«رۋحانيات» پارتياسىنىڭ ءماجىلىس سايلاۋىنا جەتپەي ءمانى كەتىپ بارا جاتقان سياقتى. وتكەندە پارتيا اتىنان سايلاۋعا ۇمىتكەر رەتىندە تىركەلەگەن مۇحتار تايجان جاڭاوزەن قاقتىعىسىنا بايلانىستى قاتاردان شىعاتىنىن ءمالىم ەتكەن ەدى. مۇحتار بولاتحانۇلى تايجاننىڭ تاباندى تالابى تۇسىنىكتى - ول اتالعان پارتيا جەتەكشىلەرىمەن جاڭاوزەندەگى احۋالعا قاتىستى ورتاق پىكىرگە كەلە الماعان سوڭ، سايلاۋ دوداسىنان باس تارتتى. سويتكەن «رۋحانياتتىڭ» جاعاسىنا ەندى جاعانوۆا جارماسىپ جانجال شىعارىپ جاتىر.

«جازۋشى-دراماتۋرگ، «رۋحانيات» پارتياسىنىڭ نەگىزىن قالاۋشى التىنشاش جاعانوۆا «رۋحانياتتىڭ» پارتيالىق ءتىزىمىن تىركەۋدەن الىپ تاستاۋدى جانە ساياسي بىرلەستىك جەتەكشىسى سەرىكجان مامبەتاليندى جىبەرگەن بۇرمالاۋشىلىقتارى ءۇشىن جاۋاپكەرشىلىككە تارتۋدى تالاپ ەتىپ وتىر» دەپ حابارلايدى ساياسي اڭگىمەلەرگە ەنجار قارايتىن «ەگەمەن قازاقستاننىڭ» ءوزى.

التىنشاش جاعانوۆانىڭ ايتۋىنا قاراعاندا، مامبەتالين مىرزا تىم تاكاپپار، وركوكىرەك جان كورىنەدى. ول پارتيانىڭ ساياسي جەتەكشىلەرىمەن مۇلدەم ساناسپايدى ەكەن: ساسياسي كامپانيانى جەكە باسىن ناسيحاتتايتىن جارنامالار لەگىنە اينالدىرىپ جىبەرىپتى. بۇرىنعى «داۋىرلەۋ» پارتياسىنان «رۋحانياتقا» ۇلاسقان ۇيىم مۇشەلەرىن مامبەتاليننىڭ پارلامەنت ءماجىلىسىنىڭ دەپۋتتاتىعىنا كانديداتتار ۇسىنۋ ءۇشىن وتكىزگەن سەزى ءتىپتى اشىندىرا تۇسكەن.

«رۋحانيات» پارتياسىنىڭ ءماجىلىس سايلاۋىنا جەتپەي ءمانى كەتىپ بارا جاتقان سياقتى. وتكەندە پارتيا اتىنان سايلاۋعا ۇمىتكەر رەتىندە تىركەلەگەن مۇحتار تايجان جاڭاوزەن قاقتىعىسىنا بايلانىستى قاتاردان شىعاتىنىن ءمالىم ەتكەن ەدى. مۇحتار بولاتحانۇلى تايجاننىڭ تاباندى تالابى تۇسىنىكتى - ول اتالعان پارتيا جەتەكشىلەرىمەن جاڭاوزەندەگى احۋالعا قاتىستى ورتاق پىكىرگە كەلە الماعان سوڭ، سايلاۋ دوداسىنان باس تارتتى. سويتكەن «رۋحانياتتىڭ» جاعاسىنا ەندى جاعانوۆا جارماسىپ جانجال شىعارىپ جاتىر.

«جازۋشى-دراماتۋرگ، «رۋحانيات» پارتياسىنىڭ نەگىزىن قالاۋشى التىنشاش جاعانوۆا «رۋحانياتتىڭ» پارتيالىق ءتىزىمىن تىركەۋدەن الىپ تاستاۋدى جانە ساياسي بىرلەستىك جەتەكشىسى سەرىكجان مامبەتاليندى جىبەرگەن بۇرمالاۋشىلىقتارى ءۇشىن جاۋاپكەرشىلىككە تارتۋدى تالاپ ەتىپ وتىر» دەپ حابارلايدى ساياسي اڭگىمەلەرگە ەنجار قارايتىن «ەگەمەن قازاقستاننىڭ» ءوزى.

التىنشاش جاعانوۆانىڭ ايتۋىنا قاراعاندا، مامبەتالين مىرزا تىم تاكاپپار، وركوكىرەك جان كورىنەدى. ول پارتيانىڭ ساياسي جەتەكشىلەرىمەن مۇلدەم ساناسپايدى ەكەن: ساسياسي كامپانيانى جەكە باسىن ناسيحاتتايتىن جارنامالار لەگىنە اينالدىرىپ جىبەرىپتى. بۇرىنعى «داۋىرلەۋ» پارتياسىنان «رۋحانياتقا» ۇلاسقان ۇيىم مۇشەلەرىن مامبەتاليننىڭ پارلامەنت ءماجىلىسىنىڭ دەپۋتتاتىعىنا كانديداتتار ۇسىنۋ ءۇشىن وتكىزگەن سەزى ءتىپتى اشىندىرا تۇسكەن.

