«ەسىكتەن ەسىككە» اكتسياسى اياسىندا تالدىقورعان قالالىق ءماسليحاتى دەپۋتاتتىعىنا كانديدات اليشەر مانليكوۆ قالا تۇرعىندارىمەن جۇزدەستى.

ءماسليحات دەپۋتاتتىعىنا ۇمىتكەر اليشەر مانليكوۆ سايلاۋالدى ۇگىت-ناسيحات جۇمىستارىن جۇرگىزۋ بارىسىندا باعدارلاما باسىمدىقتارى، الداعى ماقسات-مىندەتتەر مەن جوسپارلار جونىندە مالىمەتتەر بەردى.

«ءبىزدىڭ پارتيا تالدىقورعان قالاسى تۇرعىندارىنىڭ ءۇمىتىن قاناعاتتاندىرۋ، حالىقتىڭ بارلىق توپتارىنىڭ مۇددەلەرىن ەسكەرۋ جانە حالىق پەن بيلىك اراسىنداعى بايلانىستىرۋشى بۋىن رەتىندە ارەكەت ەتۋ ءۇشىن بارلىق قاجەتتى شارالاردى قابىلدايتىن بولادى.

ءبىزدىڭ باعدارلامامىز تالدىقورعان قالاسىن دامىتۋعا باعىتتالعان. ءبىز قالامىزدى ءومىر ءسۇرۋ ءۇشىن قولايلى ايماققا اينالدىراتىن ناقتى شارالاردى ۇسىنامىز. مۇنداعى ءاربىر تۇرعىننىڭ جايلى ءومىر ءسۇرۋى، جان-جاقتى دامۋى ءۇشىن بارلىق مۇمكىندىكتەرگە يە بولاتىن ءال-اۋقات قوعامىن بىرگە قۇرامىز» - دەپ، ەلىمىزدە توتەنشە جاعداي جاريالانىپ، كارانتيندىك شارالاردىڭ ەنگىزىلۋىنە بايلانىستى «Nur Otan» پارتياسى ەرىكتىلەرى تاراپىنان قولعا الىنعان الەۋمەتتىك كومەكتەر جونىندە دە ايتىپ ءوتتى.

اتاپ وتەر بولساق، ءدال وسى كارانتيندىك شەكتەۋلەر كەزىندە ءماجبۇرلى دەمالىستاعى قىزمەتكەرلەرگە 42 مىڭ 500 تەڭگەدەن تولەندى، حالىقتىڭ الەۋمەتتىك وسال توپتارىنىڭ ىشىنەن 32 مىڭنان استام ادام ازىق-تۇلىك-تۇرمىستىق جيىنتىقتارى ءۇشىن تولەم الدى. از قامتىلعان وتباسىلارعا اتاۋلى الەۋمەتتىك كومەك كورسەتىلدى، 5011 ادامنىڭ كوممۋنالدىق شىعىندارى وتەلدى.

سونىمەن قاتار ەلباسى باستاماسىمەن قولعا الىنعان «Biz birgemiz» اكتسياسى اياسىندا «Nur Otan» پارتياسىنىڭ مۇشەلەرى مەن ەرىكتىلەرى 10 مىڭنان استام وتباسىنا ازىق-تۇلىك سەبەتتەرىن جەتكىزىپ، 9 912 ادام 50 000 تەڭگەدەن الدى.

تۇراقتىلىقتى ساقتاۋ ءۇشىن شاعىن جانە ورتا بيزنەس داعدارىس جاعدايىندا ايتارلىقتاي قولداۋعا يە بولدى. ۇمىتكەر الداعى ساياسي ناۋقاندا حالىقتى بەلسەندى بولۋعا شاقىرىپ، وڭ تاڭداۋ جاسايتىندارىنا سەنىم ءبىلدىردى.

ەسكەرتۋ! ماتەريالدىڭ اقىسى «Nur Otan» پارتياسىنىڭ تالدىقورعان قالالىق فيليالىنىڭ سايلاۋ قورىنان تولەندى.

Abai.kz