قازاقستاندا ادامنىڭ قايتىس بولعانى تۋرالى كۋالىكتى الۋ پروتسەستەرى جەڭىلدەدى. بۇل تۋرالى تسيفرلىق دامۋ يننوۆاتسيالار جانە اەروعارىش ونەركاسىبى ءمينيسترى باعدات مۋسين جەلىدەگى پاراقشاسىندا جازدى.

«پرەزيدەنت اكىمشىلىگىندە قىزمەت ەتكەن كەزدە - پاندەميا ۋاقىتىندا پرەزيدەنت ءمايىتحانالاردىڭ جانىندا كوپتەگەن ادامدار جينالعانىنا نازار اۋداردى. ءبىز ونىڭ تاپسىرماسى بويىنشا تالقىلاپ، ءىستىڭ ءمان-جايىن انىقتادىق. مەكەمەلەر اراسىنداعى بيۋروكراتياعا بايلانىستى قايتىس بولعانى تۋرالى كۋالىك الۋدىڭ كۇردەلى پروتسەستەرى بار. وسى پروتسەستى وزگەرتۋ ءۇشىن مەن ونى ەلەكتروندىق جۇيەگە اۋىستىرۋ باستاماسىن كوتەردىم»، - دەدى مينيستر.

ونىڭ حابارلاۋىنشا، بارلىق مەملەكەتتىك ورگاندار (قر دسم، قر ءام جانە قر بپ قسجاەك) تولىق ينتەگراتسيالاۋدى جەدەل تۇردە پىسىقتاعان. ەندى قايتىس بولعانى تۋرالى كۋالىكتى الۋ بويىنشا كۇردەلى پروتسەستىڭ ورنىنا eGov.kz پورتالدان ءبىر انىقتامانى الۋعا بولادى. بۇل سەرۆيس بىردەن بىرنەشە انىقتامانى جويادى.

«وكىنىشكە قاراي، پاندەميا كەزىندە كوپشىلىگىمىز وسى جاعدايعا تاپ بولدىق. ءبىزدىڭ مىندەتىمىز وسىنداي قيىن كەزەڭدە قاجەتى جوق ءجۇرۋدى جەڭىلدەتۋ بولدى. مۇنداي پروتسەستەردى اۆتوماتتاندىرۋ ماڭىزدى. سوندىقتان ءبىز قاعازباستىلىقتى بارىنشا ازايتىپ، بارلىعىن ونلاين رەجيمگە كوشىرۋدى جالعاستىرامىز»، - دەپ جازدى باعدات مۋسين.

Abai.kz