كەشە الماتى قالاسىنداعى جازۋشىلار  وداعىنىڭ ۇيىندە تاۋەلسىزدىكتىڭ 20 جىلدىعى مەن ءاليحان بوكەيحاننىڭ 145 جىلدىعىنا «اباي.كز» اقپاراتتىق پورتالى تاعايىنداعان  ءاليحان نۇرمۇحامەدۇلى بوكەيحان اتىنداعى ارنايى مەدالدى تاۋەلسىز مەملەكەتىمىزدىڭ دامۋى مەن نىعايۋىنا ءھام بولاشاعىنا  قالتقىسىز قىزمەت ەتىپ كەلە جاتقان 20 ادامعا تاپسىرۋ سالتاناتى ءوتتى.  توسبەلگى تومەندەگى نوميناتسيالار بويىنشا مىنا ادامدارعا تابىس ەتىلدى.

الاش ارداگەرلەرىنىڭ تۇياعى ءام الاشتانۋشى عالىمدار نوميناتسياسى بويىنشا مىرجاقىپ دۋلاتوۆتىڭ قىزى گۇلنار مىرجاقىپقىزى دۋلاتوۆا ماراپاتتالادى.  سونداي-اق بۇل ماراپات الاشتانۋشى عالىم مامبەت قويگەلدى مەن جازۋشى تۇرسىن جۇرتباي مىرزاعا جانە ءاليحانتانۋشى، حالىقارالىق «ازاتتىق» راديوسىنىڭ قىزمەتكەرى   سۇلتان حان اققۇلۇلىنا بەرىلدى.

كەشە الماتى قالاسىنداعى جازۋشىلار  وداعىنىڭ ۇيىندە تاۋەلسىزدىكتىڭ 20 جىلدىعى مەن ءاليحان بوكەيحاننىڭ 145 جىلدىعىنا «اباي.كز» اقپاراتتىق پورتالى تاعايىنداعان  ءاليحان نۇرمۇحامەدۇلى بوكەيحان اتىنداعى ارنايى مەدالدى تاۋەلسىز مەملەكەتىمىزدىڭ دامۋى مەن نىعايۋىنا ءھام بولاشاعىنا  قالتقىسىز قىزمەت ەتىپ كەلە جاتقان 20 ادامعا تاپسىرۋ سالتاناتى ءوتتى.  توسبەلگى تومەندەگى نوميناتسيالار بويىنشا مىنا ادامدارعا تابىس ەتىلدى.

الاش ارداگەرلەرىنىڭ تۇياعى ءام الاشتانۋشى عالىمدار نوميناتسياسى بويىنشا مىرجاقىپ دۋلاتوۆتىڭ قىزى گۇلنار مىرجاقىپقىزى دۋلاتوۆا ماراپاتتالادى.  سونداي-اق بۇل ماراپات الاشتانۋشى عالىم مامبەت قويگەلدى مەن جازۋشى تۇرسىن جۇرتباي مىرزاعا جانە ءاليحانتانۋشى، حالىقارالىق «ازاتتىق» راديوسىنىڭ قىزمەتكەرى   سۇلتان حان اققۇلۇلىنا بەرىلدى.

تەاتر مەن كينو ونەرىندەگى جارىق تۇلعالار نوميناتسياسىنا مارقۇم قاسىم جاكىباەۆ، دوسحان جولجاقسىنوۆ، اۋەزوۆ اتىنداعى اكادەميالىق تەاتردىڭ اكتەرى دۋلىعا اقمولدا لايىق دەپ تانىلدى.  بۇگىنگى كۇننىڭ باتىرى نوميناتسياسى قازاقتان شىققان تۇڭعىش عارىشكەر توقتار اۋباكىروۆكە بۇيىردى.  قازاقتىڭ كۇي ونەرى مەن ءداستۇرلى ءانىن جاڭا بەلەسكە كوتەرگەن، مۋزىكا زەرتتەۋ سالاسىن سونى باعىتقا بۇرعان، كۇي ونەرىندەگى قازاق فيلوسوفياسىنىڭ قاتپارىن اشقان سەكەن تۇرىسبەكوۆ،  تالاسبەك اسەمقۇلوۆ، رامازان ستامعازيەۆ ءداستۇرلى ونەردى دامىتقان دارابوزدار دەپ تانىلدى.توقسانىنشى جىلداردىڭ قىلشا شاتقالداي قيىندىعىن تولارساقتان كەشىپ ءجۇرىپ ادەبيەت جاساعان، ادەبيەتكە، قالامعا ادالدىعىن ايگىلەگەن  ۇرپاقتىڭ بەلدى وكىلدەرى  ديدار امانتاي مەن مارالتاي رايىمبەكۇلى  ادەبيەت نوميناتسياسى بويىنشا ۇزدىك تانىلىپ، ءا. بوكەيحان بەينەسى تاڭبالانعان توسبەلگەنى كەۋدەلەرىنە تاقتى.

