ارمەنيا پرەمەر-ءمينيسترىنىڭ مىندەتىن اتقارۋشى نيكول پاشينياننىڭ «گراجدانسكي دوگوۆور» پارتياسى ەلدەگى بارلىق سايلاۋ ۋچاسكەلەرىندەگى داۋىستاردى ساناۋ ناتيجەلەرى بويىنشا پارلامەنتتىك سايلاۋدا جەڭىسكە جەتتى.

ارمەنياداعى پارلامەنتتىك سايلاۋ ءبىر كۇن بۇرىن، ياعني 20 ماۋسىمدا ءوتتى، وعان 21 پارتيا مەن ءتورت بلوك قاتىستى.

ارمەنيانىڭ ورتالىق سايلاۋ كوميسسياسىنىڭ مالىمەتى بويىنشا، پاشينياننىڭ جاقتاستارى 53,92%، ەكس-پرەزيدەنت روبەرت كوچارياننىڭ «ارمەنيا» بلوگى - 21,04% داۋىس جيناعان.

داۋىستار سانى بويىنشا ءۇشىنشى ورىندا ارمەنيانىڭ ەكس-ليدەرى سەرج سارگسياننىڭ «چەست يمەيۋ» بلوگى تۇر، ول 5,23% داۋىس الدى. پارلامەنتكە ءوتۋ ءۇشىن وعان 7 پايىز جيناۋى كەرەك بولدى.

كاسىپكەر گاگيك تسارۋكياننىڭ «پروتسۆەتايۋششايا ارمەنيا» پارتياسى 3,96% داۋىسقا يە بولدى. بۇل ساياسي پارتيا ءۇشىن ءوتۋ شەگى 5% قۇرايدى.

بۇعان دەيىن پاشينيان رەسەي پرەزيدەنتى ۆلاديمير پۋتين مەن پرەمەر-مينيستر ميحايل ميشۋستينگە ارمەنيا مەن ارميان حالقىنا كورسەتكەن قولداۋى ءۇشىن العىسىن بىلدىرگەن.

ال، ەكس-پرەزيدەنت كوچارياننىڭ بلوگى پارلامەنتتىك سايلاۋدىڭ ناتيجەلەرىن كۇماندى دەپ سانايدى.

Abai.kz