ەش نارسە وزدىگىنەن بولا سالمايدى. كەزدەيسوق ەشتەمە بولمايدى. ءسوز دە سولاي. نە اۋىزىڭا ءسوزدى قۇداي سالادى، نە شايتان ايتقىزادى. اللانىڭ امىرىمەن ايتىلسا ول ءسوزدىڭ قۋاتى ادامدارعا جاعىمدى بولادى، شايتان ايتقىزسا تەرىس جولعا سالادى. قازاقتىڭ باس اقىنىن «تۇسىنىكسىز قازاق» دەگەن الەكسەي ناۆالنىيعا بۇل ءسوزدى اللا ايتقىزعانى كۇمانسىز. ول دا بىرقۇدايعا سىيىنعان پەندە (يسلامدا كىتاپ تۇسكەن جۇرتتىڭ ءبارىن بىرقۇدايعا سىيىنۋشىلار دەپ، ولاردىڭ تانىما تۇسىنىستىكپەن قاراۋعا شاقىرادى، ءتىپتى حريستيان ادامنىڭ ۇيىنە قوناققا بارعاندا الدىنا قويىلعان ەتتى نەنىڭ ەتى دەپ سۇراماستان «ءبىسىمىللا» دەپ بارىپ جەۋگە رۇقسات ەتىلەدى، ال پۇتقا تابىنۋشىنىڭ ۇيىنە مۇسىلمان ادام قوناق بولسا ەت تاعامىن اۋىزىنا سالۋعا تيىم سالىنادى، ويتكەنى ولار كوپقۇدايشىلدىققا ۇرىنعاندار). «اللانىڭ ءوزى دە راس، ءسوزى دە راس» دەگەن اباي مۇنى جاقسى بىلگەن، «ادامزاتتىڭ ءبارىن ءسۇي باۋىرىم دەپ» كەتكەن. دەمەك، تالاي ەلدى اۋىزىنا قاراتقان الەكسەي دە اللانىڭ امىرىمەن الگى ءسوزدى ايتتى. بىراق بىرنەشە كۇننەن سوڭ ول پىكىرىنىڭ تەرىس ەكەنىن ءتۇسىنىپ، بۇدان بىلاي ابايتانۋشىعا اينالاتىنىن مالىمدەدى. وسى ارادا قازاق بلوگگەرلەرىنىڭ ەڭبەگىن ايتپاي كەتۋگە بولمايدى. ونىڭ تۆيتتەردەگى پاراقشاسىن جان-جاقتان توپەلەگەن قازاقتار ابايدىڭ ول ايتقانداي تۇسىنىكسىز قازاق ەمەس، بۇكىل ادامزاتتىڭ قايعىسىن ارقالاعان زور اقىن بولعانىن، الەمدىك دەڭگەيدەگى ويشىل ەكەنىن جەتە ءتۇسىندىردى.

ەش نارسە وزدىگىنەن بولا سالمايدى. كەزدەيسوق ەشتەمە بولمايدى. ءسوز دە سولاي. نە اۋىزىڭا ءسوزدى قۇداي سالادى، نە شايتان ايتقىزادى. اللانىڭ امىرىمەن ايتىلسا ول ءسوزدىڭ قۋاتى ادامدارعا جاعىمدى بولادى، شايتان ايتقىزسا تەرىس جولعا سالادى. قازاقتىڭ باس اقىنىن «تۇسىنىكسىز قازاق» دەگەن الەكسەي ناۆالنىيعا بۇل ءسوزدى اللا ايتقىزعانى كۇمانسىز. ول دا بىرقۇدايعا سىيىنعان پەندە (يسلامدا كىتاپ تۇسكەن جۇرتتىڭ ءبارىن بىرقۇدايعا سىيىنۋشىلار دەپ، ولاردىڭ تانىما تۇسىنىستىكپەن قاراۋعا شاقىرادى، ءتىپتى حريستيان ادامنىڭ ۇيىنە قوناققا بارعاندا الدىنا قويىلعان ەتتى نەنىڭ ەتى دەپ سۇراماستان «ءبىسىمىللا» دەپ بارىپ جەۋگە رۇقسات ەتىلەدى، ال پۇتقا تابىنۋشىنىڭ ۇيىنە مۇسىلمان ادام قوناق بولسا ەت تاعامىن اۋىزىنا سالۋعا تيىم سالىنادى، ويتكەنى ولار كوپقۇدايشىلدىققا ۇرىنعاندار). «اللانىڭ ءوزى دە راس، ءسوزى دە راس» دەگەن اباي مۇنى جاقسى بىلگەن، «ادامزاتتىڭ ءبارىن ءسۇي باۋىرىم دەپ» كەتكەن. دەمەك، تالاي ەلدى اۋىزىنا قاراتقان الەكسەي دە اللانىڭ امىرىمەن الگى ءسوزدى ايتتى. بىراق بىرنەشە كۇننەن سوڭ ول پىكىرىنىڭ تەرىس ەكەنىن ءتۇسىنىپ، بۇدان بىلاي ابايتانۋشىعا اينالاتىنىن مالىمدەدى. وسى ارادا قازاق بلوگگەرلەرىنىڭ ەڭبەگىن ايتپاي كەتۋگە بولمايدى. ونىڭ تۆيتتەردەگى پاراقشاسىن جان-جاقتان توپەلەگەن قازاقتار ابايدىڭ ول ايتقانداي تۇسىنىكسىز قازاق ەمەس، بۇكىل ادامزاتتىڭ قايعىسىن ارقالاعان زور اقىن بولعانىن، الەمدىك دەڭگەيدەگى ويشىل ەكەنىن جەتە ءتۇسىندىردى.

