جاعداي ۋىستان شىعىپ كەتتى
اقتاۋدان اپام حابارلاستى. ەل اراسىندا «داچا» دەپ اتالىپ كەتكەن، اقتاۋدىڭ ىرگەسىندە قاتار ورنالاسقان اۋىلدار بار، سوندا تۇرادى. «كۇندە نامازعا شاقىرادى. كىسى ءولىمى كوپ. كەيبىر ۇيلەردەن ەكى ادامنان قايتىس بولىپ جاتىر. ۇيدە وتىرىپ بەت سيپاپ وتىرمىز»، – دەيدى.
اقتاۋعا بارعان سايىن الدىمىزدان قۇشاعىن ايقارا اشىپ قارسى الاتىن قادىرلى دوس، ءبىر جاعىنان كۇيەۋ بالا، مۇنايلى اۋداندىق جەر قاتىناستارى ءبولىمىنىڭ باسشىسى مۇرات قۇداشەۆ دەگەن ازاماتتى 38 جاسىندا ءتاج تاجال الىپ كەتتى.
اقتاۋ قالاسى اكىمىنىڭ ورىنباسارى گۇلجازيرا الداشەۆا اپامىزدىڭ دا ومىردەن وزعانىن ەستىپ وتىرمىن. جاقسى جان ەدى.
اتىراۋدان دوس-جاراندار حابارلاسىپ جاتىر. «اتىراۋدا ءدارى جوق. استراحاننان تاسىپ جاتىرمىز. قاس قىلعانداي، شەكارادا ءتىنتىپ تەكسەرىپ، دارىلەرىمىزدى تارتىپ الىپ جاتىر. بۇل قالاي بولعانى؟»، – دەپ مۇڭىن شاعادى.
مەن قىزمەت ەتەتىن مەكەمەلەردىڭ كوبى جاڭاوزەندە. وندا دا سولاي. ءدارى جوق. حالىق اۋرۋ. شاراسىزدىق بەلەڭ الدى. جۇرت نە ىستەرىن بىلمەي وتىر. نە ءىشىپ، نە قويارىن بىلمەيدى.
ۇرىس دالاسىنان حابار العانداي كۇيدە وتىرمىز، شىنى كەرەك.
قازاق ەندى نە ىستەمەك؟ جاعداي ۋىستان شىعىپ كەتتى. نە ىستەۋگە بولادى؟
شىڭعىس مۇقاننىڭ الەۋمەتتىك جەلىدەگى جازباسى
Abai.kz
