جۇما, 29 ناۋرىز 2024
2393 1 پىكىر 1 ماۋسىم, 2020 ساعات 10:49

قاڭتار-ءساۋىر ارالىعىندا بالالى وتباسىلارعا 190 ملرد. تەڭگە بولىنگەن

جىل باسىنان بەرى قازاقستاندا انا مەن بالانى الەۋمەتتىك قولداۋعا 190 ملرد. تەڭگە ءبولىندى،- دەپ حابارلايدى قر ەڭبەك جانە حالىقتى الەۋمەتتىك قورعاۋ مينيسترلىگى. 

2020 جىلعى قاڭتار-ءساۋىر ارالىعىندا بالالى وتباسىلارعا الەۋمەتتىك قولداۋ كورسەتۋ شەڭبەرىندە رەسپۋبليكالىق بيۋدجەتتەن، سونداي-اق مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) جالپى سوماسى 190 ملرد تەڭگەگە مەملەكەتتىك قولداۋ كورسەتىلدى.

ماسەلەن، بالا تۋعاندا بەرىلەتىن بىرجولعى جاردەماقىنى جالپى سوماسى 13 ملرد. تەڭگەگە 111,5 مىڭ ادام، ساۋىردە 3,7 ملرد تەڭگەگە 31,4 مىڭ ادام الدى.

بالا ءبىر جاسقا تولعانعا دەيىن ونىڭ كۇتىمىنە بايلانىستى اي سايىنعى جاردەماقىنى ورتا ەسەپپەن 139,9 مىڭ ادام الادى، ولارعا 11,9 ملرد تەڭگە تولەندى. ءساۋىر ايىندا بۇل جاردەماقىنى 3,1 ملرد تەڭگەگە 140,7 مىڭ ادام الدى.

«التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالارعا تولەنەتىن اي سايىنعى جاردەماقىمەن ورتا ەسەپپەن 233,9 مىڭ ايەل ادام قامتىلدى، ءساۋىر ايىندا 234,5 مىڭ ادامعا 4 ملرد تەڭگە تولەندى.

4 جانە ودان دا كوپ كامەلەتكە تولماعان بالالارى بار كوپبالالى وتباسىلارعا ارنالعان جاردەماقىمەن ورتا ەسەپپەن جالپى سوماسى 73,5 ملرد تەڭگەگە 384,9 مىڭ وتباسى قامتىلعان، ءساۋىر ايىندا 19 ملرد تەڭگەگە 396,5 مىڭ ادام جاردەماقى الدى.

مۇگەدەك بالا تاربيەلەپ وتىرعان ادامدارعا تولەنەتىن جاردەماقىنى جالپى سوماسى 15,8 ملرد تەڭگەگە 88,4 مىڭ ادام الدى، ءساۋىر ايىندا 90 مىڭ ادامعا 4,1 ملرد تەڭگە تولەندى.

18 جاستان اسقان بالا كەزىنەن ءبىرىنشى توپتاعى مۇگەدەككە كۇتىم جاساۋ بويىنشا اي سايىنعى جاڭا جاردەماقىنى ورتا ەسەپپەن 14,4 مىڭ ادام الادى، ولارعا 2,6 ملرد تەڭگە تولەندى، ساۋىردە 14,6 مىڭ ادامعا 644,9 ملن تەڭگە تولەندى.

بولاشاق انا بوسانۋعا تولىق دايىن بولۋى ءۇشىن 2008 جىلدان باستاپ مەملەكەتتىك الەۋمەتتىك ساقتاندىرۋ قورىنىڭ قاراجاتى ەسەبىنەن مىندەتتى الەۋمەتتىك ساقتاندىرۋ جۇيەسىنە قاتىسۋشى جۇمىس ىستەيتىن ايەلدەر جۇكتىلىك جانە بوسانۋ ءۇشىن بىرجولعى تولەم الادى. 2020 جىلى ونى جالپى سوماسى 25,9 ملرد تەڭگەگە 61,7 مىڭ ادام الدى. ءساۋىر ايىندا تولەمدى 4,9 ملرد تەڭگە سوماسىنا 9,8 مىڭ ادام الدى.

ماسق-تان بالا ءبىر جاسقا تولعانعا دەيىن ونىڭ كۇتىمى بويىنشا اي سايىنعى جاردەماقى جۇرگىزىلەدى. اعىمداعى جىلعى قاڭتار-ءساۋىر ايلارىندا ونى 31,1 ملرد تەڭگەگە 273 مىڭ ادام، ءساۋىر ايىندا 7,8 ملرد  تەڭگەگە 218,4 مىڭ ادام الدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618