دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) باس ديرەكتورى تەدروس ادانوم گەبرەيۋس كۇزدە بولاتىن جاڭا پاندەمياعا دايىندىققا شاقىردى. بۇل تۋرالى ول جەنەۆادا وتكەن بريفينگتە مالىمدەدى.

«كەلەسى ءۇش اي بولاشاق پاندەمياعا دايىندىق پەن وعان قارسى ارەكەت ەتۋدىڭ ماڭىزدى كەزەڭى بولادى»، - دەدى گەبرەيۋس.

«الەمدە كۇن سايىن انىقتالاتىن جاعدايلاردىڭ سانى بويىنشا جاعداي تۇراقتالدى. الايدا، بۇل تۇراقتىلىق وتە ۇلكەن قايعىلى ستاتيستيكامەن ۇلاسىپ جاتىر»، - دەپ ءتۇسىندىردى ول.

«جاعداي ايماقتاردان ايماقتارعا، ەلدەردەن ەلدەرگە، پروۆينتسيالاردان پروۆينتسيالارعا جانە قالالاردان قالالارعا وتكەن ساتتە وتە وزگەشە. كەيبىر ايماقتار مەن ەلدەردە COVID-19 جۇقتىرعاندار مەن ولگەندەردىڭ سانى وسۋدە، ال باسقا ايماقتاردا جاعداي جاقسارۋدا. ازىرگە بۇل ۆيرۋس بارلىق جەردە قاۋىپ توندىرۋدە»، - دەپ قوستى گەبرەيەسۋس.

بۇعان دەيىن دۇنيەجۇزىلىك دەنساۋلىق ساقتاۋ ۇيىمى الەمدەگى كوروناۆيرۋستان بولاتىن ءولىم-ءجىتىم تۋرالى دەرەكتەردى جاڭارتقان ەدى.

Abai.kz