27 ماۋسىمدا كەشكىسىن اۋعانستانداعى بالح پروۆينتسياسىنىڭ شاحريتۋس اۋدانىنداعى تءالىبتەرمەن كءۇرەستەن ارتقا شەگىنگەن 17 اۋعان شەكاراشىسى قارۋلارىمەن تءاجىكستان اۋماعىنا قاشىپ ءوءتتى.

بۇل تۋرالى وزودي راديوسى تاجىكستاننىڭ ۇلتتىق قاۋىپسىزدىك بويىنشا مەملەكەتتىك كوميتەتىنە سىلتەمە جاساپ حابارلادى.

"گۋمانيتارلىق جانە كورشىلەر اراسىنداعى كەلىسىم نەگىزىندە تاجىك شەكاراشىلارى قاشقان جاۋىنگەرلەردى اۋماعىنا وتكىزدى", - دەپ ايتىلادى مەكەمە مالىمەتىندە.

22 ماۋسىمدا اۋعانستاننىڭ شەرحان-باندار شەكارا بەكەتىن تالىبتەر باسىپ العاننان كەيىن 134 اۋعان اسكەرى ارتقا شەگىنىپ، تاجىكستان اۋماعىنان باسپانا سۇراپ كىرگەن. قازىر ولاردىڭ قايدا تۇرىپ جاتقانى بەلگىسىز.

وزبەكستان بولسا اۋعانستانمەن شەكتەسەتىن تەرمەز ايماعىنان قاشىپ كەلگەن اۋعان اسكەرلەرىن كەرى قايتارعان.

بۇۇ-نىڭ اۋعانستان بويىنشا ارنايى وكىلى دەبورا لايونس 22 ماۋسىمدا تالىبتەر ولكەنىڭ 370 اۋدانىنىڭ 50-دەن استامىن باسىپ العانىن جاريالاعان.

Abai.kz