سەنبى, 31 شىلدە 2021
1222 0 پىكىر 21 ماۋسىم, 2021 ساعات 11:13

اقش ماسكەۋگە قارسى جاڭا سانكتسيالار دايىنداپ جاتىر

دجو بايدەننىڭ اكىمشىلىگى وپپوزيتسيا ليدەرى الەكسەي ناۆالنىيدىڭ ۋلانۋىنا، كەيىن ۇستالۋىنا بايلانىستى رەسەيگە قارسى قوسىمشا سانكتسيالار سالۋعا دايىندالىپ جاتىر. بۇل تۋرالى اقش-تىڭ ۇلتتىق قاۋىپسىزدىك جونىندەگى كەڭەسشى دجەيك سالليۆان مالىمدەدى.

«ءبىز بۇل ءىس بويىنشا تاعى ءبىر سانكتسيالار پاكەتىن دايىنداپ جاتىرمىز» دەدى سالليۆان جەكسەنبىدە CNN ارناسىندا.

- «ءبىز رەسەيدىڭ زياندى ارەكەتتەرىنە قاتىستى «سوققىلاردى جۇمسارتا المايتىندىعىمىزدى» بىلدىردىك. ول SolarWinds كومپانياسىنا قاتىستى حاكەرلىك شابۋىل، سايلاۋعا ارالاسۋ نەمەسە ناۆالنىيعا قاتىستى بولۋى مۇمكىن», - دەپ قوستى ول.

سالليۆاننىڭ سوزىنە قاراعاندا، اقش سانكتسيالاردى ءوزىنىڭ «دۇرىس ماقساتتى تاڭداعانىنا» سەنىمدى بولعان كەزدە سالادى.

- «ەگەر بۇل ورىن السا، ءبىز حيميالىق قارۋدى قولدانۋعا بايلانىستى جاڭا سانكتسيالار ەنگىزەمىز»، - دەپ ءتۇسىندىردى ول.

اق ءۇي كەڭەسشىسىنىڭ مالىمدەمەسى دجو بايدەن مەن ۆلاديمير ءپۋتيننىڭ جەنەۆاداعى سامميتىنەن بىرنەشە كۇن وتكەن سوڭ جاسالدى. ەكەۋى دە كەزدەسۋدى جالپى ءپوزيتيۆتى دەپ سيپاتتادى، بىراق ايتارلىقتاي ۇلكەن جەتىستىكتەرگە جەتكىزبەگەن.

سونداي-اق، بايدەن پۋتينگە ناۆالنىي تۇرمەدە قايتىس بولسا، ونىڭ سالدارى تۋرالى ەسكەرتكەنىن ايتتى.

Abai.kz

0 پىكىر