Bloomberg: قىتايداعى كەزدەسۋ ناتيجەسىز اياقتالدى...
Bloomberg: "ترامپ، شي جانە ءپۋتيننىڭ ۇشجاقتى كەزدەسۋى ناقتى ناتيجەلەردەن گورى سيمۆوليزمگە كوبىرەك نەگىزدەلدى", - دەيدى.
"شەنجەندەگى اتەس ءسامميتى اياسىندا وتكەن اقش، قحر جانە رف كوشباسشىلارىنىڭ كەزدەسۋى ناقتى ستراتەگيالىق ۋاعدالاستىقتارعا اكەلگەن جوق. ايرىقشا سيمۆولدىق سيپاتىنا قاراماستان، ونىڭ قورىتىندىلارى ناتيجەسىز بولىپ شىقتى", - دەپ جازادى Bloomberg.
كوشباسشىلار بۇۇ-نى رەفورمالاۋعا شاقىرىپ، حالىقارالىق قىلمىستىق سوتقا قارسى شىقتى جانە يادرولىق اپاتقا جول بەرمەۋ قاجەتتىگىن مالىمدەدى. الايدا بۇل مالىمدەمەلەر ناقتى مىندەتتەمەلەرمەن بەكىتىلگەن جوق.
ءتىپتى جاھاندىق وتىن جەتكىزىلىمىن ارتتىرۋ تۋرالى ۋادەنىڭ ءوزى ەنەرگەتيكالىق نارىقتارعا ايتارلىقتاي اسەر ەتپەدى. كەزدەسۋ ءۇش ءىرى دەرجاۆانىڭ ىقپالى ازداۋ ەلدەردىڭ مۇددەلەرىن ەسكەرمەستەن الەمدىك ماسەلەلەردى ءوزارا تالقىلاۋعا دەگەن ۇمتىلىسىن كورسەتكەنى اتاپ وتىلەدى.
سونىمەن قاتار اۆستراليا مەن كانادا كوشباسشىلارى بالاما ءتاسىلدى — ورتا جانە شاعىن مەملەكەتتەردىڭ ەگەمەندىگىن نىعايتۋدى، سەرىكتەستىكتى دامىتۋدى جانە ءوزارا ىنتىماقتاستىقتى قولدادى.
Bloomberg باعالاۋىنشا، بۇل ۇشتىكتە رف «كىشى سەرىكتەس» ءرولىن اتقارىپ وتىر. ونىڭ ەكونوميكاسى قىتاي ەكونوميكاسىنان 7 ەسەدەن استام كىشى، ال سانكتسيالار مەن ەۋروپامەن ساۋدا-ساتتىقتىڭ قىسقارۋى اياسىندا بەيجىڭگە تاۋەلدىلىگى بارعان سايىن ارتىپ كەلەدى.
Abai.kz