قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا قازاقستاندىق ۋنيۆەرسيتەتتەر ستۋدەنتتەر اراسىندا ۆاكتسيناتسيالاۋدى قولدايتىن اكتسيالاردى باستايدى. بۇل تۋرالى بجعم ءباسپاسوز قىزمەتى حابارلادى.

COVID-19-قا قارسى ۆاكتسيناتسيالانعان ستۋدەنتتەر ۋنيۆەرسيتەتتەردىڭ مۇمكىندىگىنە بايلانىستى وقۋ اقىسىنا، جاتاقحاناعا ورنالاسۋعا جانە ءتۇرلى سىيلىقتارعا جەڭىلدىكتەر الادى. ستۋدەنتتەر عانا ەمەس، جوعارى وقۋ ورىندارىنىڭ ۆاكتسيناتسيالانعان وقىتۋشىلارى دا ماتەريالدىق ىنتالاندىرۋعا يە بولادى.

سونداي-اق، ۆاكتسينالانعان ستۋدەنتتەر ءۇشىن ۋنيۆەرسيتەتتەردە شەت تىلدەرىن وقىتۋ، كومپيۋتەرلىك ساۋاتتىلىق جانە كاسىپكەرلىك داعدىلاردى دامىتۋ بويىنشا اقىسىز كۋرستار ۇيىمداستىرىلادى. سونىمەن قاتار، كەيبىر ۋنيۆەرسيتەتتەردىڭ ستۋدەنتتەرى فيتنەس بولمەلەرىنە، باسسەيندەرگە، تەاترلارعا، كينوتەاترلار مەن كونتسەرتتەرگە بيلەتتەردى اقىسىز الا الادى.

Abai.kz