اقش-تىڭ مەملەكەتتىك حاتشىسى ەنتوني بلينكەن CBS News ارناسىنا بەرگەن سۇحباتىندا پەكين مەن ۆاشينگتون اراسىندا كيكىلجىڭ بولسا، ەكى ەلدىڭ مۇددەلەرىنە قايشى كەلەدى دەپ مالىمدەدى. بۇل تۋرالى centralasian.orgقا سىلتەمە جاساپ Abai.kz حابارلايدى.

"كەيىنگى بىرنەشە جىلدا قىتاي ءوز ىشىندە رەپرەسسيا، ال سىرتتا اگرەسسيا كورسەتىپ جاتقانىنا كۋا بولىپ وتىرمىز. بۇل – فاكت", دەدى بلينكين.

بلينكەننىڭ سوزىنشە، اقش پرەزيدەنتى دجو بايدەن اكىمشىلىگى "قىتاي تاراپى ينتەللەكتۋالدى جەكەمەنشىكتى ۇرلاۋى مۇمكىن دەپ قاۋىپتەنەدى". ول پەكيندى "باسەكەنى ادىلەتسىز جانە جاۋلاسۋ ارقىلى جۇرگىزەدى" دەپ ايىپتادى. بلينكەن "ۆاشينگتون مەن سەرىكتەستەرى جانە قىتايعا وكپەلى باسقا ەلدەر" پەكيننىڭ بۇل ارەكەتىن توقتاتۋى ءتيىس دەپ سانايدى.

"قىتاي باسشىسى سي تسزينپينگە ءۇندى-تىنىق مۇحيتى ايماعىنداعى اسكەردى كوبەيتەتىنىن ايتتىم. بۇل – جانجال باستاۋ ەمەس، بۇل – جانجالدىڭ الدىن الۋ" دەگەن ەدى بايدەن.

اقش پرەزيدەنتى امەريكا جۇمىسشىلارى مەن كاسىپورىندارىنىڭ مۇددەسىنە قايشى كەلەتىن ادىلەتسىز ساۋدا-ساتتىققا قارسى تۇراتىنىن ايتقان.

اقش قىتايدى شىڭجاڭداعى ۇيعىر، قازاق جانە باسقا دا مۇسىلمانداردى قۋادالاپ جاتىر دەيدى. اقش-تىڭ مەملەكەتتىك دەپارتامەنتى پەكيننىڭ شىڭجاڭداعى ارەكەتىن "گەنوتسيد" دەپ سانايدى.

Abai.kz