تءۇركىمەنستاندا مەملەكەتتىك مەكەمەلەردە جۇمىس ىستەيتىن قىزمەتكەرلەرگە جاڭا شەكتەۋ قويىلدى. اۋىزشا بەرىلگەن تاپسىرما بويىنشا, بۇدان بىلاي ولارعا شەتەلگە شىعاتىن تءولقۇجات بەرىلمەيتىن بولادى.

ازاتتىقتىڭ تۇركىمەنستانداعى تىلشىلەرىنىڭ حابارلاۋىنشا، قولىندا تولقۇجاتى بار ازاماتتارعا جاقىن كۇندەرى قايتا وتكىزۋ جونىندە بيلىك تاراپىنان بۇيرىق تۇسكەن.

"بيۋدجەت قىزمەتكەرلەرىنەن جاپپاي شەتەلگە شىعاتىن تولقۇجاتتارىن ۇزارتۋعا ارىز بەرمەۋ جونىندە ءتىلحات الىپ جاتىر. مۇنداي تىيىم بىزگە اۋىزشا ايتىلدى", - دەيدى اتى-ءجونىن جاسىرعان بيۋدجەت مەكەمەسىنىڭ قىزمەتكەرى.

سونىمەن بىرگە ەگەر كىمدە شەتەلگە شىعاتىن تولقۇجاتى بولسا، جۇمىسقا الىنبايدى دەپ ەسكەرتۋ جاسالعان.

تۇركىمەنستاندا بيىل حالىق ساناعى جۇرگەلى جاتىر. الدىن الا مالىمەت بويىنشا، قازىر ەلدە 2,7-2,8 ميلليون ازامات تۇرادى.

وسىعان دەيىن تۇركىمەنستاندا 6 ميلليون ادام تۇرادى دەپ ايتىلىپ كەلدى.

تۇركىمەنستان ەلدەن كەتكەن ازاماتتار تۋرالى مالىمەتتى ەشقاشان جاريالاعان ەمەس. بىراق سوڭعى 10 جىلدا تۇركىمەنستاننان 2 ميلليونعا جۋىق ازامات كەتكەن.

Abai.kz