جۇما, 3 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
1753 1 پىكىر 8 ءساۋىر, 2020 ساعات 11:20

سارىمساق، ليمون جانە ءادىراسپان: تاجىكستان تۇرعىندارى كوروناۆيرۋستان حالىق ەمىمەن ساقتانۋدى ءجون كورەدى

تاجىكستان بيلىگى ەلدە كوروناۆيرۋس تىركەلگەن جوق دەپ وتىر، بىراق رەسمي مالىمەتكە سەنبەيتىن تۇرعىندار سارىمساق، ليمون جانە ءادىراسپان ساتىپ الىپ جاتىر.

تاجىكستان بازارلارىندا سارىمساق پەن ليمونعا سۇرانىس جوعارى بولعاندىقتان، باعاسى ءۇش ەسەگە كوتەرىلگەن. سارىمساقتىڭ ءبىر كەلىسى 11 دوللار، ال ليموننىڭ ءبىر داناسى 3 دوللار تۇرادى. ءادىراسپان دا ەكى ەسە قىمباتتاعان.

سۇرانىستىڭ ارتۋىنا قۋانعان ساۋداگەرلەر دە سارىمساق پەن ليموننىڭ پايداسى تۋرالى ايتۋدان شارشامايدى. بىراق بازاردا سارىمساق از. ونى قىتايدان جەتكىزەتىن، قازىر شەكارا جابىق تۇر. ليمون ماۋسىمى دا اياقتالۋعا جاقىن، كەلەسى ماۋسىم كۇزدە باستالادى.

ءادىراسپاندى دۋشانبە ورتالىق بازارىنىڭ ساۋدا زالىندا تۇتىندەتىپ جۇرگەندەر بار. ءادىراسپان ءتۇتىنى ۆيرۋستار مەن ميكروبتاردى ولتىرەدى دەيدى. تاجىكستان تاۋلارىندا ءادىراسپان كوپ.

Abai.kz
1 پىكىر