جۇما, 29 ناۋرىز 2024
46 - ءسوز 3047 3 پىكىر 2 قىركۇيەك, 2020 ساعات 13:28

كيەۆتەگى باستى كەزدەسۋ

جازدىڭ سوڭعى كۇندەرى ەرەكشە جەمىستى بولىپ، گرۋزين ءارى ۋكراين ساياساتكەرى ميحايل سااكاشۆيليمەن كەزدەسىپ قايتتىم. گرۋزيانىڭ پرەزيدەنتى بولعان، تابىستى رەفورمالارىمەن الەمگە تانىلعان اداممەن سۇحباتتاسۋ، كەزدەسۋ – كۇندە بولا بەرمەيتىن مۇمكىندىك.

قازىر ۋكراينادا رەفورمالاردى جۇزەگە اسىرۋعا اتسالىسىپ جۇرگەن سااكاشۆيليدە ەڭ الدىمەن كوزگە تۇسەتىنى – قاراپايىمدىلىعى. ءبىر ەلدى باسقارعان ادام ءبىزدى ءوز ۇيىندە قوناق قىلىپ كۇتتى. ۇلكەن-كىشى دەمەيدى، بارىنە بىردەي. گالستۋكسىز ءتورت ساعاتتاي كەزدەسۋ ۇيىمداستىردى.

سااكاشۆيلي كيەۆتىڭ سىرتىندا لەسنيكي دەگەن جەردە تۇرادى ەكەن. قالا سىرتىنداعى ساياجايلى القاپ ءتارىزدى. 15 سوتىق جەردە ءۇيى بار، كۇزەتسىز، جانىندا كومەكشىلەرى ءجۇر. گرۋزيانىڭ پرەزيدەنتى بولعاندا نەبارى 75 شارشى مەتر ۇيدە تۇرعان ەكەن. بىزدەگى اۋدان اكىمدەرىنىڭ ءۇيىنىڭ ءوزى كىشىگىرىم حان سارايىنداي بولاتىن شىعار.

اكەسىنىڭ اتىمەن ميحايل نيكولوزوۆيچ دەپ ايتقاندى ۇناتپايدى، جاي ميحايل دەي بەرىڭدەر دەيدى.

سااكاشۆيليدەن مىقتىلىعىن كىتاپقا قولىن قويۋ كەزىندە ءبىر مينۋت ىشىندە ءبىرتالاي نارسەنى سۇراپ ءبىلىپ العانىنان بايقادىم.

- ەلىڭىزدە باقىتجان ەسىمى كەڭ تارالعان با؟

- ءجيى كەزدەسەدى، بىراق نۇرسۇلتان ەسىمى سياقتى كەڭ تارالماعان. شىنىمدى ايتسام، بۇگىندە نۇرسۇلتان ەسىمىن كوپ بەرە بەرمەيدى، قازىر كوبىنە ءاليحان دەگەن ەسىمدى قويىپ جاتىر.

- ءاليحان كىم بولعان؟

- ءاليحان بوكەيحانوۆ ءجۇز جىل بۇرىن قازاقتىڭ ەلدىگى ءۇشىن كۇرەسكەن قايراتكەر، ۇلت كوسەمى، الاشوردالىق. سوۆەت ۇكىمەتى، قانىشەر ستالين كوزىن جويعان.

ءبىزدىڭ ەلگە كەلە قويماعان، رەسەيدە باسىلماعان «پروبۋجدەنيە سيلى» دەگەن كىتابىن كيەۆتەگى وقىرمانىم اكەلىپ بەرگەن ەدى. كەزدەسۋ كەزىندە بىرنەشە داناسىنا قولىن قويدىرىپ الدىم. ول كىتابىندا تاريحي وقيعالاردىڭ قاتىسۋشىسى رەتىندە كوپتەگەن تىڭ دەرەكتەردى كەلتىرەدى. اسىرەسە رەسەي باسشىلىعىنىڭ قۇيتىرقى ساياساتىن اشكەرەلەيدى. رەفورمالاردى قالاي جۇرگىزگەنى تۋرالى جازعان، نۇسقاۋلىق سياقتى. رەفورما جاعىنان بىزگە ءميحايلدىڭ تاجىريبەسى اۋاداي كەرەك دەپ سانايمىن. پرەزيدەنت بولعاندا رەفورماعا جاۋاپتى ەتىپ 25 جاستاعى جىگىتتەر مەن قىزداردى مينيستر ەتىپ تاعايىنداعان. وسىنىڭ ءوزى شالداردىڭ قوعامعا وڭ وزگەرىستەردى الىپ كەلە المايتىنىن اڭعارتادى. كۇش-قايراتىن قايدا جۇمسايتىنىن بىلمەي جۇرگەن جاستار ءۇشىن دە ءميحايلدىڭ كىتابى پايدالى بولادى دەپ ويلايمىن. مۇنداي كىتاپتار الماتىنىڭ دۇكەندەرىندە جوق، بىراق، وتە كەرەك. ءساتتى پايدالانىپ سااكاشۆيليدەن كىتابىن قازاقستاندا باسىپ شىعارۋعا رۇقساتىن الدىم. ۋكراين باسپاسىمەن دە بۇكىل شارتتارىن كەلىسىپ قويدىم. دەمەك، قۇداي قالاسا، جىل سوڭىنا دەيىن @amalbookskz باسپامنان تاعى ءبىر جاڭا كىتاپتى كۇتىڭىزدەر!

باقىتجان بۇقاربايدىڭ جازباسى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541