كازىر اۆتوبۋس بىتكەن تولعان قارا(قارا سۇيەك) قازاق. اسىرەسە، جاستار مەن ورتا جاستاعىلار. قۇلاقتارىنا تىڭداۋىش ءىلىپ، راديو تىڭداپ، وزدەرىمەن وزدەرى قالانىڭ ءبىر تۇكپىرىنەن ەكىنشى جاعىنا اعىلىپ جاتادى. بىراق وسىلاردىڭ قازاق راديوسى مەن «شالقار» راديوسىن تىڭدايتىنىنا كۇانىم بار. ويتكەنى، بۇل تولقىنداردى قالانىڭ ەسكى ورتالىعىنان ۇزاعان سايىن تىڭداۋ مۇمكىن ەمەس، ءۇنى بارىنشا باسەڭ ءارى ىجىلداعان «اۋەنگە» تولى قۇلاعىڭمەن الىسقان دىبىس وعان مۇمكىندىك بەرمەيدى. ال، باسقا جەكە راديولار قۇلاقتى جاراتىنداي ساڭقىلدايدى.

بۇل جايتتى ءوز كۇشىمىزبەن تەرگەۋ جۇرگىزە كەلە، بارلىق ماسەلە تولقىن تاراتۋ كىندىگىندە وتىرعان جانداردىڭ كوزقاراسىندا دەگەن قورىتىندىعا كەلدىك. ويتكەنى، راديوتولقىن مەن تەلەەفيردى تاراتاتىن ەلىمىزدە مونوپوليالىق «كاتەلكو» دەگەن مەكەمە بار. ونداعى باسشىلاردىڭ تەگى قازاق بولعانمەن، قاراپايىم تولقىن جيىلىگىن مولايتىپ، باسەڭدەتىپ-كۇشەيتەتىن باتىرعىنى بارماعىمەن باسىپ وتىرعان  ازاماتتار ءورىستىلدى، بىراق قازاق ەمەس جۇرت وكىلى بولىپ كەلەدى. مىنە، سۇراستىرىپ بايقاۋىمىزشا، وسى جىگىتتەر قاساقانا تۇردە قازاق راديولارىنىڭ جيىلىك دەڭگەيىن باسەڭدەتىپ وتىراتىنى جايىندا سىبىس قاۋلاپ كەتتى.

كازىر اۆتوبۋس بىتكەن تولعان قارا(قارا سۇيەك) قازاق. اسىرەسە، جاستار مەن ورتا جاستاعىلار. قۇلاقتارىنا تىڭداۋىش ءىلىپ، راديو تىڭداپ، وزدەرىمەن وزدەرى قالانىڭ ءبىر تۇكپىرىنەن ەكىنشى جاعىنا اعىلىپ جاتادى. بىراق وسىلاردىڭ قازاق راديوسى مەن «شالقار» راديوسىن تىڭدايتىنىنا كۇانىم بار. ويتكەنى، بۇل تولقىنداردى قالانىڭ ەسكى ورتالىعىنان ۇزاعان سايىن تىڭداۋ مۇمكىن ەمەس، ءۇنى بارىنشا باسەڭ ءارى ىجىلداعان «اۋەنگە» تولى قۇلاعىڭمەن الىسقان دىبىس وعان مۇمكىندىك بەرمەيدى. ال، باسقا جەكە راديولار قۇلاقتى جاراتىنداي ساڭقىلدايدى.

