1 مامىردان باستاپ باتىس قازاقستان وبلىسىنا بلوكپوستار قايتادان قويىلماق.

ايماقتاعى باس سانيتار دارىگەردىڭ جاڭا قاۋلىسىنا سايكەس، بلوكپوستاردى ورال قالاسىنا كىرەبەرىسكە جانە COVID-19 ۆيرۋسى كەڭ تاراعان "قىزىل" ايماقتارعا ەنگىزبەك. بۇگىندە "قىزىل" ايماققا وبلىستىڭ التى اۋدانى كىرگەن: اقجايىق، بايتەرەك، ءبورلى، كازتالوۆ، تەرەكتى جانە شىڭعىرلاۋ.

بلوكپوستاردان تەك توتەنشە قىزمەت وكىلدەرى، ۆاحتادا جۇمىس ىستەيتىندەر، جولاۋشىلار، مەديتسينالىق قىزمەتكەرلەر عانا وتە الادى. اۋىل شارۋاشىلىعى قىزمەتكەرلەرى ارنايى انىقتاما الۋى قاجەت.

قازىر ايماقتاردا تۇندە ءجۇرىپ-تۇرۋعا تىيىم سالىنعان. ەگەر ءتۇن ۋاقىتىندا شۇعىل جول ءجۇرۋ كەرەك بولسا نەمەسە ءدارىحانا، اۋرۋحاناعا بارۋى كەرەك بولسا، STOPCOVID.KZ سايتىندا ءوتىنىش قالدىرۋى ءتيىس.

رەسمي مالىمەت بويىنشا، باتىس قازاقستان وبلىسىندا ۆيرۋس جۇقتىرعاندار سانى 18 613 ادام. 272 ناۋقاس قايتىس بولعان. سوڭعى تاۋلىكتە 166 ادامنان ۆيرۋس انىقتالعان.

باتىس قازاقستان وبلىسى كوروناۆيرۋستىڭ تارالۋى بويىنشا "قىزىل" ايماقتا تۇر.

Abai.kz