ءيا، جاراتقان يەم ءبارىن ءوزى رەتتەيدى. كەشە عانا ماسكەۋدە (2006 جىلى) ابايعا ەسكەرتكىش اشىلعان كەزدە بۇراتانا حالىقتىڭ وكىلىنە ەسكەرتكىش اشىلعانىنا ورىستىڭ شوۆينيستەرى مەن نەوۇلتشىلدارى قاتتى قارسىلىق كورسەتىپ، ەسكەرتكىشكە سىر توگىپ ءبۇلدىرىپ، مازاق ەتكەن ەدى. قانشاما قارجى (1,25 ملن دوللار) جۇمساعان ەسكەرتكىشتى سول كەزدە ءبىزدىڭ بيلىك ءتيىستى دارەجەدە قورعاپ، ابايدىڭ ادامزات الدىنداعى ەڭبەگىن ايگىلەي المادى. ەندى مىنە ارادا از ۋاقىت وتكەندە اباي ءوزىن ءوزى قورعاپ شىقتى. ونىڭ ەشقاشان ءمانىن جوعالتپايتىن جاۋھار جىرلارى، ىزگى ويلارى، قاراسوزدەرى ساف التىنداي جارقىراي ءتۇستى. رەسەيدەگى جانە قازاقستانداعى اۆتوريتارلىق جۇيەمەن كۇرەسۋشىلەر ەندى ونى ەركىندىكتىڭ سيمۆولىنا اينالدىردى. ەكى ەلدە دە قارسىلىق اكتسيالارى ابايدىڭ ەسكەرتكىشىنىڭ توڭىرەگىندە وتۋدە. حالىقتىڭ ىشكى بۇلقىنىسىنا، ادىلەتسىزدىكپەن كۇرەسىنە ابايدىڭ سوزدەرى دەم بەرۋدە. بۇل دا كەزدەيسوق ەمەس. اباي بيلىكتىڭ كەمشىلىگىن، قاتەلىگىن قاتتى ايتىپ، جىلاتا ايتىپ كەتكەن. بار مالىن شىعىنداپ بولىس بولاتىنداردىڭ حالىقتىڭ قانىن تاسكەنەدەي سوراتىنىن جاقسى بىلگەن. ەڭ قۋانىشتى جاعداي - ەكى ەلدىڭ دە بيلىگى ابايدىڭ اۋىزىن جابا المايدى. قورقىتىپ-ۇركىتىپ، سوتتاپ تا جىبەرە المايدى. ونىڭ مۇرالارىن وشىرە دە المايدى. حالىققا ابايدى تىڭداماڭدار، ونىڭ ايتقانىنا ەرمەڭدەر دەپ تە ايتا المايدى. ويتكەنى، اباي - وشپەس رۋح، سونبەس شىراق، اداستىرماس باعدار! بار ءومىرىن ادىلەتسىزدىكپەن كۇرەسكە ارناعان اقىننىڭ بۇلايشا ادىلدىكتىڭ سيمۆولىنا اينالۋى زاڭدىلىق!

قازاقتاردىڭ قارسىلىعىنان كەيىن اباي تۋرالى كوزقاراسى وزگەرىپ، ونىڭ شىعارماشىلىعىنا دەن قويعان الەكسەي ناۆالنىيدىڭ ارتىنان مىڭداعان ادام ەرىپ، ءدال وسى كۇندەرى باس اقىنىمىزدىڭ شىعارمالارىن بۇكىل الەمنىڭ حالقى وقىپ جاتىر. تۆيتتەر ميكروبلوگ سەرۆيسىنىڭ رەسەيلىك سەگمەنتىندە «وككۋپاياباي» حەشتەگى قازىر ءبىرىنشى ورىندا، الەم بويىنشا ءۇشىنشى ورىندا تۇر. ابايدىڭ قاراسوزدەرىن ۇرانعا اينالدىرىپ، 9 مامىردان بەرى ونىڭ ەسكەرتكىشىنىڭ جانىندا قارسىلىق اكتسياسىن وتكىزىپ جاتقان ەركىندىك اڭساۋشىلار العان بەتتەرىنەن قايتپاق ەمەس. ولار اباي ارمانداعان ادىلەتتى قوعام ورناتقانعا دەيىن توقتامايدى. ەندەشە ادامزات ءۇشىن اباي قايتا تۋدى، ابايتانۋدىڭ جاڭا ءداۋىرى باستالدى دەپ ايتا الامىز.

ءيا، اللا! ابايداي اقىن تۋعان قازاقتى دا نازارىڭنان تىس قالدىرما! ءبىز دە ادىلەتتى قوعامعا سۋساپ وتىرمىز.

«masa.kz» ينتەرنەت گازەتى