- سەزد مۇلدەم زاڭسىز وتكىزىلدى. رەسپۋبليكالىق كوميتەت، پلەنۋم، پارتيانىڭ ساياسي اتقارۋ كوميتەتى بىزدە بار-جوعى 7 ادامدى قۇرايدى. ماسەلەن، سولاردىڭ 5-ءى فورۋم جۇمىسىنا قاتىسقان جوق. ونىڭ ۇستىنە، جارعى بويىنشا پارتيانىڭ كەزەكتەن تىس سەزىن وتكىزۋ تۋرالى شەشىم مىندەتتى تۇردە پلەنۋمدا قابىلدانىپ، وبلىستىق كونفەرەنتسيالار وتكىزىلۋى ءتيىس بولسا، ولاردىڭ ەشقايسىسى مۇلدەم ۇيىمداستىرىلماعان. پارتيا فورۋمىندا بىرقاتار وڭىرلەردەن دەلەگاتتار دا وكىلدىك ەتپەگەن. سەزگە ءبىزدىڭ پارتيامىزعا ەشقانداي قاتىسى جوق ادامدار قاتىسىپ وتىرعان. مەن سەزدى زاڭسىز، ال مامبەتاليننىڭ ءىس-ارەكەتىن مۇلدەم تازا ەمەس دەپ ەسەپتەيمىن. ول جاعدايدى بىلمەيتىن كانديداتتاردى اداسۋشىلىققا ۇرىندىرسا، بۇل وعان بەدەل اپەرمەيدى، - دەپ مالىمدەيدى ا.جاعانوۆا «ەگەمەن قازاقستان» گازەتىنىڭ بەتىندە («رۋحانياتتاعى» جانجال «ەق»، 27. 12. 2011 جىل).

«سەزدى زاڭسىز» دەيتىن سەبەبى 1995 جىلى «داۋىرلەۋ» پارتياسى بولىپ تىركەلىپ، 2003 جىلى «رۋحانياتقا» اينالعان پارتيانىڭ جارعىلىق قۇجاتتارى، ءمورى جاعانوۆانىڭ قالتاسىندا  بولىپ شىقتى. «پارتيانىڭ باسىمدىقتارى رەتىندە حالىقتىڭ رۋحاني جاڭعىرۋى، ۇلتارالىق كەلىسىمدى ىلگەرىلەتۋ، ياعني ءبارىمىزدىڭ الدىمىزعا مەملەكەت باسشىسى قويعان مىندەتتەرگە باسىمدىق بەرۋ»، - دەگەن ا.جاعانوۆا باسشىلىقتىڭ جاس بۋىن وكىلىنە بەرۋ شەشىمى «رۋحانياتتىڭ» جاستار قاناتىن دامىتۋ مۇددەسى تۇرعىسىنان قابىلدانعانىن ايتادى.

سوندا دەيمىز-اۋ، باسشىلىقتى جاس بۋىن وكىلىنە اماناتتاعان اپامىز ءمور مەن جارعىنى نەمەنەگە جىرىپ قالعان؟ وسى جاعى تۇسىنىكسىز. 2003 جىلدان بەرى مامبەتالينگە ءمور مەن جارعىنى بەرمەگەن جاعانوۆا ول جايتتى نەگە تاپ بۇگىنگى ساياسي ناۋقان بارىسىندا جاريا ەتىپ وتىر؟ ممم، جاعداي شامامەن مىنادا بولسا كەرەك: «رۋحانيات» ءماجىلىس دەپۋتاتتىعىنا ۇمىتكەر ەتىپ ۇسىنعان تۇلعانىڭ ءبىرى - مۇحتار شاحانوۆ. جاڭاوزەندەگى قاقتىعىستان كەيىن ويانا باستاعان ەل بۇرىنعىسىنشا جاپپاي «نۇر وتانعا» داۋىس بەرە قويماۋى مۇمكىن. ايداپ اپارسا دا داۋىس بەرۋى ءدۇدامال حالىق «قالاۋلىمىز شاحانوۆ» دەپ شىقسا، اقوردا يدەولوگتارىنىڭ شىپاسى بىتەدى عوي. بىلايعى كۇننىڭ وزىندە مەملەكەتتىك ءتىلدىڭ مۇڭىن مۇڭداپ، جىرىن جىرلاپ ەسىلدىڭ سول جاعالاۋىنداعى اق جاعالى «جۇرتتى» ەستاندى ەتىپ جۇرگەن شاحانوۆ ءماجىلىس سارايىنا كىرىپ كەتسە، شانشار تەاترىنىڭ اكتەرلەرى ايتاپقشى، «جامان بولادى-اۋ، جامان بولادى». سول «جاماندىقتىڭ» الدىن الۋ ءۇشىن اقوردا جاعانوۆا اپايعا بارىپ جالىنىپ، ءمور مەن جارعىنىڭ جىرىنا جۇمساسا كەرەك.

-  مەن وسك-گە پارتيانى تىركەۋگە ۇسىنىلعان قۇجاتتاردى مۇقيات تەكسەرۋ كەرەكتىگىن ەسكەرتكەن بولاتىنمىن. وسك تاراپىنان ەشقانداي ارەكەت بايقالماعاندىقتان، باس پروكۋراتۋراعا شاعىم تۇسىرۋگە ءماجبۇر بولدىم، - دەيدى جازۋشى-دراماتۋرگ جاعانوۆا. ماسەلەگە باس پروكۋراتۋرا ارالاسقان سوڭ بۇل اڭگىمەگە نۇكتە قويا بەرسەك تە بولاتىن شىعار... ويتكەنى جاعانوۆا  پارتيانى سايلاۋالدى ناۋقانىنان الىپ تاستاۋدى تالاپ ەتىپ وتىر.

«اباي-اقپارات»