قاراعاندى ​​وبلىسىندا كارانتين كەزىندە ويىن-ساۋىق جاساۋعا تىيىم سالىنعان ەرەجەنى بۇزعانى ءۇشىن شەنەۋنىك جۇمىستان شىعارىلدى. 

بۇل تۋرالى ايماق باسشىسى جەڭىس قاسىمبەك جەلىدە وتكەن ونلاين كەڭەس بارىسىندا مالىمدەدى.

"9 تامىزدان باستاپ جەر قاتىناستارى ءبولىمىنىڭ باستىعى ماقسۇتوۆ قالەل مۇقاتايۇلى كارانتيندى ورەسكەل بۇزۋعا بايلانىستى - پاندەميا كەزىندە ۇيلەنۋ تويلارىن ۇيىمداستىرعانى ءۇشىن قىزمەتىنەن بوساتىلدى", - دەدى وبلىس اكىمى.

وقيعا 7 تامىزدا بولعان. «109» نومىرىنە «Arista» مەيرامحاناسىندا جاپپاي شارا ءوتىپ جاتقاندىعى تۋرالى حابارلاما كەلىپ تۇسكەن. وقيعا ورنىنا پوليتسيا قىزمەتكەرلەرىنەن، سانيتارلىق -ەپيدەميولوگيالىق باقىلاۋ قىزمەتكەرلەرىنەن جانە قاراعاندى ​​قالاسىنىڭ اكىمدىگىنەن تۇراتىن ءموبيلدى توپ بارعان. مەكەمەنىڭ جانىندا كولىكتەر كوپ بولعاندىقتان، مەيرامحانادا 400-گە جۋىق ادام بارىن ەسكەرە وتىرىپ، مەيرامحانا اۋماعىن قورشاۋعا قوسىمشا پوليتسيا كۇشتەرى شاقىرتىلعان.

سەس قىزمەتكەرلەرى كارانتيندىك رەجيمدى بۇزۋ فاكتىسى بويىنشا اكت جاسادى. مەكەمەنىڭ يەسى مەن ءىس -شارانى ۇيىمداستىرۋشىلارعا ايىپپۇل سالىنادى.

Abai.kz