سەيسەنبى, 29 قىركۇيەك 2020
COVID-19 قازاقستاندا. جۇقتىرعاندار — 107833. جازىلعاندار — 102805. قايتىس بولعاندار — 1725
1360 19 پىكىر 14 تامىز, 2020 ساعات 15:55

لۋكاشەنكو حالىققا شۇعىل مالىمدەمە جاساماق

بەلارۋس پرەزيدەنتى الەكساندر لۋكاشەنكو حالىققا شۇعىل مالىمدەمە جاساۋعا دايىندالىپ جاتىر. بۇل تۋرالى بەلارۋس پرەزيدەنتىنىڭ ءباسپاسوز حاتشىسى ناتاليا ەيسمونت مالىمدەگەن.

«الەكساندر لۋكاشەنكو حالىققا شۇعىل مالىمدەمە جاساۋعا دايىندالىپ جاتىر - پرەزيدەنتتىڭ ءباسپاسوز حاتشىسى ەيسمونت»، - دەلىنگەن «كوممەرسانت FM» راديوستانتسياسىنىڭ جەلىدەگى رەسمي پاراقشاسىندا.

كەيىن بۇل اقپارات انونيم Telegram كانالدا پايدا بولعانى جانە بۇل مالىمەتتىڭ ءالى ناقتىلانباعانى حابارلاندى.

سونداي-اق، رەسپۋبليكا كەڭەسىنىڭ توراعاسى ناتاليا كوچانوۆا لۋكاشەنكونىڭ اتىنان نارازىلىققا شىققان تۇرعىنداردى ۇستاۋ ماسەلەسىنە قاتىستى پىكىر ءبىلدىردى. ونىڭ ايتۋىنشا، ميتينگىگە قاتىسىپ ۇستالعان مىڭنان اسا ادام ۇيىنە جىبەرىلگەن. ول «بەلارۋس 1» تەلەارناسىنىڭ ەفيرىندە بەلارۋستارعا «توبەلەس تە، سوعىس تا كەرەك ەمەس»، دەدى.

«پرەزيدەنت ەڭبەك ۇجىمدارىنداعى ادامداردىڭ پىكىرىن ەستىپ، ماعان نارازىلىققا شىققان تۇرعىنداردى ۇستاۋ ماسەلەسىن شەشۋدى تاپسىردى. بۇل سوڭعى كۇندەرى بولعان وقيعاعا قاتىستى. قازىرگى تاڭدا وسى باعىتتا بەلسەندى جۇمىس جۇرگىزىلىپ جاتىر. بۇگىن كەشكە رۇقسات ەتىلمەگەن شارالارعا قاتىسقان مىڭنان اسا ادام ۇيىنە جىبەرىلدى. ال كامەلەتكە تولماعاندار قولحاتپەن اتا-انالارىنا جىبەرىلدى»، - دەدى ناتاليا كوچانوۆا.

Abai.kz

19 پىكىر