جۇمىر جەردىڭ بەتىندە زۇلىمدىق اتاۋلىنىڭ ءتۇرى وتە كوپ. سونداي سان الۋان قاسكوي زۇلىمدىقتىڭ ءبىرى ءارى بىرەگەيى - جۇرەگىنە يمان نۇرى ۇيالاعان مۇسىلماندار مەن جاراتقاننىڭ  وزى اۋليەلىك نۇرعا بولەگەن تاقۋالارعا  دەگەن كەيبىر پەندەلەردىڭ سەنىمىنىڭ ازايۋى نەمەسە مۇلدەم ودان ادا بولۋى دەر ەدىم. سالىستىرمالى تۇردە ايتار بولسام،  جالپى يمان اتاۋلىدان  جۇرداي بولىپ، جۇرەكتىڭ جەتىمسىرەۋىنىڭ  جانىندا كىسى ءولتىرىپ، كۇناھار اتانۋ الدەقايدا كەشىرىمدى. بۇگىنگى كۇنى مەنى مۇنى «بۇرىنعى» قىزىمنىڭ ماعان قارسى باعىتتاعى بۇكىل جۇرتتى دۇرلىكتىرگەن ءىس - ارەكەتىنىڭ الدىندا اقتالۋ ءۇشىن ەمەس، كەرىسىنشە، ونىڭ جىمىسقى قىلىقتارى ارقىلى قاراپايىم ادامداردىڭ كوكىرەگىندە تىلسىم الەم مەن اللانىڭ اق نۇرى ارقىلى بەرىلەتىن ەمىنىڭ قۇدىرەتىنە  دەگەن سەنىمىنىڭ ىرگەتاسىن بۇزۋعا ارەكتتەنگەن ءىسى  قولىما قالام العىزىپ، وسى حاتتى جازۋعا ءماجبۇر ەتتى. اشىعىن ايتايىن، وسىناۋ شاعىن حاتىمدا مەن ماسەلەنىڭ ءمان - جايىنا مەيىلىنشە قىسقا دا نۇسقا توقتالۋدى ءجون كوردىم، ويتكەنى مەنىڭ ءوز ار - ۇجدانىم  مەن حالقىمنىڭ الدىندا اقتالۋىما ەشبىر سەبەپ تە ءارى ەش نەگىز دە جوق. وسىدان التى جىل بۇرىن، ناقتى ايتقاندا، 2005 -  ءشى جىلى زاڭدى تۇردە مەن ءوزىمنىڭ تۋعان قىزىم باقىتكۇلدەن سانالى ءارى زاڭدى تۇردە نوتاريالدى نەگىزدە باس تارتتىم. ونداي شەشىمگە بارۋىما دا مەنى ءماجبۇر ەتكەن ونىڭ ەشبىر اقىلعا سىيمايتىن ءبىر ەمەس، بىرنەشە رەت قايتالانعان  شەكتەن تىس ارسىزدىعى مەن وپاسىزدىعى بولدى.

جۇمىر جەردىڭ بەتىندە زۇلىمدىق اتاۋلىنىڭ ءتۇرى وتە كوپ. سونداي سان الۋان قاسكوي زۇلىمدىقتىڭ ءبىرى ءارى بىرەگەيى - جۇرەگىنە يمان نۇرى ۇيالاعان مۇسىلماندار مەن جاراتقاننىڭ  وزى اۋليەلىك نۇرعا بولەگەن تاقۋالارعا  دەگەن كەيبىر پەندەلەردىڭ سەنىمىنىڭ ازايۋى نەمەسە مۇلدەم ودان ادا بولۋى دەر ەدىم. سالىستىرمالى تۇردە ايتار بولسام،  جالپى يمان اتاۋلىدان  جۇرداي بولىپ، جۇرەكتىڭ جەتىمسىرەۋىنىڭ  جانىندا كىسى ءولتىرىپ، كۇناھار اتانۋ الدەقايدا كەشىرىمدى. بۇگىنگى كۇنى مەنى مۇنى «بۇرىنعى» قىزىمنىڭ ماعان قارسى باعىتتاعى بۇكىل جۇرتتى دۇرلىكتىرگەن ءىس - ارەكەتىنىڭ الدىندا اقتالۋ ءۇشىن ەمەس، كەرىسىنشە، ونىڭ جىمىسقى قىلىقتارى ارقىلى قاراپايىم ادامداردىڭ كوكىرەگىندە تىلسىم الەم مەن اللانىڭ اق نۇرى ارقىلى بەرىلەتىن ەمىنىڭ قۇدىرەتىنە  دەگەن سەنىمىنىڭ ىرگەتاسىن بۇزۋعا