سەمەيدىڭ كوشەلەرىنە بەرىلگەن ەسىمدەر: بيبليو-مارشرۋت
31 مامىر. بۇل كۇن ەلىمىزدىڭ تاريحىنداعى ەرەكشە ماڭىزدى كۇن بولىپ، تاريحقا ەندى. سەبەبى، ەل پرەزيدەنتى ن. نازارباەۆتىڭ «31 مامىر - ساياسي قۋعىن-سۇرگىن قۇرباندارىن ەسكە الۋ كۇنىن بەلگىلەۋ تۋرالى» جارلىعى ورسان زور ساياسي جانە ادامگەرشىلىك قۇندىلىققا يە قۇجات بولدى. 31 مامىردا بۇكىل ەلىمىز مىڭداعان ادامداردىڭ، تۇتاس حالىقتاردىڭ تاعدىرىن تاۋقىمەتكە سالعان توتاليتارلىق جۇيە قۇرباندارىن ەسكە الىپ، تاعزىم ەتەمىز. بۇل ايتۋلى مەرەكەگە شىعىس قازاقستان وبلىستىق اباي اتىنداعى امبەباپ كىتاپحاناسى «سەمەي كوشەلەرىنە ەسىمدەرى بەرىلگەن تۇلعالار» تاقىرىبىندا بيبليو-كەرۋەن وتكىزدى. شارا بارىسى «سەماۆتوپارك» جشس مەكەمەسىنىڭ كەلىسىمىمەن قالاداعى № 2, 3, 5, 9, 10, 11, 22 باعىتتى اۆتوبۋستاردا جانە ايالدامالاردا وتكىزىلۋىمەن ەرەكشەلەندى. قالاداعى باعىتتى اۆتوبۋستار جولاۋشىلارىنا ارنالعان شارانىڭ باستى ماقساتى: سەمەي كوشەلەرىنە ەسىمدەرى بەرىلگەن ساياسي قۋعىن-سۇرگىن كورگەن، زوبالاڭ جىلدارى اتىلىپ كەتكەن جانە ءىز-ءتۇزسىز جوعالىپ كەتكەن الاش قايراتكەرلەرىنىڭ قوعامدىق قىزمەتىمەن، شىعارماشىلىعىمەن تانىستىرۋ، حالقىمىزدىڭ تاريحىنا قۇرمەت كورسەتۋ، جاستارعا وتانسۇيگىشتىك تاربيە بەرۋ، ەلىمىزدە وقۋ مادەنيەتىن دامىتۋعا اتسالىسۋ.
31 مامىر. بۇل كۇن ەلىمىزدىڭ تاريحىنداعى ەرەكشە ماڭىزدى كۇن بولىپ، تاريحقا ەندى. سەبەبى، ەل پرەزيدەنتى ن. نازارباەۆتىڭ «31 مامىر - ساياسي قۋعىن-سۇرگىن قۇرباندارىن ەسكە الۋ كۇنىن بەلگىلەۋ تۋرالى» جارلىعى ورسان زور ساياسي جانە ادامگەرشىلىك قۇندىلىققا يە قۇجات بولدى. 31 مامىردا بۇكىل ەلىمىز مىڭداعان ادامداردىڭ، تۇتاس حالىقتاردىڭ تاعدىرىن تاۋقىمەتكە سالعان توتاليتارلىق جۇيە قۇرباندارىن ەسكە الىپ، تاعزىم ەتەمىز. بۇل ايتۋلى مەرەكەگە شىعىس قازاقستان وبلىستىق اباي اتىنداعى امبەباپ كىتاپحاناسى «سەمەي كوشەلەرىنە ەسىمدەرى بەرىلگەن تۇلعالار» تاقىرىبىندا بيبليو-كەرۋەن وتكىزدى. شارا بارىسى «سەماۆتوپارك» جشس مەكەمەسىنىڭ كەلىسىمىمەن قالاداعى № 2, 3, 5, 9, 10, 11, 22 باعىتتى اۆتوبۋستاردا جانە ايالدامالاردا