بۇل جايتتى ءوز كۇشىمىزبەن تەرگەۋ جۇرگىزە كەلە، بارلىق ماسەلە تولقىن تاراتۋ كىندىگىندە وتىرعان جانداردىڭ كوزقاراسىندا دەگەن قورىتىندىعا كەلدىك. ويتكەنى، راديوتولقىن مەن تەلەەفيردى تاراتاتىن ەلىمىزدە مونوپوليالىق «كاتەلكو» دەگەن مەكەمە بار. ونداعى باسشىلاردىڭ تەگى قازاق بولعانمەن، قاراپايىم تولقىن جيىلىگىن مولايتىپ، باسەڭدەتىپ-كۇشەيتەتىن باتىرعىنى بارماعىمەن باسىپ وتىرعان  ازاماتتار ءورىستىلدى، بىراق قازاق ەمەس جۇرت وكىلى بولىپ كەلەدى. مىنە، سۇراستىرىپ بايقاۋىمىزشا، وسى جىگىتتەر قاساقانا تۇردە قازاق راديولارىنىڭ جيىلىك دەڭگەيىن باسەڭدەتىپ وتىراتىنى جايىندا سىبىس قاۋلاپ كەتتى.

بۇل سىبىستى وسەك دەۋگە كەلمەيدى، سەبەبى، استاناداعى ون شاقتى تولقىن تاراتۋشى راديومەكەمەلەردىڭ «كاتەلكوعا» جەتكىزەتىن جاراقتارى مەن سايماندارى جەتىلگەندىگىنە كۇمان جوق. ونىڭ ىشىندە جىل سايىن ميللياردتاپ قارجى ءبولىنىپ جاتقان مەملەكەتتىك تەلە-راديو ۇيىمدارىنىڭ سيگنال تاراتۋ جەلىسى دە الدىڭعى قاتارلى جاراقتانعانىنا سەنىمدىمىز. ءسويتىپ، ماسەلە الگى مەكەمەنىڭ تەتىگىندە وتىرعانداردا بولاتىنى ءسوزسىز.

شوۆينيست كۇشتەر ارنايى ۇيىمداستىرماسا دا، سانالى تۇردە ارام پيعىلدى ازاماتتاردىڭ قولى قاساقانا تۇردە قازاق راديوسى مەن «شالقاردى» باسىپ وتىراتىنىن استىرتىن تۇردە كەيبىر ماماندار بىزگە جەتكىزدى. مۇنداي جەكە سابوتاجداردى قازاقتىلدى تەلە-راديوجۋرناليستەر كۇندە باستان كەشىپ جاتادى، مىسالى، باعدارلامالاردىڭ «پەرەبيۆكا»، «وتبيۆكا»، «شاپكا» سەكىلدى كومپيۋتەرلىك بەزەندىرمەسىن ازىرلەۋگە ادەتتە سلاۆيانتەكتىلەر مونوپوليا بولىپ العان، ولار قازاقتىلدى باعدارلامالارعا ىلعي دا ءاتۇستى قاراپ، بەيشارا ەتە سالاتىنىن تالاي باستان وتكىزگەنبىز. بۇل جەردە دە سول «فەنومەن» ىسكە اسۋدا سەكىلدى.

تەكسەرە بارعان بويدا تەتىكتى قالىپتى دەڭگەيگە قويا سالىپ، ارتىنان قازاقتىلدى تولقىندى قىسۋدى قولعا الاتىنى تۋراسىنداعى پىكىر بىزگە  عانا ەمەس، جوعارى جاقتاعىلارعا دا جەتۋى كەرەك ەدى. شاماسى، اقپارات مينيسترىنەن باستاپ، بۇل سالانىڭ باسشىلىعى وزگە تىلدەگى تولقىندى عانا قۇلاعى شالاتىن بولسا كەرەك. ايتپەسە، ەگەمەندىگى 20 جىلعا تولعان مەملەكەتتىك راديوتولقىنداردىڭ ءمۇساپىر حالىنا نازار اۋداراتىنداي ايلىق الىپ وتىرعاندارىنا كۇمانىمىز از. ال، حالىقتىڭ كوزى مەن قۇلاعىن ءارى ءتىلىن باعىپ، ساياساتقا اينالدىرۋعا ءتيىستى دەپۋتاتتاردىڭ نە تىڭداپ جۇرگەنىن سايتان بىلمەسە، ءبىزدىڭ شارۋامىز بولمادى.

«اباي-اقپارات»

استانا