ارەكتتەنگەن ءىسى  قولىما قالام العىزىپ، وسى حاتتى جازۋعا ءماجبۇر ەتتى. اشىعىن ايتايىن، وسىناۋ شاعىن حاتىمدا مەن ماسەلەنىڭ ءمان - جايىنا مەيىلىنشە قىسقا دا نۇسقا توقتالۋدى ءجون كوردىم، ويتكەنى مەنىڭ ءوز ار - ۇجدانىم  مەن حالقىمنىڭ الدىندا اقتالۋىما ەشبىر سەبەپ تە ءارى ەش نەگىز دە جوق. وسىدان التى جىل بۇرىن، ناقتى ايتقاندا، 2005 -  ءشى جىلى زاڭدى تۇردە مەن ءوزىمنىڭ تۋعان قىزىم باقىتكۇلدەن سانالى ءارى زاڭدى تۇردە نوتاريالدى نەگىزدە باس تارتتىم. ونداي شەشىمگە بارۋىما دا مەنى ءماجبۇر ەتكەن ونىڭ ەشبىر اقىلعا سىيمايتىن ءبىر ەمەس، بىرنەشە رەت قايتالانعان  شەكتەن تىس ارسىزدىعى مەن وپاسىزدىعى بولدى. مەن تۋعان پەرزەنتىمنەن بىردەن باس تارۋعا اسىقپادىم، ونىڭ ءوزى دە كەزەڭ -  كەزەڭمەن بولدى. ونىڭ ءبارى دە شىمكەنت شاھارىندا تۇرعان كەزىمىزدەن باستالدى. بۇگىنگى كۇنى ماعان ۇيات تا بولسا ءوز قىزىما قاتىستى اۋزىم  بارمايتىن جايتتەردى اشىق  ايتۋىما تۋرا كەلىپ وتىر. ونىڭ ەر -  ازاماتتارمەن العاش رەت جەڭىل جۇرىسكە سالىنىپ، دالىرەك ايتسام،  جىنىستىق قاتىناسقا تۇسكەن جايتتەرى ماعان ءمالىم بولعان كەزدە مەن بۇل سوراقىلىقتىڭ الدىن الۋ ماقساتىندا الماتى، تاراز، شىمكەنت، اتىراۋ، قىزىلوردا قالالارىنان كەلگەن تۋعان - تۋىسقاندار اراسىندا شاعىن جيىن وتكىزدىم. سول كەزدە جينالعان بارشا جاماعاتتىڭ الدىندا ول ءوز كىناسىن مويىنداپ، بۇدان ءارى مۇنداي جەڭىل جۇرىسكە بارمايتىندىعىن، ەندى مۇنداي جاعدايدىڭ ەشقاشان قايتالانبايتىنىن ايتىپ  ماعان ءسوز بەردى. شىمكەنت قالاسىندا تۇرعان كەزدە وسى ءبىر كەلەڭسىز جايتتەر ورىن السا دا، مەن  ونىڭ وسىنداي جۇرەكتى تولقىتار اقتالۋىنان كەيىن ءارى جاسىنىڭ كىشكەنتاي ەكەنىن ەسكەرىپ، ءالى دە تۇزەلەر دەگەن ويمەن كەشىرىممەن قاراپ، ونىڭ ءوز - وزىنە توقتام سالۋىنا مۇمكىندىك بەردىم. الايدا، وسىدان ءبىراز ۋاقىت وتىسىمەن الماتىعا قايتىپ ورالعاننان  كەيىن جاڭاعىداي جەڭىل جۇرىسكە سالىناتىن بۇرىنعى ادەتىن تاعى جالعاستىرا باستادى. وسىعان وراي، باقىتكۇل مەنىڭ جانە «اۋلەت» قايىرىمدىلىق قورى ۇجىمىنىڭ شەشىمىمەن تۋعان ۇيىنەن قۋىلدى. اشىعىن ايتايىن، ءوز باسىم تۇككە تۇرمايتىن نارسەدەن پروبلەما جاساپ نەمەسە «تۇيمەدەيدى تۇيەدەي قىلىپ» كورسەتۋگە اۋەس ەمەسپىن، مەن دە قاراپايىم ەت پەن سۇيەكتەن جارالعان ادام رەتىندە جەكە باسىم مەن وتباسىما قاتىستى ار - نامىسىم بار ازاماتپىن.  