ۆۆپ ءبىرىنشى ورىندا
كەشە رف-دا پرەزيدەنت سايلاۋى بولىپ ءوتتى. سايلاۋدىڭ العاشقى قورتىندىسى ەندى جاريالانىپ جاتىر. سونىمەن، العاشقى قورتىندىلار بويىنشا تاراپ جاتقان دەرەكتەرگە سۇيەنسەك، رەسەيدىڭ قازىرگى پرەمەر-ءمينيسترى ۆلاديمير پۋتين جەڭىسكە جەتكەن كورىنەدى. وعان سايلاۋشىلاردىڭ 63,88%-ى داۋىس بەرىپتى. دەمەك، سايلاۋدىڭ ەكىنشى اينالىمى بولمايدى دەسەدى ساراپشىلار. رف پرەزيدەنتتىگىنەن تۇراقتى ۇمىتكەر گەننادي زيۋگانوۆ 17,24%، ميللياردەر پروحوروۆ - 7,1%، جيرينوۆسكي - 6,93%، ميرونوۆ - 3,73%. داۋىس الىپ رەسەيدى شەرۋلەتكەن سايلاۋدى اياقتاعانعا ۇقسايدى.
ادەتتەگىدەي سايلاۋعا ايماقتاردىڭ بەلسەنە قاتىسقانى بەلگىلى بولدى. قازاقستانعا ىسساپارمەن، باسقا دا سەبەپتەرمەن كەلگەن رەسەي ازاماتتارى دا داۋىس بەرۋ راسىمىنەن تىس قالعان جوق. كەشە ولار كادىمگىدەي سايلاۋ ورىندارىنا باس سۇعىپ، ساياسي ناۋقاندارعا سەلقوس قاراي باستاعان قازاقستاننىڭ «ءسانىن كەلتىرىپ» جىبەردى.
رف-دا وتكەن پرەزيدەنت سايلاۋىنىڭ ناقتى ناتيجەسى بۇگىن بەلگىلى بولادى. عالامتوردان لەزدە حابار الىپ وتىراتىن ءبىزدىڭ وقىرمان پىكىر الاڭىن «جاڭالىقسىز» قالدىرمايتىن شىعار دەپ سەنەمىز.
«اباي-اقپارات»
كەشە رف-دا پرەزيدەنت سايلاۋى بولىپ ءوتتى. سايلاۋدىڭ العاشقى قورتىندىسى ەندى جاريالانىپ جاتىر. سونىمەن، العاشقى قورتىندىلار بويىنشا تاراپ جاتقان دەرەكتەرگە سۇيەنسەك، رەسەيدىڭ قازىرگى پرەمەر-ءمينيسترى ۆلاديمير پۋتين جەڭىسكە جەتكەن كورىنەدى. وعان سايلاۋشىلاردىڭ 63,88%-ى داۋىس بەرىپتى. دەمەك، سايلاۋدىڭ ەكىنشى اينالىمى بولمايدى دەسەدى ساراپشىلار. رف پرەزيدەنتتىگىنەن تۇراقتى ۇمىتكەر گەننادي زيۋگانوۆ 17,24%، ميللياردەر پروحوروۆ - 7,1%، جيرينوۆسكي - 6,93%، ميرونوۆ - 3,73%. داۋىس الىپ رەسەيدى شەرۋلەتكەن سايلاۋدى اياقتاعانعا ۇقسايدى.
ادەتتەگىدەي سايلاۋعا ايماقتاردىڭ بەلسەنە قاتىسقانى بەلگىلى بولدى. قازاقستانعا ىسساپارمەن، باسقا دا سەبەپتەرمەن كەلگەن رەسەي ازاماتتارى دا داۋىس بەرۋ راسىمىنەن تىس قالعان جوق. كەشە ولار كادىمگىدەي سايلاۋ ورىندارىنا باس سۇعىپ، ساياسي ناۋقاندارعا سەلقوس قاراي باستاعان قازاقستاننىڭ «ءسانىن كەلتىرىپ» جىبەردى.
رف-دا وتكەن پرەزيدەنت سايلاۋىنىڭ ناقتى ناتيجەسى بۇگىن بەلگىلى بولادى. عالامتوردان لەزدە حابار الىپ وتىراتىن ءبىزدىڭ وقىرمان پىكىر الاڭىن «جاڭالىقسىز» قالدىرمايتىن شىعار دەپ سەنەمىز.
«اباي-اقپارات»
