سەنبى, 23 قاڭتار 2021
769 3 پىكىر 14 تامىز, 2020 ساعات 10:55

بەلارۋس جوعارعى سوتى مينسكىدە قامالعان 566 ادامنىڭ اتى-ءجونىن جاريالادى

بەلارۋس جوعارعى سوتى 11 تامىزدا مينسكىدەگى نارازىلىق اكتسيالارى كەزىندە ۇستالعان 566 ادامنىڭ اتى-ءجونىن جاريالادى. ءتىزىمدى سوت سايتىنان تابۋعا بولادى.

ۇستالعاندار 4 تاۋلىكتەن 25 تاۋلىككە دەيىن قاماۋعا الىنعان. كۋاگەرلەر تەرگەۋ اباقتىسىنىڭ تولىپ قالعانىن، قۇقىق قورعاۋ ورگاندارى ۇستالعانداردى ۇرىپ-سوعىپ جاتقانىن جەتكىزدى.

بەلارۋستە پرەزيدەنت سايلاۋىنىڭ رەسمي ناتيجەسىنە نارازى حالىق بەس كۇننەن بەرى كوتەرىلىپ جاتىر. باسىندا ميليتسيا دەمونسترانتتارعا سۋ بۇركىپ، رەزىڭكە وق، قۇلاق تۇندىراتىن گراناتا جانە كوزدەن جاس اعىزاتىن گاز قولدانعان. مىڭعا جۋىق ادام ۇستالعان. جۇزدەگەن ادام زارداپ شەكتى. ءبىر ادام قايتىس بولدى.

ازاتتىقتىڭ بەلارۋس قىزمەتى ونىڭ 34 جاستاعى الەكساندر تارايكوۆسكي ەكەنىن انىقتادى. رەسمي مالىمەت بويىنشا، ونىڭ قولىندا ومون-عا قارسى قولدانباق بولعان جارىلعىش زات جارىلىپ كەتكەن. بىراق مارقۇمنىڭ ايەلى بۇعان سەنبەيدى.

بەيسەنبىدە اكتسيالار تىنىش ءوتتى. مينسكىدە بيلىككە نارازى كىسىلەر قولدارىنا گۇل ۇستاپ، مىڭداعان شاقىرىم "ىنتىماقتاستىق شەبىن" قۇرىپ، ۇستالعاندارعا قولداۋ كورسەتتى.

پرەزيدەنت الەكساندر لۋكاشەنكو نارازىلىققا كوڭىل ءبولىپ، حالىق الدىنا شىقپادى. بالتىق ولكەلەرى جانە پولشا لۋكاشەنكونى ء"وز ەلىنە قارسى كۇش قولدانۋدى توقتاتۋعا" شاقىردى.

Abai.kz

3 پىكىر