مەنىڭ بۇگىندە ءوزىم باس تارتىپ وتىرعان قىزىم باقىتكۇلدىڭ مۇنداي ارسىز قىلىقتارىن وسى كەزگە دەيىن مەنىمەن ارالاساتىن ءارى ماعان جاقىن ادامدار شوعىرى عانا ءبىلدى جانە دە ولاردىڭ ەشقايسىسى مەنىڭ جەكە باسىمدى سىيلاعاندىقتان جۇرتشىلىققا ەشقاشان ءتىس جارىپ ايتقان ەمەس. قانشا جاسىرعانمەن، بۇل جايتتەردىڭ ءبارى بۇگىندە اسا ۇلكەن قۇپيا بولماي - اق، ءبارىبىر ءدۇيىم جۇرتتىڭ قۇلاعىنا جەتىپ وتىر. جوعارىدا اتاپ وتكەنىمدەي، بۇگىنگى كۇنى مەنىڭ  الدىما كەلىپ كىم سۇراماسا دا، حالىق الدىندا دا، اللا الدىندا دا، ءتىپتى مەنىڭ ولىمنەن قورقاتىنداي ەتىپ ءزابىر كورسەتەتىندەي جاعداي باسىما تونەتىن بولسا دا ەشقاشان قىزىمدى اكە رەتىندە كەرى قابىلدامايتىنىمدى اشىق ايتامىن. مەن باقىتكۇلدىڭ اكەسى رەتىندە ءبىر رەت الماتى مەن شىمكەنت قالالارىندا ونىڭ جەڭىل جۇرىسكە سالىنىپ، جەزوكشەلىكپەن اينالىسپاۋىنا، تۇزەلۋىنە مۇمكىندىك بەردىم، وكىنىشكە وراي، ول ءوزى تاڭداعان جولدان تايىنبادى. ال، مەن ونىڭ بۇل قىلىعىن تەك اكە رەتىندە عانا ەمەس، اللانىڭ سوزىنە قۇلاق اسقان مۇسىلمان رەتىندە دە ەشقاشان كەشىرمەيمىن. جۇرت مەن جايلى نە ويلاسا دا، نە دەپ سوگىپ جامانداسا دا مەن بۇگىنگى كۇنى مەنى جاراتقان اللام مەن بۇكىل حالىق الدىندا قىزىمنان باس تارتامىن. بۇل مەنىڭ ەڭ سوڭعى اكەلىك ءسوزىم مەن ناقتى شەشىمىم.

باقىتكۇلدىڭ وزبىرلىعى سونداي، بۇگىندە ول ءتۇرلى قيتۇرقى قىلىقتارىمەن ءارى وتىرىك كۋاگەرلىك تانىتۋ ارقاسىندا قالايدا شىمكەنتتەگى وعان ەشقانداي قاتىسى جوق ءارى ەشقانداي مۇراعا قالدىرىلماعان باسپانانى تارتىپ الۋ ماقساتىندا، باسقانى ايتپاعاندا يماندىلىق جولىندا جۇرگەن مىنا مەنى، تۋعان اكەسىن قارابەت قىلۋعا، مەنى قارالاۋ ارقىلى قالىڭ قاۋىمدى مەنىڭ ىزگىلىككە تولى ميسسياما دەگەن سەنىمىنەن ايىرۋعا ءداتى جەتكەندە، ونىڭ قانداي ىستە دە ەشتەڭەدەن تايىنبايتىندىعىن كوزى قاراقتى وقىرمان ءوزى توپشىلاپ، تارازىلاي جاتار. بۇگىندە وسىناۋ «شىتىرمان» وقيعاعا تولى ءىستىڭ اق - قاراسىن اجىراتا الماي جۇرتتىڭ تاڭقالىپ، جاعالارىن ۇستاپ وتىرعاندىعىن ايتپاعاندا، ونىڭ وتىرىكتى شىنداي ەتىپ جەتكىزىپ وتىرعان اڭگىمەلەرى مەن ايىپتاۋلارىنا دا قۇقىق قورعاۋ ورىندارىنىڭ وكىلدەرى دە  اسا ۇلكەن ىقىلاس تانىتىپ وتىرماعاندىعىنا ەش كۇمانىم جوق. ولاي دەيتىنىم، وتباسىندا ءوز اتا - اناسىنىڭ بەرگەن ءتالىم - تاربيەسىنە كونىپ، دۇرىس جولدى تاڭداعان ەشبىر جان مۇنداي سوراقى قىلىقتى ساناسىنا سىيدىرا المايدى.