پاندەمياعا بايلانىستى مۇسىلماندار ءۇشىن قاسيەتتى رامازان ايىندا مەشىتتەردە جاماعاتپەن ناماز وقىلمايدى. بۇل تۋرالى ونلاين بريفينگ بارىسىندا قالانىڭ باس يمامى ەركىنبەك شوقاي ايتتى.

الماتىنىڭ باس يمامى ەركىنبەك شوقاي مۇسىلمان قاۋىمىن كەلە جاتقان قاسيەتتى رامازان ايىمەن قۇتتىقتادى.

«ءبىزدىڭ حالقىمىز ەجەلدەن رامازاندى ەرەكشە قاستەرلەپ: «ون ەكى ايدىڭ سۇلتانى»،- دەپ اتاعان. بەرەكەسى مول ايدا جارامازان جىرىن ايتىپ، ورازانىڭ كەلگەنىن قۋانىشپەن جەتكىزىپ، ناسيحاتتاعان»، - دەدى ەركىنبەك شوقاي.

يمام قالا مەشىتتەرىندە جاماعاتپەن تاراۋىق نامازى وقىلمايتىنىن تىلگە تيەك ەتتى.

«العاشقى تاراۋىق نامازى بۇگىن وقىلادى. بيىل دا قالامىزداعى ەپيداحۋالدىڭ كۇشەيۋىنە بايلانىستى مەشىتتەردە جاماعاتپەن تاراۋىق نامازى وقىلمايدى», - دەدى قالانىڭ باس يمامى ەركىنبەك شوقاي.

سپيكەر، اركىم تاراۋىق نامازىن ءوز شاڭىراعىندا وتباسى مۇشەلەرىمەن وقۋىنا كەڭەس بەردى.

ايتا كەتەيىك، 2021 جىلدىڭ قاسيەتتى رامازان ايى 13 ساۋىردە باستالىپ، 12 مامىردا اياقتالادى.

8 مامىردان 9 مامىرعا قاراعان ءتۇن - قاسيەتتى قادىر ءتۇنى. 13 مامىر - ورازا ايتتىڭ ءبىرىنشى كۇنى.

Abai.kz