ءا. ۋسمانوۆ ماقتاارال حالقىنا 5- ملن 200 مىڭ دوللار اۋداردى. بۇل ماسەلەنى رەسمي وزبەكستاننىڭ ءبىزدىڭ ەلگە بەيرەسمي وتەماقىسى دەپ ءتۇسىنۋ كەرەك.

بۇل از با، كوپ پە؟
بۇل از دا، كوپ تە ەمەس، وزبەكستاننىڭ ءوز كىناسىن ءىشىنارا مويىنداۋى.
بىراق، كەلگەن زالال بۇل سومادان ونداعان ەسە كوپ ەكەندىگى انىق. ول قالاي شەشىلمەك؟

سونىمەن بىرگە، بۇل تەحنوگەندىك اپاتتان كەيىن قانداي قورىتىندى جاسالۋى كەرەك؟ وزبەكستان تارابىمەن سۋ، ەلەكتر ەنەرگياسى، گاز ماسەلەسى بويىنشا كەلىسىم جاسالۋى ءتيىس.

تاۋەلسىزدىكتىڭ العاشقى جىلدارى وزبەك تارابىنىڭ الىمجەتتىك جاساپ، ءبىزدىڭ وڭتۇستىك وڭىرلەرگە گاز بەرمەي قويعان كەزدەرى بولعان. ەندى سۋ ماسەلەسى شىعىپ وتىر. سۋ پروبلەماسى كوپتەگەن ون جىلداردا قوردالانعان، وزبەك اعايىننىڭ بىزگە جاساعان تاعى ءبىر الىمجەتتىگى. تابيعاتتىڭ ءوزى بەرگەن سۋدى كورشىسىنەن، تۋىسىنان اياۋ كەڭەس كەزىندە باستالعان. سونىڭ ارقاسىندا ارال تەڭىزى اپاتتى جاعدايعا ءتۇسىپ، جويىلىپ كەتتى.

بۇگىندە، تاپاداي تال تۇستە، ەلىمىزگە جۇت اكەلدى. وزبەكستان پرەزيدەنتى ميرزەەۆتىڭ ءبىزدى مۇسىركەۋى، ۋسمانوۆتىڭ بەس ميلليونى قازاقستان تارابىن مۇلگىتپەۋى كەرەك. بۇل از تولەم جانە تولىق كىنانى مويىنداۋ ەمەس!

ارينە، وزبەك اعايىنعا راحمەت، ءبىراز كومەك جاساپ جاتىر. بىراق، تەز شەشىمىن تابۋى كەرەك، ءپرينتسيپتى ماسەلە بار! ينفراقۇرىلىم، سۋ، اتوم ەنەرگەتيكاسى سالاسىنداعى جوبالار، بارشا ورتا ازيا مەملەكەتتەرىمەن كەلىسىلىپ، حالىقارالىق ساراپتامادان ءوتىپ، راتيفيكاتسيا جاسالۋى ءتيىس. ونان كەيىن، تاجىكستانداعى راگۋن گەس-ءى ماسەلەسىنە دە ءبىزدىڭ تاراپ ارالاسۋى كەرەك دەپ ويلايمىن.

ەگەر ول جاقتان اپات كەلسە، كاتاستروفانىڭ كوكەسىن سوندا كورەمىز. جالپى، وسى وڭىردەگى ەكولوگيا، سۋ، ەنەرگەتيكا ماسەلەلەرى، وا مەملەكەتتەرىمەن بىرلەسىپ شەشىلۋى ءتيىس. بۇل ەڭ باستى اسپەكت. قازاندى جىلى جاۋىپ قويماي،
ءبىز وسىعان قول جەتكىزۋىمىز كەرەك!

ايتپاقشى، ف.شوديەۆ نەگە ءۇنسىز؟ ول نەگە ماقتاارال حالقىنا كومەكتەسپەيدى؟ ميرزەەۆتىڭ بۇيرىعىن كۇتىپ وتىر ما؟ الدە، وزبەك تارابىنا كومەكتەسىپ جاتىر ما؟

ەرلان سايروۆتىڭ الەۋمەتتىك جەلىدەگى جازباسى

Abai.kz