وتكىزىلۋىمەن ەرەكشەلەندى. قالاداعى باعىتتى اۆتوبۋستار جولاۋشىلارىنا ارنالعان شارانىڭ باستى ماقساتى: سەمەي كوشەلەرىنە ەسىمدەرى بەرىلگەن ساياسي قۋعىن-سۇرگىن كورگەن، زوبالاڭ جىلدارى اتىلىپ كەتكەن جانە ءىز-ءتۇزسىز جوعالىپ كەتكەن الاش قايراتكەرلەرىنىڭ قوعامدىق قىزمەتىمەن، شىعارماشىلىعىمەن تانىستىرۋ، حالقىمىزدىڭ تاريحىنا قۇرمەت كورسەتۋ، جاستارعا وتانسۇيگىشتىك تاربيە بەرۋ، ەلىمىزدە وقۋ مادەنيەتىن دامىتۋعا اتسالىسۋ. «سەماۆتوپارك» جشس مەكەمەسىنىڭ اتالعان باعىتتى اۆتوبۋستارى جۇرەتىن نەمەسە كەسىپ وتەتىن، قۋعىن-سۇرگىن قۇرباندارىنىڭ اتتارى بەرىلگەن كوشەلەرگە ومىرلەرىن حالقىمىزدىڭ بىرلىگى جولىنا ارناعان شاكەرىم قۇدايبەردىۇلى، ءاليحان بوكەيحانوۆ، جۇسىپبەك ايماۋىتوۆ، مىرجاقىپ دۋلاتوۆ، ماعجان جۇماباەۆ، رايىمجان مارسەكوۆتەردىڭ ءومىر تاريحىنان قىسقا دەرەك جازىلىپ، اۆتوبۋستاردىڭ قابىرعالارىنا ءىلىندى. اۆتوبۋستاعى جانە ايالداماداعى جولاۋشىلارعا ايتۋلى كۇننىڭ ماڭىزى، بۇگىنگى شارانىڭ ماقساتى تۋرالى اقپاراتتار بەرىلىپ، «سەمەي كوشەلەرىنە ەسىمدەرى بەرىلگەن تۇلعالار» تاقىرىبىندا الاش ارىستارىنىڭ ءومىرى مەن شىعارماشىلىعى تۋرالى دايىندالعان بۋكلەتتەر، بەتبەلگىلەر، اقپاراتتىق بەتتەر تارتىلدى. بۇل اقپاراتتاردا قۋعىن-سۇرگىن قۇرباندارىنىڭ فوتوسۋرەتى، دۇنيەگە كەلگەن جانە ومىردەن قايتقان جىلى، اتۋ جازاسىنا نە ءۇشىن جانە قاشان بۇيىرىلعان ۋاقىتى، قاي جىلى اقتالعاندىعى تۋرالى قىسقاشا مالىمەتتەر بەرىلگەن. قىسقا بولسا دا بەرىلگەن اقپارات قالا تۇرعىندارىنىڭ حالقىمىزدىڭ تاريحىن قۇرمەتتەۋگە، تانىمال ەسىمدەر تۋرالى تەرەڭ وقىپ بىلۋگە قىزىعۋشىلىقتارىن تۋدىرادى دەگەن ويدامىز. سونداي-اق، ءار اقپاراتتىڭ سوڭىندا «قۇرمەتتى جولاۋشىلار، سىدەردى سەمەي ولكەسىنىڭ تاريحي تۇلعالارى تۋرالى اقپاراتتار قىزىقتىرسا، شىعىس قازاقستان وبلىستىق اباي اتىنداعى امبەباپ كىتاپحاناسىنا حابارلاسىڭىزدار» دەگەن سوزەر مەن كىتاپحانانىڭ تولىق مەكەن-جايى كورسەتىلدى. ەل تاريحىنداعى ماڭىزدى كۇنگە ارنالعان بۇل شارانى وتكىزۋىمىز جۇرتشىلىقتىڭ تاريحي تۇلعالاردى تانىپ-بىلۋىنە قوسقان ءبىزدىڭ از دا بولسا ۇلەسىمىز بولماق.
