الىستاعى اۋىلىمنان سۋىق حابار كەلىپ جەتتى: باسقا جاققا كوشىپ كەتكەن اعالى-قارىنداستى اعايىندارىمىز ءبىر باتاعا بارعاندا جۇقتىرعان كوروناۆيرۋستەن قايتىس بولىپتى.

كارانتينگە قاراماستان، تىعىلىپ وتكىزگەن تويلارعا بارىپ، جامان دەرتكە شالدىققاندار قانشاما؟! اراسىندا جۇرتقا اقىل ايتىپ جۇرگەن بەلگىلى ازاماتتار دا بار.

قازەكەم ءوزى اۋىرماي، نەمەسە جاقىنى مەرت بولماي، باتا مەن تويعا بارۋدى توقتاتار ءتۇرى كورىنبەيدى. سوندىقتان دا كارانتين ءتارتءىبىن بۇزعان جەكە ادامدارعا ايىپپۇل مولشەرىن 83 مىڭ تەڭگەگە دەيىن كوبەيتۋگە ۇكىمەت امالسىزدان بارعالى وتىر. ەلدە قاتاڭ ءتارتىپ ورناتۋدىڭ قاتال دا بولسا قاجەتتى ءبىر جولى وسى بولار، شاماسى.

"تارتىپكە باعىنعان قۇل بولمايدى" دەپ باتىر اعامىز باۋىرجان مومىشۇلى ايتقانداي، تارتىپكە باعىنباساق، قۇل بولماق تۇگىل، ۇلت رەتىندە قۇرىپ كەتۋىمىز دە مۇمكىن.

قىتايدىڭ بۇل ىندەتتى قاتال تارتىبىمەن جەڭگەنىنەن ساباق العانىمىز ءجون.

كارىباي مۇسىرماننىڭ الەۋمەتتىك جەلىدەگى جازباسى

Abai.kz