ەلىمىزدە كارانتين رەجيمى 11 مامىرعا دەيىن ۇزارتىلدى. بۇل تۋرالى بۇگىن قازاقستان پرەزيدەنتى قاسىم-جومارت توقاەۆ مالىمدەدى.

«ەلىمىزدەگى قازىرگى احۋالعا بايلانىستى جانە مەملەكەتتىك كوميسسيانىڭ ۇسىنىستارىن نەگىزگە الىپ، مەن توتەنشە جاعداي رەجيمىن بيىلعى 11 مامىرعا دەيىن ۇزارتۋ تۋرالى جارلىق شىعارۋ جونىندە شەشىم قابىلدادىم. بۇل – ءبىز باستان وتكەرىپ جاتقان كۇردەلى كەزەڭنىڭ تالابى»، - دەلىنگەن پرەزيدەنت مالىمدەمەسىندە.

سونىمەن، جارلىق نەگىزىندە، ەلدە جاريالانعان توتەنجە جاعداي رەجيمى 11 ماماردا اياقتالادى.

«ەلىمىزدى پاندەميانىڭ شەڭگەلىنەن قۇتقارۋ–بارىمىزگە ورتاق مىندەت.مەن ءۇشىن ءار ازاماتتىڭ ومىرىنەن قىمبات ەشتەڭە جوق»، - دەدى پرەزيدەنت.

سونىمەن قاتار، پرەزيدەنت مالىمدەمەسىندە مەملەكەتتىك كوميسسيا كارانتين رەجيمىن جەڭىلدەتۋعا دايىن ەكەنىن ايتتى.

«الدىمەن، ۆيرۋستىڭ تارالۋىن قاتاڭ باقىلاۋدا ۇستاپ وتىرعان وبلىستار مەن قالالاردان باستاۋعا بولادى. مەملەكەتتىك كوميسسياعا ەلوردانىڭ ۇلگىسىمەن ەلىمىزدىڭ بارلىق ايماعىندا ءوز جۇمىستارىنا كىرىسەتىن مەكەمەلەردىڭ ءتىزىمىن جاساۋ تاپسىرىلدى»، - دەدى مەملەكەت باسشىسى.

ءبىرىنشى كەزەكتە ونەركاسىپ كاسىپورىندارى، قۇرىلىس، جول قۇرىلىسى جانە كولىك كومپانيالارى، بانكتەر جانە حالىققا قىزمەت كورسەتۋ ورتالىقتارى جۇمىسقا كىرىسۋى مۇمكىن.

Abai.kz