڭىز، ەلدە قالىپ، بيزنەسپەن شۇعىلدانايىن» دەگەندە انا كىسى «بار. جۇرە بەر. جۇمىسىڭا بەكەم بول» دەگەن كورىنەدى» دە-ە-ەپ كوسىلگەن ەدى.

اقوردادا بولىپ جاتاتىن ءارتۇرلى اڭگىمەنى سىرعالى قۇلاقتارىمەن ەستىگەندەي سىپىلداپ جەتكىزەتىن حانىمداردىڭ ايتۋلارىنا قاراعاندا، «كوپ ۇزاماي يمانعالي تاسماعانبەتوۆ (سۋرەتتە) ماڭعىستاۋ وبلىسىنا اكىم بولىپ كەتەدى» ەكەن-ءمىس.

ءيا، «يمەكەڭ اندا كەتەدى ەكەن، مىندا بارادى ەكەن» دەگەن اڭگىمەنى بۇرىندارى دا تالاي ەستىگەنبىز. ءتىپتى، الماتىدا اكىم بولىپ تۇرعان شاعىندا قاسىنا 6 بىردەي ءمينيستردى ەرتىپ كەلگەن ۆيتسە-پرەمەر شۇكەەۆتىڭ دوڭايباتىنان كەيىن تۋىنداعان گۋ-گۋ اڭگىمەنىڭ كەزىندە اق ۇيگە ەمىن-ەركىن كىرىپ-شىعاتىن ءبىر رەداكتور جولداسىم  «پرەزيدەنت شاقىرىپ الىپ، اڭگىمەنى الىستان قوزعانىنان-اق جەلدىڭ قالاي سوعارىن بايقاعان يمانعالي «نۇرەكە، ءسىز بەرگەن تاپسىرمانى الدەكىمدەر سياقتى جارىم-جارتىلاي ورىنداپ، جەرگە قاراتقان كۇنىم جوق ەدى. ءسىز دە مەنى جەرگە قاراتپاڭىز. ەلشى قىلىپ ەلدەن قۋاتىنداي ايكاپىر مىنەزىم جوق. رۇقسات ەتسەڭىز، ەلدە قالىپ، بيزنەسپەن شۇعىلدانايىن» دەگەندە انا كىسى «بار. جۇرە بەر. جۇمىسىڭا بەكەم بول» دەگەن كورىنەدى» دە-ە-ەپ كوسىلگەن ەدى.

شىنىندا دا   پرەزيدەنت نازارباەۆ يمانعاليدىڭ قاجىر قايراتى مەن ىسكەرلىگىنە بەك سەنگەندىكتەن ونى  قايدا سالمادى. قيراپ جاتقان جەردىڭ بارىنە اپاردى. ول سونىڭ بارىنەن ابىرويمەن شىعا ءبىلدى. بىلتىرعى ءبىر جىل بويى بيلىكتىڭ ءتىلىنىڭ تيەگىنە اينالعان ءسامميتتى قالاي وتكىزدى. شاشاۋ شىعارعان جوق. وسى تۇرعىدان قاراساق، ماڭعىستاۋلىق مۇنايشىلاردىڭ ەرەۋىلى مازاسىن ماي ىشكەندەي ەتكەن پرەزيدەنتتىڭ يمانعاليدى سول وبلىسقا اكىم ەتىپ جىبەرىپ، ۋشىعىپ تۇرعان وزەكتى ماسەلەنى سونىڭ قولىمەن شەشپەگى لوگيكاعا ابدەن سياتىن دۇنيە.

يمانعالي نۇرعاليۇلى بارعان جەر ساياسي جانە قىزمەتتىك ورتالىققا اينالىپ، ول وتىرعان تاقتىڭ سالماعى ارتىپ شىعا كەلەتىنى راس. ورالباي اعام ابدىكارىموۆ وتىرعان كەزدە جۇرت بار-جوعىن ۇمىتىپ قالعان، تەك شەت ەلدەن كەلگەن ەلشىلەردەن گراموتا عانا قابىلدايتىن كانتسەليارياعا اينالعان مەملەكەتتىك حاتشىنىڭ ءرولى يمانعالي بارعاننان سوڭ ەرتەگىدەگى باتىرلارشا قارىشتاپ وسكەنىن كوز كورگەن ەدى.

ەگەر، پرەزيدەن ونى شىنىمەنەندە تۇبەكتى جايلاعان جۇرتقا جىبەرەر بولسا، وندا... ەكىنىڭ ءبىرى! مويىنداۋىمىز كەرەك، تاسماعامبەتوۆ - قارجىنىڭ كوزىن تابا الاتىن جىگىت ءھام ەشكىمگە ەسەسىن جىبەرمەيتىن، ەسەبى تۇگەل ازامات. دەگەندە، مەنىڭشە، ماڭعىستاۋعا بارا قالسا، تيمۋر قۇلىباەۆ باسقارىپ وتىرعان قۇرىلىمدى جۇمىسشىلاردىڭ تالاپ-تىلەكتەرىن ورىنداۋعا ءماجبۇر ەتەدى. ارينە، «وگىز دە ولمەيتىن، اربا  دا سىنبايتىن»  شەشىم نەگىزىندە. ءسويتىپ، ول جەردەن دە ابۇيىرمەن شىعادى. ال، ەگەر، بيلىك اقشا بەرمەي قويىپ، تىنىسىن تارىلتار بولسا، ول جۇرتقا شىندىقتى جايىپ سالادى. ءسويتىپ، كىمنىڭ كىم ەكەنىن اشكەرەلەيدى. ول مۇرتىنان مايى تامىپ، مىقشيىپ وتىرا بەرەتىن ءماسىموۆ ەمەس. مىنەزدى جىگىت. بۇگىنگە دەيىن جيناعان ابىرويىنان ايدىڭ-كۇننىڭ امانىندا ايىرىلىپ، ايكاپىر اتانۋعا ول كونە قويماس.

قالاي بولعاندا دا، بيلىكتى  وزدەرىمەن ساناسۋعا ءماجبۇر ەتكەن ماڭعىستاۋلىق مۇنايشىلاردىڭ ەرەۋىلى اقوردانى ابدەن ويلانتىپ،   پرەزيدەنتتىڭ  مۋسين مەن ماسىموۆتەردىڭ مۇنداي شەتىن ماسەلەنى شەشە الماسىن تۇسىنگەنى، سوندىقتان اقشاسىنىڭ كوپتىگىنە ەمەس، اقىلى مەن پاراساتىنا سەنگەن ازاماتتارعا نازار اۋدارا باستاعانى   ۇلكەن جەتستىك دەپ بىلەمىز.

دەگەنمەندە، كەلەشەك كۇندەرىمىزگە بارىپ  كەلگەن ادام جوق، بولسا، ەرتەڭگى تاڭىمىز قالاي اتىرىن سودان سۇرار ەدىك.

«قازاقستان» قوعامدىق-ساياسي اپتالىعى

№ 34 (376)  29 قىركۇيەك 2011 جىل

ەسكەرتۋ: تۇپنۇسقاداعى تاقىرىپ - «جولارايىرىق»