قازاقستاندىق ءانشى رۋحيا بايدۇكەن ۆيتەبسكىدە وتكەن «سلاۆيان بازارى» حالىقارالىق ونەر فەستيۆالىنىڭ باس جۇلدەسىن جەڭىپ الدى، دەپ حابارلايدى Egemen.kz.

«سلاۆيان بازارى» بايقاۋىنىڭ باس جۇلدەسىن قازاقستاندىق ءانشى رۋحيا بايدۇكەنگە بايقاۋدىڭ قازىلار القاسىنىڭ توراعاسى اناتولي يارمولەنكو تابىستادى. بايقاۋدىڭ جابىلۋ سالتاناتىندا ديماش قۇدايبەرگەن ونەر كورسەتتى.

رۋحيا بايدۇكەن 1998 جىلى تالدىقورعان قالاسىندا دۇنيەگە كەلگەن. ول قازاق ۇلتتىق ونەر ۋنيۆەرسيتەتىندە «ەسترادا جانە ۆوكال» ماماندىعىندا وقيدى. ونىڭ داۋىسى ءتورت جارىم وكتاۆاعا جەتەدى.

ايتا كەتەيىك، «سلاۆيان بازارى» بايقاۋى 1992 جىلدان بەرى وتكىزىلىپ كەلەدى. 2015 جىلى ديماش قۇدايبەرگەن، ال 2019 جىلى – ءادىلحان ماكين قازاقستان اتىنان قاتىسىپ، باس جۇلدە يەلەنگەن ەدى.

Abai.kz