بەيسەنبى, 28 ناۋرىز 2024
4527 0 پىكىر 10 ماۋسىم, 2021 ساعات 16:22

قازاقستاندا كوكونىس باعاسى كۇرت قىمباتتادى

قازاقستاندا كوكونىس قىمباتتادى. اسىرەسە، كارتوپ پەن ءسابىز باعاسى اينالدىرعان ءبىر اپتانىڭ ىشىندە ەكى ەسەگە وسكەن. اتىراۋ مەن اقتوبەدە كارتوپتىڭ ءبىر كەلىسى 400 تەڭگەدەن ساتىلىپ جاتىر. شىعىس وڭىرلەردە دە قىمباتشىلىق قىسىپ تۇر. سەمەيدە ءسابىزدىڭ  قۇنى كەلىسىنە 500 تەڭگەدەن اسىپتى دەپ جازدى anyqtimes.kz.

مۇنى ساتۋشىلار قورداعى كوكونىستىڭ ازيۋىمەن بايلانىستىرادى. وعان قوسا، وڭتۇستىكتەگى وندىرۋشىلەر باعانى كوتەرىپ جىبەرگەن. اقتوبە بازارلارىنداعى ەڭ ارزان كارتوپ 400 تەڭگەدەن باستالادى. وسىدان ءبىر اپتا بۇرىن كەلىسى 250-270 تەڭگە تۇراتىن. ءسابىز بەن قىرىققابات، جۋا قۇنى دا شارىقتاپ كەتتى. قىمباتشىلىققا كۇيىنگەن تۇرعىندار باعانى تۇراقتاندىرا الماي وتىرعان بيلىككە وكپەلى.

«ءبارى دە قىمبات، ايتار ءسوزىم جوق. بۇرىنعى باعالاردىڭ ماڭىنا جۋىسپايدى. امالسىزدان الامىز. بىراق باعاسىن قاتتى كوتەرىپ جىبەرگەن»،- دەيدى اقتوبە قالاسىنىڭ تۇرعىنى ورىنشا باقتىباەۆا.

اتىراۋدا دا ءبىر كەلى كارتوپتى 400 تەڭگەگە، ءسابىزدى 500 تەڭگەگە ساتىپ الۋعا بولادى. وسى كۇنگە دەيىن كوكونىس ونىمدەرىنىڭ باسىم كوپشىلىگى يراننان جەتكىزىلەتىن. قازىر مۇنايلى استانا جۇرتشىلىعىن وزبەكستان مەن ءازىربايجاننان جەتكەن جەمىس-جيدەك جارىلقاپ وتىر. ساۋداگەرلەردىڭ ايتۋىنشا، جول قاتىناسى كۇرت قيىنداعان. تەك پياز بەن قىرىققاباتتى شىمكەنتتەن تاسىپ جاتىر. ال قوردا كارتوپ جوق.

«ءوزىمىزدىڭ قازاقستاننىڭ ءبىر ءونىمى جوق. ءبارى شەتەلدەن كەلىپ جاتىر. باسقا ەلدەن، كورشى ەلدەردەن. مىسىردان كارتوپ بار ەدى، ارزان، ول دا ءبىتىپ قالدى. 170 تەڭگەدەن الىپ كەلىپ ەدىك. مىسالى، كەشەدەن بەرى كارتوپ الا الماي وتىرمىز. كەلگەن كارتوپتى قىلداي ءبولىپ بەرىپ جاتىر»،- دەدى اتىراۋ قالاسىنىڭ تۇرعىنى الداۋ دەمەشوۆا.

سەمەيدە دە كوكونىس قۇنى كۇن ساناپ قىمباتتاپ بارادى. سوڭعى ءبىر اپتادا قىزاناق باعاسى كەلىسىنە ەكى ەسەگە وسكەن. ال كارتوپ، ءسابىز، قىزىلشا 20-30 تەڭگەگە قىمباتتاپتى. ساتۋشىلار ونى وڭتۇستىكتەگى وندىرۋشىلەردەن كورەدى. سەبەبى، سول جاقتاعىلار كوتەرمە باعانى وسىرگەن.

«ءبارى قىمباتتاپ كەتتى. قىزىلشانىڭ ءوزى كوتەرمە باعاسى 400 تەڭگە، ءسابىز 350, كارتوپ 300 تەڭگە، قيار، قىزاناقتى ايتپاعاننىڭ وزىندە. كۇننەن-كۇنگە قىمباتتاپ جاتىر»،- دەيدى سەمەي قالاسىنىڭ تۇرعىنى گۇلميرا تەمىربولاتقىزى.

قازىر ەلىمىزدىڭ بار ءوڭىرى وڭتۇستىكتەن جەتكىزەتىن كوكونىسكە قاراپ وتىر. شەنەۋنىكتەر سول جاقتاعى ارىپتەستەرىنەن باعانى كوتەرمەۋدى ءوتىنىپ جاتقان كورىنەدى. تاۋاردى جەتكىزۋگە كەتەتىن شىعىندى بيلىك ءوز موينىنا الۋعا دا ءازىر. مىسالى، اقتوبەگە كارتوپ پەن ءسابىز جەتكىزۋگە ەكى كولىك جىبەرگەن.

«وڭتۇستىك ايماق قىمبات باعامەن بەرىپ وتىر. قازىر ءوندىرۋشى ايماقتارمەن سويلەسىپ، وڭتۇستىك ايماق جەتكىزۋدى قامتاماسىز ەتەدى. سپك اقتوبە ارقىلى ەكى كولىك تىكەلەي بارىپ اكەلەدى. سونىمەن باعانى ازايتامىز»، – دەدى اقتوبە وبلىسى كاسىپكەرلىك باسقارماسى باسشىسىنىڭ ورىنباسارى اسقار كوكەەۆ.

كوكونىس قۇنىنىڭ قىمباتتاۋىنا وتكەن اپتاداعى جۇك كولىگى جۇرگىزۋشىلەرىنىڭ نارازىلىعى دا سەبەپ بولعانىن ايتادى. ويتكەنى ءبىراز كۇنگە قاتىناس توقتاعان. ونىمەن قوسا قوردا ساقتاۋلى بىلتىرعى ءونىم دە تاۋسىلۋعا شاق قالعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515