سەنبى, 8 مامىر 2021
4727 12 پىكىر 7 ءساۋىر, 2021 ساعات 14:18

Forbes-تاعى قازاقستاندىق بايلار. ولار كىمدەر؟

Forbes باسىلىمى 6 ءساۋىر كۇنى الەمدەگى ەڭ باي ادامداردىڭ ءتىزىمىن جاريالادى. وعان العاش رەت Kaspi.kz قۇرىلتايشىلارى ۆياچەسلاۆ كيم مەن ميحايل لومتادزە، Freedom Finance باسشىسى تيمۋر تۋرلوۆ كىردى. 

قازاقستاندىق داۋلەتتى ازاماتتاردىڭ كوشىن ۆلاديمير كيم باستاپ تۇر. ونىڭ داۋلەتى 4,6 ملرد دوللاردى قۇرايدى. ەكىنشى ورىندا بولات وتەمۇراتوۆ قانجىعالادى. ونىڭ كاپيتالى ءبىر جىلدا 700 ملن دوللارعا ارتىپ، 3,4 ملرد دوللارعا جەتكەن.

قازاقستاندىق بيزنەسمەندەر اراسىندا Kaspi.kz نەگىزىن قالاۋشىلاردىڭ ءبىرى ۆياچەسلاۆ كيم 3,3 ميلليارد دوللار كاپيتالىمەن ءۇشىنشى ورىنعا جايعاستى.

قازاقستاندىق ءتورتىنشى جانە الەمدەگى 956-شى بيزنەسمەن ۆياچەسلاۆ كيمنىڭ سەرىكتەسى ميحايل لومتادزە بولدى، ونىڭ بايلىعى 2,3 ملرد دوللار. ول Kaspi.kz-ءتىڭ 23%-ىن يەمدەنەدى.

لومتادزە - گرۋزيا ازاماتى، بىراق ونىڭ كاپيتالى قازاقستاندا، سوندىقتان الەمدىك تىزىمدە ول قازاقستاندىق بيزنەسمەن بولىپ ەسەپتەلەدى.

قازاقستاندىقتار اراسىندا بەسىنشى تىزىمدە تيمۋر مەن دينارا قۇلىباەۆالار تۇر. ولاردىڭ ارقايسىسىنىڭ كاپيتالى 2,8 ملرد دوللاردى قۇرايدى.

العاش رەت تىزىمگە 2,2 ملرد دوللار كاپيتالى بار تيمۋر تۋرلوۆ كىردى. ول قازاقستاندىقتار اراسىندا التىنشى ورىنعا تابان تىرەگەن.

Abai.kz

12 پىكىر