ءۇندىستاننىڭ كەرالا شتاتىندا 11 ادامنان نيپاح ۆيرۋسىنىڭ بەلگىلەرى انىقتالدى. بۇل تۋرالى دۇيسەنبىدە شاراپ ايماعىنداعى دەنساۋلىق ساقتاۋ ءمينيسترى NDTV ارناسىنىڭ ەفيرىندە ايتتى.

شەنەۋنىكتىڭ ايتۋىنشا، ءبىر كۇن بۇرىن 12 جاسار بالا نيپاحتان قايتىس بولعان. دارىگەرلەر بالامەن بايلانىستا بولعان 251 ادامدى انىقتاپ، باقىلاۋعا العان.

"كوجيكودە مەديتسينالىق كوللەدجى مەن اۋرۋحانادا 38 ادام وقشاۋلانعان، ولاردىڭ 11-دە  نيپاح ۆيرۋسىنىڭ سيمپتومدارى پايدا بولدى. سەگىز ادامنىڭ سىناماسى ۇلتتىق ۆيرۋسولوگيا ينستيتۋتىنا تەستىلەۋگە جىبەرىلدى", - دەدى مينيستر.

نيپاح ۆيرۋسى - ولىمگە اكەلەتىن جۇقپالى اۋرۋلاردىڭ ءبىرى. ونى ەمدەيتىن ۆاكتسينا جوق، جۇقتىرۋ جاعدايلارىنىڭ 70% ولىمگە اكەلەدى. ۆيرۋس العاش رەت 1999 جىلى مالايزيادا تىركەلگەن. اۋرۋدىڭ بەلگىلەرى - دەنە قىزۋىنىڭ كوتەرىلۋى، باس اۋرۋى، ۇيقىشىلدىق، تىنىس الۋدىڭ بۇزىلۋى. ءبىر-ەكى كۇننەن كەيىن ناۋقاس كوماعا تۇسەدى. ۆيرۋستىڭ تابيعي تاسىمالداۋشىلارى - جەمىستەرمەن قورەكتەنەتىن ۇشاتىن تۇلكىلەر.

Abai.kz