الماتى اكىمى باقىتجان ساعىنتاەۆ قالاداعى LRT قۇرىلىسىنىڭ قۇنى قانشا بولۋى مۇمكىن ەكەنىن جانە  قۇرىلىستىڭ قاشان باستالاتىنىن ايتتى. بۇل تۋرالى Orda.kz مالىمدەدى.

– LRT كوپشىلىكتى الاڭداتادى. مۇندا ناقتى ءتۇسىنۋ كەرەك. جوبانى باستاماس بۇرىن ءبىز بارلىق تاراپتاردى تالقىلاپ، وسى ۇلكەن جوبانىڭ توقتاپ قالمايتىندىعىنا سەنىمدى بولۋىمىز كەرەك. تەك بيۋدجەتتىڭ ءوزى جوباعا جەتپەيدى. كەز كەلگەن قۇرىلىستى سالۋعا بولادى. بىراق قانداي اقشاعا؟ – دەدى الماتى قالاسىنىڭ اكىمى.

باقىتجان ساعىنتاەۆتىڭ ايتۋىنشا، قۇرىلىس جۇمىستارىنا 300 ميلليون دوللار قاراجات كەرەك. سەرىكتەس تاپقان جاعدايدا دا جوبانىڭ 50 پايىزىن بيۋدجەت كوتەرەدى.

– ايتالىق، قۇرىلىس-مونتاجداۋ جۇمىستارىنا 300 ميلليون دوللار كەتەدى. بۇل جوبانى بيۋدجەت وزدىگىنەن كوتەرمەيدى. ەگەر ءبىز اقشا تارتاتىن بولساق، ونىڭ 50 پايىزىن بيۋدجەت، 50 پايىزىن ءبىزدىڭ سەرىكتەس جەڭىپ الادى. ارينە، بۇل وتە ۇلكەن تاۋەكەل بولادى. ەرتەڭگى كۇنى قالاي قايتارامىز؟ جوبا اياقتالعاننان كەيىن 1 ملرد. قارجى كەرەك. ءبىز ونى قالاي قايتارامىز؟ سوندىقتان وسى تاراپتاردا جۇمىس ىستەپ جاتىرمىز، – باقىتجان ساعىنتاەۆ.

ساعىنتاەۆ ۇكىمەتپەن سويلەسكەنىن جانە ەكى ءىرى جوبانى قاتار اتقارا المايتىندارىن مالىمدەدى. قالا اكىمى الدىمەن مەترو سالۋ جۇمىستارىن اياقتاعان ءجون دەپ سانايدى.

– بىراق مەن ۇكىمەتپەن سويلەستىم، ولار ماعان ۇكىمەت مەترو مەن LRT سياقتى ەكى ءىرى جوبانى جۇزەگە اسىرا المايتىنىن ايتتى. الدىمەن مەترو سالۋ كەرەك. سودان كەيىن LRT-گە اۋىسامىز. سوندىقتان جاعداي وڭاي ەمەس. ءبىز ءبارىن جارتى جولدا قالدىرا المايمىز، – دەدى ساعىنتاەۆ.

ەستەرىڭىزگە سالا كەتەيىك، 2018 جىلدىڭ 29 تامىزىندا «الماتى قالاسىندا جەڭىل رەلستى كولىك جەلىسىنىڭ قۇرىلىسى» جوباسى بويىنشا جەكە سەرىكتەستى انىقتاۋ حالىقارالىق ەكى كەزەڭدىك تەندەردىڭ ءبىرىنشى كەزەڭى جاريالانعان بولاتىن. بۇل تۋرالى جوبانىڭ almaty-lrt.kz سايتىندا ايتىلعان.

كونكۋرسقا قاتىسۋشىلار ۇسىنىلعان قۇجاتتى حالىقارالىق تاجىريبەسى بار جوبا كەڭەسشىلەرىنىڭ بىلىكتىلىك تالاپتارىنا سايكەستىگىن تەكسەرگەننەن كەيىن، بىلىكتىلىك تاڭداۋ ناتيجەلەرى كوميسسيانىڭ قاراۋىنا ۇسىنىلدى. 2019 جىلدىڭ 18 قاڭتارىندا كوميسسيا ىرىكتەۋدەن وتكەن الەۋەتتى جەكە سەرىكتەستەردى انىقتاپ، ولاردى بايقاۋعا قاتىسۋشىلار دەپ تانىدى.

Abai.kz