الماتىنىڭ باس مەملەكەتتىك سانيتار دارىگەرى جانداربەك بەكشين جاڭا قاۋلىعا قول قويدى.

قاۋلىعا سايكەس، ادام كوپ جينالاتىن جەرلەردە ويىن-ساۋىق، سپورتتىق ءىس-شارالار، كورمەلەر، فورۋمدار جانە وتباسىلىق مەرەكەلەر وتكىزۋگە تىيىم سالىنادى.

سونىمەن قاتار، كەيبىر جاڭاجىلدىق ءىس-شارالاردى وتكىزۋگە دە تىيىم سالۋ تۋرالى شەشىم قابىلدانعان.

«25 جەلتوقساننان 5 قاڭتارعا دەيىن بارلىق ۇيىم مەن مەكەمەدە جاڭاجىلدىق ءىس-شارالاردى وتكىزۋگە، سونداي-اق انيماتورلاردى، ياعني اياز اتا، اقشاقار جانە باسقا جاڭاجىلدىق كەيىپكەرلەردى ۇيگە شاقىرۋ بويىنشا اگەنتتىكتەردىڭ جۇمىسىنا تىيىم سالۋ» ، - دەلىنگەن قاۋلىدا.

قۇجاتتا مەكتەپكە دەيىنگى مەكەمەلەردە قوسىمشا كەزەكشى توپتار مەن قالا مەكتەپتەرىندە 1-5-سىنىپ ارالىعىندا قوسىمشا كەزەكشى سىنىپتار اشۋدى توقتاتۋ تۋرالى ايتىلعان.

«ساۋدا نىساندارى، ونىڭ ىشىندە ويىن-ساۋىق ورتالىقتارى، ساۋدا ۇيلەرىنىڭ جۇمىسى جۇمىس، دەمالىس جانە مەرەكە كۇندەرى 23.00-گە دەيىن ۇزارتىلادى. سونداي-اق، ساعات 23.00-گە دەيىن قوعامدىق تاماقتانۋ نىساندارى جۇمىس ىستەيدى. ازىق-تۇلىك جانە ازىق-تۇلىك ەمەس بازارلاردىڭ جۇمىس ۋاقىتى جۇمىس كۇندەرى، دەمالىس جانە مەرەكە كۇندەرى ساعات 17.00-گە دەيىن شەكتەلەدى» ، - دەلىنگەن قۇجاتتا.

Abai.kz