بەيسەنبى, 28 ناۋرىز 2024
وزگەلەر 2883 7 پىكىر 26 قازان, 2020 ساعات 11:58

بۇگىن بەلارۋستە جالپىۇلتتىق نارازىلىق باستالادى

وتكەن سايلاۋدا الەكساندر لۋكاشەنكونىڭ باستى قارسىلاسى بولعان سۆەتلانا تيحانوۆسكايا بۇگىن بەلارۋس حالقى لۋكاشەنكونىڭ وتستاۆكاعا كەتۋىن تالاپ ەتىپ، كوشەگە شىعاتىنىن مالىمدەلدى.

ول كەشە Telegram كانالىندا:

«بۇگىن ساعات 23:59-دا «حالىقتىق ۋلتيماتۋمنىڭ» مەرزىمى اياقتالادى، ەگەر تالاپتار ورىندالماسا، بەلارۋستار ۇلتتىق ەرەۋىلگە شىعادى»،- دەپ جازدى. بۇعان دەيىن ول «حالىقتىق ۋلتيماتۋمنىڭ» نەگىزىندە بيلىككە ءۇش تالاپ قويىپ، 25 قازانعا دەيىن ورىندالۋىن تالاپ ەتكەن بولاتىن.

تيحانوۆسكايانىڭ ءۇش تالابى:

1. كوشەدەگى زورلىق-زومبىلىقتى تولىعىمەن توقتاتۋ;

2. ساياسي تۇتقىنداردى بوساتۋ; 

3. لۋكاشەنكانىڭ وتستاۆكاعا كەتۋى. 

اتالعان تالاپتار ورىندالماعان جاعدايدا 26 قازان كۇنى بۇكىل حالىقتىق نارازىلىق بولاتىنىن ايتقان.

ال، كەشە، 25 قازان كۇنى مينسكىدە لۋكاشەنكو رەجيمىنە قارسى نارازىلىق ءبىلدىرۋ ءۇشىن 200 مىڭعا جۋىق ادام شەرۋگە شىققان.

«مەن بۇگىن «حالىق ۋلتيماتۋمىنىڭ» تالاپتارىمەن كوشەگە شىعاتىن بارلىق بەلارۋستىقتاردى قولدايمىن. مەن وسى كۇنى حالىقپەن بىرگە بولعان ىشكى ىستەر ورگاندارىنىڭ ءاربىر شەنەۋنىگى مەن قىزمەتكەرىن قولدايمىن. ءبىز ءبارىمىز بىرگە كەز-كەلگەن رەجيمنەن كۇشتىمىز. ءبىز زاڭدى بىرگە قايتارامىز»،- دەدى تيحانوۆسكايا.

26 قازاندا بەلارۋستاعى كەيبىر كومپانيالار مەرزىمسىز دەمالىسقا كەتكەن. ولاردىڭ ىشىندە مەديتسينالىق ورتالىقتار، دۇكەندەر، ينتەرنەت-دۇكەندەر، بارلار، ءدامحانالار، ءتىل مەكتەپتەرى، ترەناجەر زالدارى، تۋريستىك كومپانيالار، گۇل جەتكىزۋ قىزمەتتەرى، ديزاين ستۋديالارى، سۇلۋلىق سالوندارى، تەحنيكانى جوندەۋ بويىنشا قىزمەت كورسەتۋ ورتالىقتارى، بيليارد كلۋبتارى جانە شاعىن بازارلار بار.

ەستەرىڭىزگە سالا كەتەيىك، سۆەتلانا تيحانوۆسكايا وتكەن سايلاۋدا بەلارۋس پرەزيدەنتى الەكساندر لۋكاشەنكونىڭ باستى وپپونەنتى بولعان. ول سايلاۋدى حالىقارالىق قاۋىمداستىق تا، بەلارۋس حالقى دا مويىنداماعان. وسىدان كەيىن مينسكى باستاعان بەلارۋستىڭ ءىرى قالالارىندا جالپىحالىقتىق نارازىلىق اكتسيالارى ۇيىمداستىرىلا باستاعان.

 Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512