ۇلت ءباسپاسوزىنىڭ دامۋىنا ۇلەس قوسىپ، قوعامدىق ويلارعا جالىندى شىعىرمالارىمەن قوزعاۋ سالعان،  تاريحي تانىم كوكجيەگىن كەڭىتكەن  مەيىرحان اقداۋلەت،  ءامىرحان بالقىبەك ءباسپاسوز نوميناتسياسى بويىنشا ماراپاتتالدى. زاماناۋي  قارجى، ەكونوميكا سالاسىن يگەرىپ باستاۋعا قازاق ىشىنەن باتىل قادام باسقان  وراز جاندوسوۆ قارجىگەر-ەكونوميست نوميناتسياسىن قانجىعاسىنا بايلادى. ساحنادا تۇرىپ راحمەت لەبىزىن انا تىلىندە جەتكىزگەن وراز ءاليۇلى «بۇل سىيلىق مەنىڭ ەل الدىنداعى بورىشىمدى ەسەلەي تۇسەتىن بولدى. ءبىز كۇرەس جولىنان تانبايمىز. ماشكەەۆيچەترمەن كۇرەسىمىز ءبىزدىڭ جەڭىسىمىزبەن اياقتالاتىن بولادى»،  - دەپ جۇرتتى ءبىر جەلپىنتىپ تاستادى.  قازاقتان شىققان العاشقى ماتەماتيكتىڭ ءبىرى، قازاق جەرىنىڭ تۇتاستىعىن قىزىل كوسەم لەنيننىڭ الدىندا قورعاپ شىققان ايگىلى ءالىمحان ەرمەكوۆتىڭ ءىزباسارالارى اكادەميك اسقار جۇمادىلداەۆ پەن پروفەسسور سايات ىبىراي ۇلت عالىمى نوميناتسياسىنىڭ يەگەرلەرى اتاندى. سپورت سالاسىنداعى نوميناتسيا  ميلليارد جارىم حالىققا قازاق اتىن پاش ەتىپ، اتاجۇرتىنا تۇبەگەيلى ورالعان قانات ءسىلامۇلىنا بەرىلدى.  ەسترادالىق اندەردىڭ بيىگىندەگى مۋزارت توبى ەستاردالىق اندەردىڭ ەكسپانتسياسىنا توسقاۋىل جاساپ، قازاق جاستارىنىڭ بويىنا ۇلتتىق مۋزىكا مادەنيەتىن سىڭىرە العاندارى ءۇشىن ءاليحان بوكەيحان توسبەلىگىسىن ومىراۋلارىنا تاقتى.

ءاليحان بوكەيحان اتىنداعى سىيلىق حالىق تانىپ، ينتەللەكتۋالدىق ورتا مويىندايتىن حاس تالانتتارعا 5 جىلدا ءبىر رەت بەرىلىپ تۇراتىن بولادى.  اتالعان شارانىڭ لايىقتى دارەجەدە وتۋىنە بەلگىلى مەتسەنات نۇرتاي ءسابيليانوۆ پەن اقىن، كاسىپكەر الماسبەك احمەتبەكۇلى قارجىلاي دەمەۋشىلىك جاسادى.

«اباي-اقپارات»