قاراعۇسوۆا، بوجكو جانە باسقالاردى «قۇرمەتتى دەمالىسقا» جىبەرەتىن كەز كەلدى...

بۇگىندە ماجىلىستە وتىرعان كەيبىر ازاماتتاردىڭ زەينەت جاسىنا جاسىنا تاياپ قالعانى ەشكىمگە جاسىرىن ەمەس.

ال داعدارىس جاعدايىندا جولدى ءبىرىنشى كەزەكتە ءىس تىندىرۋعا قابىلەتتى جانە جاڭاشا ويلاي الاتىن جاستارعا بەرۋ كەرەك. مەملەكەت ونداعان جىلدار بويى جاستارعا ينۆەستيتسيانى تەكتەن تەككە سالعان جوق. تالاي ازاماتتى شەتتە سول ءۇشىن وقىتتى.

وكىنىشكە وراي جاڭا بۋىن زاڭ شىعارۋشى ورگاننىڭ ەسىگىن سىعالاعانى بولماسا، دەپۋتات كرەسلوسىنا قولى جەتىپ جاتقان جوق.

ءالى كەڭەستىك يدەلوگيانىڭ جەتەگىندە جۇرگەن ءارى ەسكىشە ويلايتىن ازاماتتاردى قۇرمەتتى دەمالىسقا جىبەرەتىن كەز كەلدى.

ولاردىڭ داعدارىس تۇسىنداعى كەمشىلىكتەرىن بەتىنە باسىپ شىعارىپ سالۋ كەرەك. (ۇيدە وتىرىپ نەمەرەلەرىن باقسىن.)

وسى رەتتە جاڭا قۇرام جاساقتاۋ تۋرالى شەشىم وتە وزەكتى بولدى دەپ ەسەپتەيمىن. قاراجات كوپ جۇمسالادى دەپ داۋرىقپاۋ كەرەك.

جاستاردى بايگەگە قوسقان جاراۋ اتتاي سايلاۋعا جىبەرىپ اياق الىسىن كورۋ كەرەك. مۇمكىن ولاردىڭ جاڭا وزگەرىستەر اكەلۋگە ورەسى جەتەر.

دۋمان بىقايدىڭ جازباسى

Abai.kz