جۇما, 29 ناۋرىز 2024
سايلاۋ 2445 6 پىكىر 21 قازان, 2020 ساعات 16:18

پارلامەنت سايلاۋىنا 15,3 ميلليارد تەڭگە بولىنەدى

بۇگىن قازاقستان پرەزيدەنتى قاسىم-جومارت توقاەۆ قر پارلامەنتى ءماجىلىسى جانە ءماسليحات دەپۋتاتتارىن سايلاۋ كۇنىن بەلگىلەدى.

ءسويتىپ، وسك كوميسسياسىنىڭ قاۋلىسىمەن الداعى پارلامەنت سايلاۋى 2021 جىلدىڭ 10 قاڭتارىندا وتەتىن بولدى.

قر ورتالىق سايلاۋ كوميسسياسىنىڭ حاتشىسى سابينا مۋستافينانىڭ ايتۋىنشا، ءماجىلىس پەن ءماسليحات سايلاۋىنا 15,3 ميلليارد تەڭگە ءبولۋ جوسپارلانىپتى.

"ۇكىمەتكە ۇسىنىلعان جوسپار بويىنشا، 2020 جىلعا ارنالعان شىعىن كولەمى شامامەن 10,8 ميلليارد تەڭگەنى قۇرايدى.  بۇل سومانىڭ نەگىزگى بولىگى 10 061 سايلاۋ كوميسسياسىندا ىستەيت ءىن 70 681 مۇشەنىڭ ەڭبەكاقىسىنا جۇمسالماق. بۇل دەگەنىڭىز 7,3 ميلليارد تەڭگە (68 پايىزى). 

ال قالعان 3,5 ميلليارد تەڭگە (32 پايىزى) سايلاۋ كوميسسياسىنىڭ دايىندىق جۇمىستارىنا دەپ جوسپارلانعان. ول: بۇلەتەندەر ازىرلەۋ، پوليگرافيالىق جانە وزگە دە دۇنيەلەرگە جۇمسالادى", - دەپتى مۋستافينا.

ونىڭ ايتۋىنشا، سايلاۋ كامپانياسى كارانتين ەرەجەلەرىن ساقتاي وتىرىپ ۇيىمداستىرىلاتىن بولادى.

"سوندىقتان، بارلىق دەيگەيدەگى سايلاۋ كوميسسيالارىنىڭ مۇشەلەرىنە جەكە قورعانىش زاتتارىن ساتىپ الۋ ءۇشىن 341,4 ميلليون ەڭگە قاراستىرىلعان", دەپتى وسك حاتشىسى.

ول ءوز سوزىندە بۇل جولعى سايلاۋ شىعىندارىنىڭ كۇرت ءوسۋىن ءبىرىنشى كەزەكتە ەڭ تومەنگى ەڭبەكاقى كولەمىنىڭ وسۋىمەن بايلانىستىرىپتى. ەكىنشىدەن، حالىق سانىنىڭ وسۋىنە بايلانىستى جاڭادان 86 سايلاۋ ۋچاسكەسى اشىلعان. وندا 600-گە تارتا ادام جۇمىس ىستەيتىن بولادى. ۇشىنشىدەن، تاۋارلار مەن قىزمەت تۇرلەرىنە قاتىستى ينفلياتسيانىڭ كوتەرىلۋى مەن سايلاۋدىڭ پاندەميا كەزىندە وتۋىنە بايلانىستى ەكەنىن ايتقان.

"وسى رەتتە بۇل جولعى سايلاۋ كومپانياسى 2 جىلدىڭ بيۋدجەتى ەسەبىنەن جۇرەتىنىن ەسكەرە كەتكەن ءجون. 2021 جىلدىڭ شىعىندارى 2021-2023 جىلدارعا ارنالعان رەسپۋبليكالىق بيۋدجەت تۋرالى زاڭ جوباسىندا قاراستىلىعان. ول شامامەن 4,5 ميلليارد تەڭگەنى قۇرايدى. بۇل اقشا ساياۋ كوميسسياسى مۇشەلەرىنىڭ ەڭبەكاقىسىنا دەپ جوسپارلانعان. 

وسىلايشا، بارلىق سايلاۋ پروتسەسسىنە دەپ 15,3 ميلليارد تەڭگە بولىنەتىن بولادى، - دەيدى مۋستافينا.

پارتيالار سايلاۋعا قاتىسۋ ءۇشىن قانشا جارنا تولەيدى؟

بۇگىن قر وسك توراعاسىنىڭ ورىنباسارى كونستانتين پەتوۆ وسى ساۋالعا جاۋاپ بەرىپتى.

"پارتيالىق ءتىزىمىن ۇسىنعان ساياسي پارتيالار قر وسك-عا پارتيا بيۋدجەتىنەن ءاربىر ادامعا 15 ەسەلەنگەن كولەمدە ەڭ تومەنگى ايلىق كورسەتكىشى كولەمىندە (42 500 تەڭگە) جارنا تولەۋى كەرەك", - دەيدى پەتروۆ.

ونىڭ ايتۋىنشا، وتكەن سايلاۋدا (2016 جىلعى) 7 پايىزدىق داۋىس كورسەتكىشىن جيناعان پارتيالار ("نۇر وتان", "اق جول" جانە "قكحپ") جارنا تولەۋدەن بوساتىلادى.

"2016 جىلعى سايلاۋدىڭ قورىتىندىسى بويىنشا، 7 پايىزدى "نۇر وتان", "اق جول" جانە "قكحپ" پارتيالارى جيناعان. سايكەسىنشە، بۇل پارتيالار جارنا تولەۋدەن بوساتىلادى.

ال جارنا سوماسى پارتيالىق تىزىمدەگى ءاربىر ادامعا 637 500 تەڭگەدەن اينالادى", - دەپتى وسك توراعاسىنىڭ ورىنباسارى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3595