بەيسەنبى, 28 ناۋرىز 2024
انىق-قانىعى 8582 17 پىكىر 19 ءساۋىر, 2021 ساعات 14:36

قازاقستان «ءپۋتيننىڭ پارادىنا» قاتىسپايدى

بيىل قازاقستاندىق اسكەريلەر ماسكەۋدەگى جەڭىس پارادىنا بارمايدى. بۇل تۋرالى قورعانىس مينيسترلىگىنىڭ تاربيە جانە يدەولوگيالىق جۇمىس دەپارتامەنتىنىڭ وكىلى ۆيتالي اداموۆيچ مالىمدەدى. 

«بيىل قازاقستاندىق اسكەريلەردىڭ قىزىل الاڭداعى پارادقا قاتىساتىنى و باستان جوسپارلانباعان. بىلتىر ءبىزدىڭ اسكەري قىزمەتكەرلەر ۇلى وتان سوعىسىنداعى جەڭىستىڭ 75 جىلدىعىنا ارنالعان اسكەري شەرۋگە قاتىسقانىن بىلەسىزدەر»،- دەدى مينيسترلىك وكىلى.

جالپى، جىل سايىن 9 مامىردا كرەمل ءھام ونىڭ قوجايىنى «ۇلى وتان سوعىسىنداعى جەڭىس» دەگەن جەلەۋمەن ءوز اسكەرىنىڭ الەۋەتىن پاش ەتىپ قالاتىنى بار. ۋاقىت وتكەن سايىن الگى پارادتىڭ مايدانگەرى ازايىپ، اسكەري تەحنيكاسى كوبەيىپ كەلە جاتقانى بايقالادى. مۇنىڭ ارتىندا ارداگەرلەرگە دەگەن قۇرمەتتەن گورى ءپۋتيننىڭ اگرەسسياسى باسىمداۋ سەكىلدى. ماسەلەن، بىلتىر پۋتين بۇل پارادقا كەلمەۋ مەملەكەت باسشىلارى ءۇشىن «قاتەلىك بولاتىنىن» ايتقان. ءسويتىپ، ول ىندەت ءورشىپ تۇرعانىنا قاراماستان 24 ماۋسىم كۇنى قىزىل الاڭدا شەرۋ وتكىزدى.

«مەن سوۆەت وداعىنىڭ جوقتىعىنا وكىنەمىنبۇل ولاردىڭ قۇقىعى. بىراق ەگەر ءبىزدىڭ مەملەكەتارالىق قاتىناستارىمىزدىڭ بۇگىنگى ەرەكشەلىكتەرىنە بايلانىستى كەيبىر مەملەكەت باسشىلارى كەلمەسە، ولار ءۇشىن بۇل ۇلكەن قاتەلىك بولادى دەپ ويلايمىن. سەبەبى بۇل ولاردىڭ ءوز وتاندارىنىڭ تاۋەلسىزدىگى ءۇشىن سوعىسىپ، ومىرلەرىن قيعان ادامدارعا لايىقتى قۇرمەت كورسەتپەيتىندىگىن بىلدىرەدى»، - دەگەن ەدى پۋتين، ءبىر جولى.

ءسويتىپ، وعان بىرنەشە مەملەكەتتىڭ باسشىلارىن شاقىرعان. ارنايى قوناقتار تىزىمىندە: اقش-تىڭ سول كەزدەگى پرەزيدەنتى – دونالد ترامپ، سولتۇستىك كورەيا كوسەمى – كىم چەن ىن، گەرمانيا كانتسلەرى – انگەلا مەركەل، بريتانيا پرەمەرى – بوريس جونسون، فرانتسيا پرەزيدەنتى – ەمانۋەل ماكرون، تۇركيا پرەزيدەنتى – تايىپ ەردوعان، قىتاي توراعاسى – شي جيپيڭ، ءۇندىستان پرەمەرى، پاكىستان پرەزيدەنتى، يزرايل پرەمەرى، سەربيا پرەزيدەنتى، ۋكراينا پرەزيدەنتى، چەحيا پرەزيدەنتى، ۆەنەسۋەلا پرەزيدەنتى، كۋبا ليدەرى، موڭعوليا پرەزيدەنتى، ءازىربايجان، بەلورۋسيا، قىرعىزستان، وزبەكستان، تاجىكستان، قازاقستان پرەزيدەنتتەرى جانە ارمەنيا پرەمەرى بولدى.

ال، رەسەيلىك وپپوزيتسيونەر ناۆالنىي مىرزا ءپۋتيننىڭ الگى اسكەري شەرۋ ءۇشىن 1 ميلليارد رۋبل جۇمساعانىن ايتتى. الايدا، پۋتين پارادىنا شاقىرىلعان بىرنەشە مەملەكەتتىڭ باسشىلارى ماسكەۋگە بارۋدان باس تارتقان. ولاردىڭ قاتارىندا اقش پرەزيدەنتى، گەرمانيا كانتسلەرى، فرانتسيا پرەزيدەنتى، چەحيا پرەزيدەنتى، جاپونيا پرەمەرى، حورۆاتيا پرەزيدەنتى، يزرايل پرەمەرى سونداي-اق، ەۋروپا جانە بالتىق ەلدەرىنىڭ باسشىلارى بار. ال، قازاقستان قاتىسقاندار قاتارىندا بولدى.

باتىستىق باسىلىمدار ماسكەۋدىڭ مۇنداي شەرۋىن «ماقتانۋعا سەبەپ قالماعاندا ءوز-ءوزىنىڭ كوڭىلىن جۇباتاتىن جالعىز كۇن», دەپ سيپاتتاپتى. ال، سوعىستا جەڭىمپاز بولمايتىنىن ەسكەرسەك، جەڭىس پارادى - ارداگەرلەرگە قۇرمەتتەن بۇرىن، جاي عانا پۋتين پروپاگانداسى سەكىلدى.

تاقىرىپقا تۇزدىق:

بۇل پاراد - پۋتين اگرەسسياسى!

ءپۋتيننىڭ پارادىنا قاتىسۋ مىندەت پە؟

جەڭىس پارادى – پۋتين اسكەرىنىڭ «قۇدىرەتتىلىگىن» ۇلىقتاۋ ىسپەتتى

پۋتين تاعى پارادقا شاقىردى...

ءبىر عانا كورەرمەنگە ارنالعان پاراد

نۇربيكە بەكسۇلتانقىزى

Abai.kz

17 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3505