نۇرلان نىعماتۋلين «Nur Otan» پارتياسىنىڭ سايلاۋ ناۋقانى اياسىندا قاراعاندى ​​وبلىسىنىڭ كەنشىلەرىمەن كەزدەستى. پارتيا باعدارلاماسىنىڭ باسىمدىقتارى تۋرالى كوستەنكو اتىنداعى شاحتا الدىنداعى كەزدەسۋدە ايتىلدى.

كەزدەسۋدە ەڭ الدىمەن، ەڭبەك جاعدايلارى، ونىڭ قاۋىپسىزدىگىن ارتتىرۋ جانە وندىرىستىك جاراقاتتانۋدى ازايتۋ تۋرالى اڭگىمە بولدى. نۇرلان نىعماتۋلين اتاپ وتكەندەي، بۇل ماسەلەلەر ارقاشاندا «Nur Otan» پارتياسىنىڭ باقىلاۋىندا.

ەلباسى، «Nur Otan» پارتياسىنىڭ كوشباسشىسى نۇرسۇلتان ءابىشۇلى نازارباەۆ شىنايى ەڭبەكتىڭ قادىرىن بىلەتىن كەنشىلەر مەن مەتاللۋرگتەرگە ءاردايىم نازار اۋدارىپ كەلەدى. ءبىزدىڭ پارتيامىز جوعارىدا اتالعان ماسەلەلەردى شەشۋگە، سونىمەن بىرگە زاڭنامالىق دەڭگەيدە رەتتەۋدى قولعا الاتىن بولادى. مەملەكەت باسشىسى قاسىم-جومارت كەمەلۇلى توقاەۆتىڭ جۇمىسپەن قامتۋ ساياساتىن ىسكە اسىرۋ شەڭبەرىندە پارتيا لايىقتى جالاقى مەن حالىقتىڭ تابىسىن ارتتىرۋدى باسىم باعىت رەتىندە قاراستىرادى، - دەدى نۇرلان نىعماتۋللين.

قازىرگى ۋاقىتتا ەڭبەككەرلەردىڭ قورعالۋى ماسەلەلەرى ەڭبەك كودەكسىنىڭ، ونەركاسىپتىك قاۋىپسىزدىك تۋرالى زاڭ جوباسىنىڭ قۇقىقتىق نورمالارىمەن، اۆاريالىق-قۇتقارۋ قىزمەتتەرىن اتتەستاتتاۋدى ەنگىزۋمەن بەكىتىلگەن.

الەۋمەتتىك قولداۋ، تۇرعىن ءۇي، ءوندىرىستى جاڭعىرتۋ تۋرالى اڭگىمە كوستەنكو كەنىشىندە جالعاستى.

قازاقستاندىقتاردىڭ تۇرعىن ءۇي ماسەلەلەرىن شەشۋ باعىتىندا «Nur Otan» پارتياسى 103 ملن.شارشى مەتر تۇرعىن ءۇي سالۋدى جوسپارلاپ وتىر. تۇرعىن ۇيلەر پايدالانۋعا بەرىلگەن كەزدە كوپ بالالى جانە الەۋمەتتىك قورعالماعان ازاماتتارعا باسىمدىق قاراستىرىلادى.

سونىمەن قاتار الەۋمەتتىك تولەمدەردى جىل سايىن يندەكستەۋگە 3 ترلن.تەڭگەدەن استام قاراجات بولىنەدى.

نۇرلان نىعماتۋليننىڭ ايتۋىنشا، وسى باعىتتاردى ىسكە اسىرۋ جالپى ەل ەكونوميكاسىن دامىتۋ ءۇشىن، ونىڭ ىشىندە قاراعاندى وبلىسىنىڭ الەۋەتىن ايتارلىقتاي نىعايتۋعا مۇمكىندىك بەرەدى.

سونداي-اق، «Nur Otan» ءار ءوڭىر ءۇشىن ينۆەستيتسيا تارتۋدىڭ، ءوڭىردىڭ سالالىق ماماندانۋىن ەسكەرە وتىرىپ، جوبالاردى ىسكە اسىرۋدىڭ ينديكاتورلارىن بەلگىلەۋگە نيەتتى. بۇدان باسقا، قازاقستاندا ءوز كىرىستەرىن ساقتاۋ جانە قايتا ينۆەستيتسيالاۋ ءۇشىن ينۆەستورلاردى ىنتالاندىرۋ بويىنشا شارالار قابىلداناتىن بولادى.

Abai.kz