قازاقستان 1-شىلدەگە دەيىن ترانزيتتىك جولاۋشىلار ءۇشىن 72 ساعاتتىق ۆيزاسىز رەجيمدى توقتاتتى. بۇل تۋرالى primeminister.kz سايتى حابارلايدى.

«قازاقستان رەسپۋبليكاسىنا كەلۋدىڭ، بولۋدىڭ جانە ودان كەتۋدىڭ 72 ساعاتتىق ۆيزاسىز رەجيمىنىڭ قولدانىلۋى بولىگىندە قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىمەن (قازاقستان رەسپۋبليكاسىنىڭ ءپۇاج-ى، 2012 ج.، № 29, 388-قۇجات) بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 26-1-تارماعىنىڭ قولدانىلۋى 2020 جىلعى 1 شىلدەگە دەيىن توقتاتىلا تۇرسىن»، - دەلىنگەن قاۋلىدا. 

بۇل قاۋلى قول قويىلعان كۇنىنەن باستاپ قولدانىسقا ەنگىزىلەدى.

ەسكە سالا كەتەيىك، 2018 جىلدىڭ ءساۋىر ايىنان باستاپ «نۇر-سۇلتان» جانە «الماتى» حالىقارالىق اۋەجايلارى ارقىلى ترانزيتپەن وتەتىن قىتاي مەن ءۇندىستان ازاماتتارى ءۇشىن 72 ساعاتتىق ۆيزاسىز كىرۋ رەجيمى ىسكە قوسىلعان بولاتىن.

2020 جىلدىڭ قاڭتارىندا ايرىقشا رەجيمگە  شىمكەنت، اقتاۋ، قاراعاندى جانە تاراز قالالارى قوسىلدى.

Abai.kz