اقپارات كوزدەرىنەن وسىنداي ءبىر ءىرى «جاڭالىقتى» كوزىمىز شالىپ قالدى. سوسىن ءبىزدىڭ وقىرمان دا بىلە بەرسىن دەپ جازىپ وتىرمىز.

راس، جۇبايىمەن 8 ناۋرىز - ايەلدەر مەرەكەسى كۇنىنىڭ قارساڭىندا قاتتى رەنجىسىپ قالعان قىزىلوردالىق ءبىر مىرزا ءبىر ميلليون القىزىل راۋشان گۇلىنە تاپسىرىس بەرىپتى. ءسويتىپ سۇيىكتىسىنىڭ الدىنان ءوتىپ، كەشىرىمىن الماق كورىنەدى. Zakon.kz  سايتىنىڭ جازۋىنا قاراعاندا، تاپسىرىس قابىلداعان گۇلساتاتىن دۇكەنننىڭ يەسى بۇرىن-سوڭدى بۇنداي كەرەمەتتى كورمەگەنىن ايتادى.

- ىلگەرىدە بىزگە ءدال وسىنداي تاپسىرىس بەرگەن جان بولعان ەمەس، - دەيدى گۇل ساتۋشى، - تاپسىرىس يەسىنىڭ تالعامى سونداي - القىزىل راۋشان گۇلدەرىنىڭ دەستەسى بىردەي جانە ءبارى  گوللاندىق بولۋى كەرەك.

ءبىر عانا گۇل ساتۋشىنىڭ دۇكەنىندە ەمەس، جالپى قىزىلوردا قالاسىنىڭ گۇلزارلارىندا ءبىر ميلليون ءتۇپ راۋشان گۇلى مەرەكەلەردىڭ ەشبىرىندە ساتىلىمعا ءتۇسىپ كورمەگەنگە ۇقسايدى. اياق استى وراسان زور كولەمدە تاپسىرىس العان ساتۋشى قاتتى ابدىراپ وتىرعانىمەن گۇلدەردىڭ گوللاندىق گۇلدەر بولاتىنىنا سەنىمدى. ال، قىزىلورداعا گۇلدەر تەك الماتىدان كەلەدى. الماتى گۇلدەردى «الميساقتان بەرگى ارىپتەسى» قىتايدان الادى ەكەن.

اقپارات كوزدەرىنەن وسىنداي ءبىر ءىرى «جاڭالىقتى» كوزىمىز شالىپ قالدى. سوسىن ءبىزدىڭ وقىرمان دا بىلە بەرسىن دەپ جازىپ وتىرمىز.

راس، جۇبايىمەن 8 ناۋرىز - ايەلدەر مەرەكەسى كۇنىنىڭ قارساڭىندا قاتتى رەنجىسىپ قالعان قىزىلوردالىق ءبىر مىرزا ءبىر ميلليون القىزىل راۋشان گۇلىنە تاپسىرىس بەرىپتى. ءسويتىپ سۇيىكتىسىنىڭ الدىنان ءوتىپ، كەشىرىمىن الماق كورىنەدى. Zakon.kz  سايتىنىڭ جازۋىنا قاراعاندا، تاپسىرىس قابىلداعان گۇلساتاتىن دۇكەنننىڭ يەسى بۇرىن-سوڭدى بۇنداي كەرەمەتتى كورمەگەنىن ايتادى.

- ىلگەرىدە بىزگە ءدال وسىنداي تاپسىرىس بەرگەن جان بولعان ەمەس، - دەيدى گۇل ساتۋشى، - تاپسىرىس يەسىنىڭ تالعامى سونداي - القىزىل راۋشان گۇلدەرىنىڭ دەستەسى بىردەي جانە ءبارى  گوللاندىق بولۋى كەرەك.

ءبىر عانا گۇل ساتۋشىنىڭ دۇكەنىندە ەمەس، جالپى قىزىلوردا قالاسىنىڭ گۇلزارلارىندا ءبىر ميلليون ءتۇپ راۋشان گۇلى مەرەكەلەردىڭ ەشبىرىندە ساتىلىمعا ءتۇسىپ كورمەگەنگە ۇقسايدى. اياق استى وراسان زور كولەمدە تاپسىرىس العان ساتۋشى قاتتى ابدىراپ وتىرعانىمەن گۇلدەردىڭ گوللاندىق گۇلدەر بولاتىنىنا سەنىمدى. ال، قىزىلورداعا گۇلدەر تەك الماتىدان كەلەدى. الماتى گۇلدەردى «الميساقتان بەرگى ارىپتەسى» قىتايدان الادى ەكەن.

«بۇگىنگى ساۋدا-ساتتىقتاعى گۇلدەردىڭ 10 پايىزى عانا قازاق جەرىندە وسەتىن گۇلدەر»، - دەيدى ماماندار. مامانداردان سۇراپ بىلە وتىرىپ مىنانداي ءبىر عاجايىپقا كەنەلدىك: قىزىلوردالىق باي-مىرزا تاپسىرىس بەرىپ، ايەلىنىڭ كوڭىلىن تاپپاق بولىپ جاتقان گوللاندىق گۇلدەردىڭ نەگىزگى وتانى -- قازاق جەرى ەكەن! بۇل جانە ەشقانداي قىڭىر قيسىن ەمەس، عىلمي دالەلدەنگەن جايت بولىپ شىقتى. گوللاندىقتار القىزىل راۋشان گۇلىن وسىرەدى، گۇلدەن بيزنەس جاسايدى. ال، راۋشان گۇلدەر قازاق دالاسىندا ەشكىم كۇتىپ باپتاماي-اق  ۋاقىتى كەلگەندە قارا جەردىڭ بەتىنە جايناپ شىعا كەلەدى. تاعى ءبىر قىزىعى راۋشان گۇلدەردىڭ نيدەرلاندى ولكەسىنە قازاق دالاسىنان كەلگەنىن سول نيدەرلانديالىق، ياعني گوللاندىق عالىمدار انىقتاپتى. سويتسەك، راۋشان گۇلدەر ءبىر كەزدەگى جىبەك جولى كەرۋەنىمەن ىلەسىپ  قازىرگى گوللاندياعا بارعان. سول جەرگە تۇقىمىن شاشقان. مىنە، كەرەمەت! بىراق بۇل كەرەمتكە وزگە سەنسە دە قازاق سەنبەيدى. اسىرەسە، اناۋ قىزىلوردانىڭ قاتىنجاندى مىرزاسى سەنبەيتىن شىعار. ەگەر ول سەنەتىن بولسا، ءار تالى 500-دەن 1000 تەڭگەگە دەيىن ۇشىنىپ تۇرعان راۋشان گۇلدەردى ءوز وتانىندا ءوسىرىپ جالپىنىڭ ريزاشىلىعىنا بولەنەر ەدى عوي...

«اباي-اقپارات»