ازاتتىقتىڭ قىرعىز قىزمەتىنىڭ حابارلاۋىنشا, ۇكىمەت قۇرامى تولىق وتستاۆكاعا كەتكەن. جارلىق بويىنشا، ۇكىمەت باسشىسى، ۆيتسە-پرەمەر، ۇكىمەت مۇشەلەرى جاڭا ۇكىمەت جاساقتالعانعا دەيىن مىندەتتەرىن اتقارا بەرەدى.

قىرعىزستاندا 4 قازاندا وتكەن پارلامەنت سايلاۋىنان كەيىن ساياسي داعدارىس تۋىنداعان. پارلامەنت سايلاۋىنىڭ ناتيجەسىن جويۋدى تالاپ ەتكەن نارازىلىق اكتسيالارىنىڭ سوڭى تارتىپسىزدىككە ۇلاسقان. 6 قازانعا قاراعان ءتۇنى دەمونسترانتتار پارلامەنت پەن پرەزيدەنت اپپاراتى ورنالاسقان "اق ءۇيدى" باسىپ الدى.

9 قازاندا "اتا مەكەن", "بير بول", "رەسپۋبليكا" جانە "رەفورما" پارتيالارى بىرىگىپ، "اكىركى ءۇمۇت" ساياسي بىرلەستىگىن قۇراتىنىن مالىمدەپ، پرەمەرلىككە ومىربەك بابانوۆتى ۇسىندى.

بۇعان دەيىن 6 قازاندا جوگوركۋ كەڭەشتىڭ بىرنەشە دەپۋتاتى پرەمەرلىككە نارازىلىقتان كەيىن قاماۋدان شىققان سادىر جاپاروۆتى ۇسىنعان ەدى.

Abai.kz