قۇرمەتتى وقىرمان! «Abai.kz» اقپاراتتىق پورتالى تۇراقتى تۇردە جۇرگىزىپ كەلە جاتقان ينتەرنەت-كونفەرەنتسيانىڭ كەلەسى تاقىرىبى – ەاەو مەن قازاقستاننىڭ وعان مۇشەلىك ەتكەن 5 جىلىنداعى ەكونوميكالىق ءھام ساياسي جاعدايلارعا ارنالماق.

جۋىردا «قازاقستان 2015-2020 جىلداردىڭ ىشىندە ەاەو اياسىنداعى ساۋدادان 44 ملرد دوللار جوعالتقان» دەگەن اقپارات باق-تا جاريالانىپ، قوعامدا قىزۋ تالقى بولدى.

وسىعان دەيىن، وداقتى ساياسيلاندىرۋ پروتسەسستەرى، ونىڭ ىشىندە ورتاق زەينەتاقى، ورتاق سپورت، ورتاق اقشا، ورتاق جۇمىس كۇشى، ورتاق اقپاراتتىق كەڭىستىك ت.ب. ماسەلەلەر تۋرالى Abai.kz اقپاراتتىق پورتالىندا بىرنەشە مارتە جازدىق. وعان قوسا، بىلتىر قازاقستان ۇكىمەتى ەاەو-عا مۇشە ەلدەردىڭ كاسىپورىندارىنا زاۋىت-فابريكا سالۋ ءۇشىن جەر ۋچاسكەلەرى تەگىن بەرۋدى جوسپارلادى. ابىروي بولعاندا، قوعامدىق قارسىلىقتان كەيىن بۇل قويىرتپاق جوسپار جۇزەگە اسقان جوق. ودان بولەك، ەاەو ەلدەرىنە رەسەيدىڭ مۇددەسىن وداق بولىپ قورعاۋ ۇسىنىلعان. ول بويىنشا، ەاەو-نىڭ ءبىر مەملەكەتىنە ءۇشىنشى ءبىر ەل سانكتسيا سالسا، ەاەو-داعى وزگە ەلدەر بىرلەسىپ وداقتاسىنىڭ مۇددەسىن قورعاۋى كەرەك بولاتىن.

وسى جاعدايلارعا قاتىستى، ساراپشىلار اۋەلدە تەك ەكونوميكالىق سيپاتقا يە دەپ قۇرىلعان بۇل بەستىك وداقتى رەسەي بيلىگى بىرتە-بىرتە كسرو-عا اينالدىرعىسى كەلەدى دەگەن پىكىردە. بۇگىندە بەرەكەسى كەتكەن وداقتىڭ ەكونوميكاسى ورتايىپ، تاراپتار اراسىندا تالاس-تارتىس ورشىگەنى دە بەلگىلى.

سونىمەن، 2014 جىلى كەلىسىمگە قول قويىپ، 2015 جىلى ول كەلىسىم كۇشىنە ەنگەننەن بەرى قازاقستان ەۋرازيالىق ەكونوميكالىق وداقتا ۇتتى ما، ۇتىلدى ما؟ قازاقستانعا ەاەو-دان شىعۋ كەرەك پە، جوق پا؟ ەاەو-عا بالاما ينتەگراتسيا قايسى؟

Abai.kz اقپاراتتىق پورتالى وتكىزەتىن ينتەرنەت-كونفەرەنتسيانىڭ كەلەسى سپيكەرى – بەلگىلى ەكونوميست ماقسات حالىق مىرزا. سپيكەر ماقسات حالىقتىڭ اشىق سۇحباتى مەن سىزدەر قويعان ساۋالدىڭ جاۋابى Abai.kz اقپاراتتىق پورتالىندا جاريالاناتىن بولادى!

ساۋالدارىڭىزدى جولداي بەرىڭىزدەر، مارحابات، مارتەبەلى وقىرمان!

Abai.kz