سىبايلاس جەمقورلىققا قارسى قىزمەت «بايتەرەك» ۇلتتىق باسقارۋشى كومپانياسىنىڭ قىزمەتكەرلەرىنە قاتىستى تەرگەۋ جاريالادى،-دەپ حابارلايدى Tengrinews.kz.

- «نۇر-سۇلتان» قالالىق سىبايلاس جەمقورلىققا قارسى قىزمەتى «بايتەرەك» ۇبح» اق-نىڭ لاۋازىمدى تۇلعالارىنا جانە باسقا تۇلعالارعا قاتىستى «تەحنولوگيالىق دامۋ جونىندەگى ۇلتتىق اگەنتتىك» اق ەنشىلەس ۇيىمىنىڭ بيزنەس-مودەلىن وزگەرتۋ ءۇشىن كونسالتينگتىك قىزمەتتەردى ساتىپ الۋعا بولىنگەن 197 ميلليون تەڭگە كولەمىندەگى بيۋدجەت قاراجاتىن ۇرلاۋ فاكتىلەرى بويىنشا سوتقا دەيىنگى تەرگەۋدى باستادى», - دەدى سىبايلاس جەمقورلىققا قارسى ءىس-قيمىل اگەنتتىگىنىڭ وكىلى دانيار بيگايداروۆ.

«بايتەرەك» حولدينگى – 11 ەنشىلەس ۇيىمدى قامتيتىن ينتەگراتسيالانعان دامۋ ينستيتۋتى: حولدينگتىڭ 100 پايىزدىق قاتىسۋىمەن 10 اكتسيونەرلىك قوعام جانە 97 پايىزدىق قاتىسۋىمەن ءبىر جاۋاپكەرشىلىگى شەكتەۋلى سەرىكتەستىك.

«بايتەرەك» ۇبح» اق ميسسياسى مەملەكەتتىك ساياساتتى ىسكە اسىرۋ جانە «2050 – ستراتەگياسىندا» قويىلعان ماقساتتارعا قول جەتكىزۋ ماقساتىندا قر تۇراقتى ەكونوميكالىق دامۋىنا جاردەمدەسۋ بولىپ تابىلادى.

Abai.kz